كوكتيلي يعض جناحه الين ما طلع الدم

[تراني جديدة]

من اربعه ايام يوم جيت والقى القفص فيه دم هنا وهناك .. استغربت من وين هل الدم واشوف جناح الكروان من جوا وعلى الاطراف فيه دم .. استغربت وش الحكايه قلت يمكن الكروان الي معه عضه بس مجرح من الجهتين يعني مو جناح واحد .. فا ركزت المراقبه قلت يمكن يكون في شي في القفص جرحه بس مافي شي حاد عشان اقلق منه .. ومع المراقبه لقيته هوا يعض نفسه ويجرح نفسه .. اول مره اشوف هل الشي مع العلم حركته طبيعيه واكله طبيعي والدم ساير اسود شكله نشف بس هوا كل ما لقى نفسه فاضي يقعد يحك الجرح ولا ما اعرف وش يعمل .. هل الشي الي يعمله طبيعي او سار لاحد من كرواناتكم .. يمكن نفسيته تعبانه عشان الكروان الثاني مو معطيه وجه .. وش اعمل .. ومن ناحيه التحميم هم يتحمموا بالحالهم احطلهم المويه وهم يدخلوا في المغطس .. والمحل نظيف حقهم كل يوم انظفه .. احد عنده فكره او سار معه مثلي ؟

وكل عام وانتوا بخير .. ومبارك عليكم الشهر ..

[د/أحمد توفيق]

بسم الله الرحمن الرحيم
أختي الكريمة
هل الطائر به فاش ؟ هل تحُكّي نفسك عند الاقتراب من قفصهم ؟
هل هذا الطائر كان أليف ومدلل جدا لديكِ ؟
كم مرة تحمميهم بالأسبوع ؟

[تراني جديدة]

دكتور ايش يعني فاش .. الكوكتيل هادا احبه كثير ولا في شي تغير وهو غير اليف بس بدء ياكل من ايدي بخوف ويهرب بسرعه .. انا ما احك نفسي لمن اقرب لهم .. احممهم مره في الاسبوع وبديت اخفف عشان الجوا بدء يتغير .. شكرا على ردك ..

[د/أحمد توفيق]

بسم الله الرحمن الرحيم
أختي الكريمة
الفاش هذه حشرات صغيرة جدا تكون على جسم الطيور وتمتص دمهم مما يؤدي الى تعصب الطيور ونتف ريشهم أو تسبب لهم أرق بالليل بالطبع بالاضافة الى تأثير مصهم للدماء ...
طالما تحافظي تماما على النظافة فإن شاء الله لن يكونوا عند طيورك ..
أعتقد فترة الصيف الحارة الماضية كان أفضل تحميم الطيور أكثر من هذا بكثير وربما يكون هذا السبب , أو بسبب ملل الطيور من شيء ما ...
ان شاء الله يتحسن الفترة القادمة ولكن احرصي على تشتيت ذهن الطائر عن الجرح بوضع لعب جديدة لهم حتى يتسلى فيها ويتلهى بعيدا عن الجرح .
هل اشتريتي القطة ؟ ربما يكون خائف منها

[تراني جديدة]

دكتور الوضع جدا خطير .. قبل شوي مسكته وفتحت جناحه ولقيت جروح كثيره وحطيت كريم مضاد حيوي عليها بس هوا كان يقاوم كثير الين ما نزل دم وسار جوا كله دم والحين رجعته للقفص بس هو يحك براسه مكان الجرح وشكل المضاد دخل عينه .. الله يستر خايفه كثير عليه .. يمكن بكرا اوديه للبيطري بس مهما يكون ماراح ارضى يعطيه ابرا .. الكروان الي معاه خايفه عليه بس مل ودي افصله لان الكروان الجريح يحبه كثير ويستمد قوته بوجوده ..المضاد الي حطيته بالعاده ينشف الجرح ان شاء الله يمشي معاه ..مسكين والله مجرح كثير من جواة جناحه ..
لا لا القطه صرفت نظر عنها الفتره هادي يمكن بعدين بس مو الحين ..

[قاهر عناد الكوكاتيل]

مرحبا اختي ... نفس المشكلة صارت معي لكن البادجي و ليس الكروان
و وقتها اعتقدت انه لن ينجو من كثرة الدماء ... لكني استخدمت معقم لونه احمر
اعتقد ان اسمه بوفيدون لست متأكد ... و لمرة واحدة فقط ... في نفس اليوم رجع طبيعي

و كل عام و انتم بخير

[تراني جديدة]

قاهر عناد الكوكتيل .. يوم واحد !! مشاء الله تبارك الرحمن .. يارب يرجع مثل ما كان كرواني .. اخذته امس للبيطري وكان من جوا تقرحات حمرا كبرت شوي .. الدكتور معرف وش سمى المرض المهم عطاني بخاخ قالي احط منه ثلاثه مرات في الاسبوع وبخاخ ثاني اسمه هبي شاور عشان التحميم ..حتي حطينا للكروان السليم الي معاه في نفس القفص .. ودفعني 84 ريال عشان البخاخين .. يارب يخف .. وانا بصراحه اضن الوضع راح يطول ما اضن يوم ويخف ماني متفائله ابد .. شكرا كثير على مرورك ..

[قاهر عناد الكوكاتيل]

لا اعلم ما هو نوع المرض ... لكني ذكرت لك ما حصل معي لعلك تستفيدي

[كوكاتيله]

أختي تراني جديدة يمكن الكوكاتيل يعاني من الملل ويمكن زي ماقلتي إن الكوكاتيل الثاني مايعطيه وجه فحطي لهم العاب تسليهم واستمري على وصفة البيطري ولا تفصليهم عن بعض لأن هذا المرض مايعدي وإنشاء الله إستفدتي وإنشاء الله يتعافى بأسرع وقت

[الكروان الاسود]

hgsld fgvsdk


gfsfdg gfsdg sdgpa ike,v, opfn jksd;


gvsj;s


,a;vh