الكاسكو والتغريد

[toot8887]

السلام عليكم


الببغاء حقي الافريقي عذبني مايغرد ابد

مع انه تعود علي ويحبني ويطلع عيدي وأليف لاكن مايغرد ابد

يعني بالكاد اسمع تصفيره وحده بليوم كلة وش الحل معاة حطيت تسجيلات تغريد لي يومين وللحين مافية استجابة


سؤالي الثاني الببغاء يحب الفول السوداني بشكل جنوني وابغا اعرف يضر الببغاء اذا اعطيتة يوميا فول سوداني

[أسيــــر]

وعليكم السلام ورحمة الله وبركاته
حياك الله اخوي
التغريد او التصفير لدى اكثر المربين يعتبر الطير مزعج ولا ينصح بتعليمه التصافير
ان امكن تغليد نغمات الجوال صوة الجرس والمنبهات
ويعتمد على عمر الببغاء وانصحك بتلغينه الكلام وبتدي معه بكلمه قصيره
مثل اسمك - السلام عليكم - بوسه - حبيبي الخ
وبنسبه للفول السوداني لاتكثر له اعطيه كا مكافئه فقط عندما يتجاوب معك في التدريب
يفضل من حبتين الى ثلاث في اليوم فقط
بتوفيق ان شاء الله

[toot8887]

الببغاء عمرة تقريبا 8 شهور وكم يوم

انا اردد كل يوم له كلمات متى ممكن يتفاعل معي

والله يعطيك الف الف صحة وعافية ع ردك الجميل الله يحفظك

[أسيــــر]

كثر التكرار يعلم الشطار
استمر معه المسئله تحتاج صبر في التلغين
عند التلغين حاول تكون انت والطير في غرفة من دون اي اصواة اخرى
وجعله مرتفع عن الارض بتعليق القفص او وضعه على طاولة ولغنه بصوة مرتفع
او شغل مقطع صوتي لنفس الفصيله وجعله يعيد عليه التكرار لمدة ساعات
ومزال عمر الطير صغير وراح يخزن ويفاجئك بنطق بأذن الله
الله يعافينا وياك ياغالي شاكر كلامك الطيب

[toot8887]

الله يرفع مقدارك

بس خدمة بسيطة انا جلست ابحث كثير عن اصوات او مقاطع صوت لكاسكو لاكن ماحصل

[أسيــــر]

جزاك الله خير ياخوي
بنسبه للمقاطع كثيرة على اليوتيوب سجل (ببغاء افريقي يتكلم )
وتطلع لك عدة مقاطع وختار الي يعجبك وحمله على جهازك
طبعن يفضل انك تلغنه شخصيا بالاظافه لتسجيل اذا كنت غير متواجد
هذي بعض الروابط ان شالله تفيدك بعض الشئ في التلغين
http://www.youtube.com/watch?v=ARCVhxsoqjI

http://www.youtube.com/watch?v=p8TCmxAtHuo

http://www.youtube.com/watch?v=8MnpIQYYQ_I

[toot8887]

بارك الله فيك

اخوي اسف ع كثرة الأسأله بس اخر سؤال
حك الببغاء منقارة الي تحت بلي فوق ويسوي فرقعة بمنقارة يعتبر طبيعي

ولا فيه مشكلة

[أسيــــر]

ويبارك فيك
طبيعي الحركه هذي
وكثير من ببغاء الكاسكو يسويها عند موعد النوم
وخاصه بعد الاكل
وخذ راحتك في الاسئله
بتوفيق ان شاء الله

[toot8887]

صحيح ماشاءالله عليك لاحظت انه بعد الأكل توني ادقق ههههههههههه

وابشرك هو له عندي 4 ايام وكل مالة يدخل اجواء بيتنا الحين بدأ يغرد على خفيف بخجل

وعقبال ما ينطق ان شاءالله .. ودي لك وكامل احترامي ❤

[the_gostman]

اخي الكريم..

الطير لسه جديد على البيت (4 ايام فقط ) !!! يحتاج على الاقل اسبوعين حتى يبدأ يعتاد على المكان والصاحب الجدد.. اهتم فيه وابعده عن التيارات الهوائيه وقدم له الحبوب المشكله ولا تنسى الفواكه والخضروات الطازجه.


بالتوفيق
أخوك رمزي