كمية كاسيكو غير محجله غدا

[مجنون فلته]

السلام عليكم

اخوتي يوم السبت راح تنزل طيور الكاسيكو فروخ بسوق واقف البحرين وسعرها ب 50 دينار بحريني

ومن الممكن انه يشترونها التجار السعوديين

ف من منكم يبي يلحق على روحه وياخذ قبل نفاذ الكميه

تحياتي

[forever1]

يعطيك العافية اخوي
ممكن نعرف وين سوق واقف فية بالضبط ومن متى يفتح السوق ومتى يسكر
واذا الكمية نزلت السوق اليوم او لا ومن المتوقع اعمارها كم
انا من الدمام وممكن اجي بكره

[مجنون فلته]

اعمارهم ماتقل عن 4 اشهر وماتزيد عن 7

سوق واقف في مدينة حمد اول ماتجي من جسر السعوديه

اول كوبري تروح فوقه تجيك اشاره تاخذها ييسار وتروح كله سيده راح يجيك
دوار تدخله يسار راح على يمينك يصير السوق ادخل يمين ثاني لفه واسأل

اي شخص تشوفه حتى لو هندي بيدليك محل الطيور
والأفضل تاخذ وياك بحريني على شان مايكذبون عليك بالسعر ويغلونه

لأن اذا شافوك خليجي بيرفعون السعر شوف اذا عندك بحريني معرفه صديقك ولا شي اخذه معاك

وانا ان شاء الله بكره راح اروح السوق وبخبرك

[forever1]

يعطيك العافية اخوي مجنون فلتة انطر منك رد يالحبيب بكره لاني معزم على الشرا ان شاء لله
بالنسبة للمعرفة للاسف ماعرف احد من اهل البحرين مع ان مابينا وبينكم الا جسر 25 كيلو بس
اهم شي اسال عن السعر الله لا يهينك
وممكن اعرف السوق الى متى فاتح
وبحسب خبرتك ان الطيور هاذي ممكن تصير وليفه وقابلة لتدريب ولا لا
تحياتي لك......

[مجنون فلته]

المشاركة الأصلية كتبت بواسطة forever1

يعطيك العافية اخوي مجنون فلتة انطر منك رد يالحبيب بكره لاني معزم على الشرا ان شاء لله
بالنسبة للمعرفة للاسف ماعرف احد من اهل البحرين مع ان مابينا وبينكم الا جسر 25 كيلو بس
اهم شي اسال عن السعر الله لا يهينك
وممكن اعرف السوق الى متى فاتح
وبحسب خبرتك ان الطيور هاذي ممكن تصير وليفه وقابلة لتدريب ولا لا
تحياتي لك......

الله يعافيك اخوي

انا سألت عن السعر قبل ماينزلون والمحل الي سألته معرفه انا معاه

السوق فاتح من الصبح الى الظهر تقريبا الساعه 1 ومن الساعه 3 الى 8 هاذيلا اكثرهم

وبعضهم فاتحين من الصبح الى الليل

والسعر ان شاء الله اتأكد لك اليوم اكثر

[M7mD]

يعطيك العافيه عالخبر اخوي

بس حبيت اسألك انا من الكويت

وابي اسألك عن اسعار الببغاء عندك ؟؟

الكاسكو الجامبو محجل فرخ بكم ؟؟
والكوكاتو بكم ؟ الأليف فرخ

والامزون بكم

والمكاو بلو قولد بكم

وسامحني عالاسأله الكثيره
وانا بأنتظارك

[مجنون فلته]

المشاركة الأصلية كتبت بواسطة M7mD

يعطيك العافيه عالخبر اخوي

بس حبيت اسألك انا من الكويت

وابي اسألك عن اسعار الببغاء عندك ؟؟

الكاسكو الجامبو محجل فرخ بكم ؟؟
والكوكاتو بكم ؟ الأليف فرخ

والامزون بكم

والمكاو بلو قولد بكم

وسامحني عالاسأله الكثيره
وانا بأنتظارك

الكاسكو الجامبو ب 150 دينار وتقدر بالمكاسر اذا انت شاطر تطلعه بأقل
والكوكاتو شفت واحد يقولون عمره سنه وكم شهر بس انا بالكوكاتو مو ذاك الزود
سعره 450

والأمزون ب 400

والمكاو موجوده فروخ بلو ب 500 دينار وفيه مكاو RED بنفس السعر وعنده كل الأنواع تقريبا وفي سوق واقف هالمحل

واسأل مثل ماتبي خذ راحتك

[مدرب الأفريقي]

السلم عليكم ....
.

معليش سامحني أخي العزيز ( مجنون فلته ) .

.

بس الي عندى فلوس زايده ما يبيها ياخذ منهم ولي ماعنده لاياخذ منهم لانهم أذا مرو من عند الجمارك السعوديه مراح يمرون من عند ( عزرائيل ) أسأل مجرب و لا تسأل طبيب ( عشر طيور صفا منهم ثلاثه ) هذا أنا أقلكم مع الشكر .
.
.
.

[مجنون فلته]

المشاركة الأصلية كتبت بواسطة مدرب الأفريقي

السلم عليكم ....
.

معليش سامحني أخي العزيز ( مجنون فلته ) .

.

بس الي عندى فلوس زايده ما يبيها ياخذ منهم ولي ماعنده لاياخذ منهم لانهم أذا مرو من عند الجمارك السعوديه مراح يمرون من عند ( عزرائيل ) أسأل مجرب و لا تسأل طبيب ( عشر طيور صفا منهم ثلاثه ) هذا أنا أقلكم مع الشكر .
.
.
.

افا والله افا عشره عاد !!!!!!!!!!

شكلهم الجمارك قامو يبيعون طيور من زود مايصادرونهم

والله قوانينهم يمشونها على الفقارى بس الهوامير الأشارة خضرا

[forever1]

تسلم اخوي مجنون فلتة على اهتمامك وحرصك
انا بنتظار الرد عن الكمية اذا متوفره والاسعار
انا مالي بالشغله كثير اهم شيئ انا بسال عنه
حسبك وصفك ان الطيور غير محجلة هذا يعني انها انتاج خارجي او محلي
والاهم هل هي قابلة لتعليم او هي وحش بحسب خبرتك
وشششششششششششششششكرا