ملاحظات على البلوفرنتد

[bda5655]

السلام عليكم و رحمه الله و بركاته
اخواني الاعزاء انا شاري بلوفرنتد قبل اسبوع و نص تقريبآ و ما سبق لي ربيت امازوني ابد قبل لي عده تجارب مع الافريقي و هالمره قلت بغير اشوف ايهم افضل لكن لاحظت عليه اشياء ما قدرت افسرها من الاشياء هذي دورانه حول نفسه قلت يمكن انه يبي يطلع من القفص فتحت له القفص و لا طلع كمل دوران علمآ انه سبق و طلع من القفص عادي و يدور على نفسه بشكل سريع و ما اعتقد انه رقص (( ما فيه احد متوتر و يشكشك )) و الملاحظه الثانيه هي الاكل اول ما جبته للبيت ما ياكل و هذا طبيعي لكن بعد كم يوم اعطيه حبوب دوار الشمس بيدي و ياكلها لكن من الصحن ما ياكلها ابد تركته يومين ابيه يجوع و ياكل من الصحن ما اكل بخلاف بعض الاطعمه يجي للصحن ياخذها مثل التفاح و الموز المجفف اما دوار الشمس و النوع الثاني الابيض ( ما اعرف اسمه ) لا ما ياكلها انا ما ادري هل هو مو متعود و الا وش وضعه و اذا مو متعود عليها ليه ياكلها من يدي و ما ياكلها من الصحن ,, طبع الطير مواليد 2012 اتمنى احصل نكم تفسير لتسأئلي و لكم مني جزيل الشكر و التقدير

[monybat]

اخي الفاضل
طبع الامازون يلعب ويلف حولين نفسه ويطلع وينزل بالقفص وهذا شي جيد
اما الاكل فهو واضح انه مو متعود عالنوعيه خليها له وحط خبز قطع في الصحن وراح يتعود عادي لا تخاف
بالتوفيق

[أسيــــر]

وعليكم السلام ورحمة الله وبركاته
مبروك الطير اخوي
الدوران هذي طبيعه في الامزون
ويريت ترفق مقطع فديو لطير وهو يدور ان كان في ملاحظات عليها
وبنسبه للاكل تغير المكان عليه وتحصله متعود على صاحبه الاول
عدة امور تغير سلوك الطير ومنها تغيير القفص او نوع الغذاء وتاكد من صحته

[bda5655]

بدايه يعطيكم الف عافيه على تفاعلكم و المعذره بتاخري بالتواصل معكم

الطير له فوق اسبوع و نص و الاكل هو نفس الاكل اللي عند صاحبه السابق علمآ ان صاحبه السابق تاجر يعني ما اعتقد ان بيكون بيهم الفه زايده كما ان الطير اول ما جبته وحش و يعض و الحين يقبل المسح على الراس و فيه نهايات العض ( يعض عن قوله انه ما عض حفظآ لماء وجهه) وانا اتوقع انه عرف اني ما راح اضره , مرات يجي لصحن الاكل ياخذ انواع معينه من الاكل و هي الفواكه المجففه اما البذور ما يقربها لازم انا اعطيه و ياكل من يدي اما من الصحن ما ياكل احسن انه متعود انه يخدم و يوكله احد كما انه قاهرني اعطيه سوبال او ما يسمى فول سوداني ما ياكل اللب مجرد تكسير فقط كما اني جربت ادهن البذور و الفول السوداني بالعسل يلحسها و يرميها افكر اني اجوعه لعل و عسى يحده الجوع على الصحن و يدرب عليه

[طاهر عبدالعال]

السلام عليكم أخى الفاضل والله يهنيك بالأمازون ططير رائع ويحب اللعب والمرح ويختلف عن الكاسكو بمراحل
النصيحة لك لتاكل الطير حب شمسى ترى تسبب تسمم على المدى الطويل والفول السودانى كتره فى مشكلة على الطائر من دهون وخلافة :
1- أكياس الخضار المشكل المثلجة ( فاصوليا - جزر - ذرة ) تضعها 10 دقائق فى الماء الساخن وتعطيها
2- البسكون والخبز
2- طعام الباليتس أو الزوبريم كما يسمى أذا حصلته هذا رائع لكل الطيور ويطرد السموم ويغير حالة الطير المزاجية
4- خلى الحب الشمسى أو السبال للمكافأت والتدريب فقط ولايزيد عن 4 او 5 حبات فى اليوم
تحياتى لك

[bda5655]

يعطيك العافيه اخوي طاهر على النصيحه
اذا عندك صوره لطعام الباليتس او الزوبريم يا ليت تتكرم علينا فيها و اكون لك من الشاكرين

[شرارة]

طبيعي جدا لوتسال راعيه الاول راح تلاقيه ماكان يعطيه حب شمسي
مو متعود مع الوقت راح ياكلها فكها له وعطه من يدك وراح ياكلها
ممكن كان متعود على البقوليات والخضار المجمدة
لاتخاف اذا جاع راح ياكل اللي في المعلف
والدوران يمكن يدور شي ؟ههه
الامزوني هذاا طبعه حركتة واجد

اتمنا لك التوفيق

وعلى بركة الطير