مشكلة الفرخ الافريقي كأنه تعبان

[مبتدئ كاسكو]

السلام عليكم ورحمة الله و بركاته
شخباركم شباب
شباب عندي الفرخ الافريقي والله اليوم خوفني مدري هو طبيعي ولا انا موسوس عشانه صغير
اليوم جالس تحت بالقفص و نافش ريشه و حركته بطيئه و فيه صوت كانه مزكوم
و اعطيه اكل بس ياكل كم ثانيه و يروح و اذا اعطيته ايدي و فيها اكل كانه اول مره يشوف اكل
وش اسوي معاه
الاكل الي اعطيه حب شمسي و ذره بس ماياكله كثير بعد ماشاف الفصفص و اليوم اعطيته تفاح و ياكلها شوي شوي
و ابي مساعدتكم الله يخليكم
مع العلم اني نقلته من قفص الى قفص اخر لان القفص الي كان فيه قريبه الارضيه و ياكل من الاكل المؤكل
و الحين طيري الاول الكبير مسوي شغب فوق قفصه يبيه يطلع
و اسف ع الاطاله

[مبتدئ كاسكو]

شباب هذا صورة برازه و انتم بكرامه



الله يرضا عليكم ساعدوني
ان شاء الله الحل عندكم بدون بيطري
مع العلم اني مخليه بعيد عن التيارات و اغطيه بالمنشفه و المويه كل يوم انظفها

[بحر الكلام]

يالغالي طيرك داخله برد وجاتني الحاله نفسها ونفس لون البراز الله يكرمك شوف في علاج حق الاتهاب الجهاز الهضمي افضل علاج استخدمته ونادر تلاقيه بسوق اسمه سلفاماسين حط له في البدايه حبتين في مشرب الماء لمده 24 ساعه غير له الماء بعدها اعطيه حبه وحده في المشرب لمده خمس ايام وباذن الله راح يخف ويتحسن لانا العلاج هذا فيه فيتامين وفتح الشهيه بعد يخليه ياكل ويعوض الي فقده والاخوان يفيدونك اكثر

[مبتدئ كاسكو]

يعطيك العافيه ابي اشتري الحبوب و تقول لي كيف اظعها
يعني اتطمن ان شاء الله مايصير شي للطير لان تعرف مناعته ضعيفه توه فرخ
مابي اوديه بيطري و اخسر فيه 500 ع الفاضي

[بحر الكلام]

لا يالغالي هذا النوع من البراز معناها الطير زادت حالته والله اعلم لكن اشتري الحبوب هذا اسمها سلفاماسين من بيطري معروف عندكم لانك ماتلاقيها غير نادر جدا وحط له في البدايه حبتين في مشرب الماء دافي حتي تذوب له وبعد اربع وعشرين ساعه غير له الماء واعطيه حبه وحده فقط لمده خمس ايام بحكم انه صغير الطير وقيمه علبه الدواء 10 ريال فقط وباذن الله يتحسن

[مبتدئ كاسكو]

طيب ماحصلها بصيدليه

[بحر الكلام]

بصيدليه البيطريه تحصلها اكيد بس نادره جدا يبيلك صيدليه بيطريه معروفه المنتج هو عباره عن علبه مثل القطره بيضه وفيها خط احمر انتاج سوري الحبوب لها رائحه قويه تحس علي شكل رائحه الفانيلا او ماشابه ذلك

[مبتدئ كاسكو]

يعطيك الف عافيه يالغالي
جو جده غبار بس رايح ان شاء الله
ماتقصر

[كاسكـــو]

امراض الطيور اما تنفسيه او معويه

خذ لك التايلان للأمراض التنفسيه

والباي تريل للأمراض المعويه

قبل الشراء اقراء عنها بالمنتدى او النت افضل

[بلاك بيري]

انا انصح بالباي تريل فهو الحل الأفضل لهذه المشكله
السلفاميسين ممتاز جدا مثل ما تفضل اخوي بحر
وراجع موضوعي عن اسماء العلاجات الي موجوده في قسم هواه الببغاء
ابدأ باي تريل او مضاد للأسهال وراها التايلان وان بديتهم سوا فهو الأفضل
ولا تنسى تغر طيرك دام انه غير قادر على الأكل من نفسه
موفق بكل خير