-- بناء عش + تخزين طعام + شجار دامي مع الذكر و لاتوجد علامات جسدية للحمل --

[SoSaNa]

السلام عليكم ورحمة الله وبركاته

كيف الحال

اضن قرأتو مشكلتي مع هامسترتي انالورا اللي تذبح الذكور ضرب لحد النزيف

انا من شريتها لي 9 أيام تماما

شريتها مع زوج لها لكنها ضربته وكانت بتقطع ذيله من كثر العض قلت يمكن لأنه اصغر عنها في الحجم والعمر

رديت الذكر هذا وجبت لها غيره ونفس الشي سلخت الذيل وما بعده وخلته ينزف ورديته على طول وخليتها وحيده

ومن يوم صارت وحيده صارت كسول وخاملة وكثيرة النوم على عكس لما كانوا معهاالذكور كانت حركة و عليها حركات مضاربات وشطانة

وبعد الاحظها تسوي اعشاش في الاركان كل ما غيرت النشارة بنت لها عش ثاني في ركن ثاني
هل بناء العش امر طبيعي ؟

واليوم لما جيت انظف لها القفص لاحظتها حاطة كمية كبيرة من الاكل تحت العجلة الدوارة قريب من عشها شلته كله عشان انظف القفص

لكن ما جت نص ساعة الا وهي مسوية عش قريب من الموية و حاطة حوله الاكل

قلت هذي كلها علامات حمل لكن جسمها ما يظهر عليه شي ابدا

هي سمينة من يوم شريتها بالاصح فروها غزير ما اشوف بطنها انتفخ ولا ظهرت لها حلمات للرضاعة ولا شي

شو مشكلتها بالضبط ؟

طبعا نوعها ونت وايت (روسي قزم )

هي اللي بصورتي الشخصية

[الاسطورة]

انشاء الله تكون حامل ومو شرط انها تكون سمينة عشان تكون حامل ما تبين إلا في الأيام الخيره للحمل .

وانشاء الله اكون قدرت افيدك

[SoSaNa]

الله يسمع منك جد راح افرح بها ان طلعت حامل

ع الاقل ما يروح دم ازواجها هدر ههههههههههههههههه

انا بصبر عليها وبشوف والله يستر لانها من مدة طاحت من مكان عالي شوي واخاف يأثر عليها

اعتقد ان فترة حملها من 18- 21 يوم صح ؟

[الاسطورة]

تقريباً

[SoSaNa]

يب انا لي من جبتها البيت 13 يوم

تصرفاتها تقول حامل لكن مظهرها لا حتى ما احس بطنها اتكور ابدا

وانا مو قادرة اجيب ذكر بسبب عنفها

لا وطالعتلي بحركة جدبدة من احط يدي في القفص تجري وتلحس اصابعي ويمكن لو تركت ايدي اكثر كان عضتني تحسبني اكل

مدري والله انالورا محيرتني جدا

[الاسطورة]

لا كل هذا عادي بس انتي اغسلي يدك بالماء والصابون حتى ما يكون فيها ريحة اكل او ريحه غريبه تقوم تعضك على بالها اكل