للمزيد من التقارب في الوطن العربي

[بو راشد]

اخواني الاعزاء منذ اشتراكي في هذا المنتدى الرائع كلمني كم واحد على الخاص وطلبو مني مساعدات مختلفه واكثر من بسيطه .. والسبب كان موقعي الجغرافي .. ((ركز عليها هذي))

فانا حبيت اسوي موضوع (وحتى ان محد شارك فيه غيري ) مع ان هالشي مستحيل في هذا المنتدى الطيب واهله الطيبين .. يكون نكسر حواجز الخجل او التردد في طلب اي مساعده من اي عضو ..

وببتدي بنفسي .. انا اسمي عبد الرحمن (بو راشد).. بس انا توني شباب هذي كنيتي بس ..

وانا مستعد اني اساعد اي حد يحتاج اي شي من ديرتي الطيبه (البحرين) وصدقوني بكون سعيد جدا في مساعدتكم والي تامرون فيه انا حاضر .. من الحيوانات المختلفه الى الكلاب وغيرها.. فانا والحمد لله اعرف معظم مربين الحيوانات في بلدي.

واذا محتاجين اي شي ولو كان حد يسليكم اثناء التواجد في ديرتي مستعد اكون دليلكم السياحي واعلمكم كل شي قبل لا توصلون وحتى من تكونون في ضيافتنا .. وان احتجتو اي شي فيها راح تلاقوني في الخدمه وارد اعيد للتاكيد بس (بدون اي مقابل)

الي يامر باي شي يكلمني عالخاص او هذا ايميلي xhamaneex@hotmail.com

وحياكم الله

[قطو_Q8te]

موشيء غريب على اهل البحرين هالكرم
ماقصرت اخوي

[بوفهد]

فعلا هذا مو غريب عليك يا بوراشد

الله يعطيك العافيه على هالخدمه المجانيه اللي تدمها واللي تدل على رقي اخلاقك وسمو صفاتك

واعضاء توزوو هم عائله واحده تتكاتف دائما لمساعدة بعضها البعض

بالتوفيق يا بوراشد

[تو zoo]

مشكووووووور على المساعدة
وهذا من طيب اصلك

[Moz3ej]

الله يحفظكم يا اهل البحرين ..

ومثل ماقالو مو غريبه عليكم هالطيبه والشهامه والاخلاق


يعطيك العافيه

[بوعزوز]

مشكور اخوي على الخدمات الطيبه وكله من ذوقك كرمك الرفيع اخوي ومثل ماقالو اخواني مو غريبه على أهل البحرين هذا الكرم والطيبه.
وشكراا

[بو راشد]

مشكورين اخواني على هذا الكلام الطيب الي صج اخجلني ..

بس والله محس اني استاهل هذي كله ... للحين مسوينا شي ياخواني

كل الي ردو عزيزين وغالين على قلبي او والله لكم معزه خاصه في قلبي

اتمنى انكم تعطوني فرصه خدمتكم في يوم من الايام وبعدين ان كنت استاهل قولولي هالكلام الحلو

اخجلتوني بطيبكم يالربع والله .. وهذا يدل على طيب اصلكم .. وزين معدنكم

وصدقوني انا الحين متحمس لاي شي تامرون فيه ياخواني اكثر من قبل

وشكرا

[ابو عبد الله الجبوري]

والله والنعم من بو راشد ما تكصر
اخوك ابو عبد الله من العراق

[جاسم777]

والله قول وفعل ما تقصر يا اخوي عبد الرحمن دوم انشا الله

[بو راشد]

يا هلا والله باهل العراق اهلنا الطيبين ومنا وفينا

واشكرلك الرد يا بو جاسم .. وترانا على الوعد

مشكورين اخواني لردودكم .. ونتمنى طلباتكم

واتمنى من اي حد في البحرين او اي ديره ومستعد انه يساعد اخوانه في بلده ولو بابسط الاشيا انه يضيف رده ومعلوماته

ويجعل الله فعله في ميزان حسناته ان شالله

ولكم جزيل الشكر