طائر جديد بدون خبرهـ

[al_b5b5]

السلام عليكم ورحمة الله
من يومين زوجي اشترى طير كروان والمشكله الطير شكله نهائي مو اليف او مروض وانا ما عندي اي خبره في تربية الطيور او اي معلومات عنهم
ما اعرف طريقة ترويضهم او تربيتهم او امراضهم
انا قريت بعض المواضيع في المنتدى بس ابغى احد يفيدني كيف اقدر اروض الطير
البائع الي بالمحل قال لزوجي لازم تمسكه حتى لو ما يبغى
والطير كل ما زوجي يشيله يفضل يعض ما يوقف مو معطينا مجال حتى اننا نمسد على راسه او نلعبه
حتى لما اقرب من القفص تبعه بيفضل يبخ
طبيعي كدا ؟؟

ساعدوني بلييييييييييز ابغى اروضو

[al_b5b5]

يا اخوان لو سمحتو منجد محتاجه معلومات
انا قريت مواضيع وحاقلكم الي استفدتها منها

1)) ما احاول امسك الكروان من اول يوم اخليه يتعود على المكان والاشخاص
2)) اخليه ياكل من يدي بس !!!! ما اعرف كيف وانا كل ما اقرب منه يبخ


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ترى جديا ابغى اربي طير ونفسي يكون يتكلم واخر تجربه ليه كانت من قب 6 سنوات مع كاسكو وكانت جدا فاشله لكبر سنو

فافيدوني لاني في حيره من امري

[ولييد1122]

فكيه في غرفه وانتم جالسين فيها هو في البدايه بيطير ويجلس يصافق في الجدران اتركيه اللين يهدا ربع ساعه تقريبا وابداي مسحي عليه وطارديه من مكان الى مكان اللين يتعود والافضل انك تقصين جناحه بس انتبهي لايكون فيه باب فاتح او شباك تري ماعاد تشوفينه اذا ماقصيتي جناحه

[كل الدلع]

اختي اذا كآن كبير بالعمر تكون المدهـ اطول شويه عشآن يوولف ويآخد عليكي..
انتي حآولي تلبسي قفآز وتمسكه يسير حتى وان عض يعض بالقفاز مايعوركـ..
وامسحي بيدكـ على رآسه او بين عيونه حسحسيه زي كدآ..

وزي مآقآل الوليد1122 خرجيه من القفص خليه يدور بالغرفه بس مآيكون بالغرفه احد غيركـ عشآن لا يتوتر ومنهآ يتعود عليكي..
بس كل يوم ابقي معاه وقت حتى مو شرط الوقت يكون برا القفص حتى وهو بالقفص كلميه ناديه زي كدآ..

وعلى الاكل من اليد اول خليه يتعود على البيت وعليكي وبعدين حيآكل..

[al_b5b5]

مشكورين ما قصرتو

هوا على حسب ما شفت من الصور وقارنت بيه مو كبير مره يعني يعتبر صغير بالعمر

هوا مشكلته انه بس يبخ والله انا اول مره اشوف طير يبخ اول يوم مسكه زوجي بقفاز اليوم الي بعده سار اشرس مني شايفه اي تقدم

والمشكله انو لمن بنشيله ما بيوقف عض بيعض اي شي قريب من منقاره وما يعطي مجال انو الواحد يمسدله حتى ؟؟

[al_b5b5]

طيب معليش يا اخوان في عندي كم سؤال

1)) انا كل يوم الصباح انزل الطير الحوش يتشمس ويتهوى عادي ولا غلط

2))الطير يتحمم اذا الجواب ايوه كيف لانو ديله عالق فيه وسخ

3)) بافكر اجيب للطير شريك عادي في هادي المرحله ولا استى الين ما يولف علينا

4)) الطير ياثر على الصحه لانو عندي اطفال في البيت واخاف يكون ممكن يسببلهم مشاكل صحيه

[ولييد1122]

المشاركة الأصلية كتبت بواسطة al_b5b5

طيب معليش يا اخوان في عندي كم سؤال

1)) انا كل يوم الصباح انزل الطير الحوش يتشمس ويتهوى عادي ولا غلط

في اوقات البرد ما افضل ذلك
2))الطير يتحمم اذا الجواب ايوه كيف لانو ديله عالق فيه وسخ
انتفي ذيله ويطلع من جديد لان التحمم اثناء البرد يضر الطير

3)) بافكر اجيب للطير شريك عادي في هادي المرحله ولا استى الين ما يولف علينا
افضل ذلك ونزلي صوره له عشان نحدد جنسه ونقولك اش تشترين ذكر او انثى والفي انتاجهم احسن لك

4)) الطير ياثر على الصحه لانو عندي اطفال في البيت واخاف يكون ممكن يسببلهم مشاكل صحيه
والله اذا تنظفين القفص باستمرار ماتسبب لهم شي انا عندي ولد من يوم عمره سنه وهو يلعب معاهم ماعنده مشكله

انشاء الله اكون افدتك

[طير المملكة]

المشاركة الأصلية كتبت بواسطة al_b5b5

طيب معليش يا اخوان في عندي كم سؤال

1)) انا كل يوم الصباح انزل الطير الحوش يتشمس ويتهوى عادي ولا غلط

2))الطير يتحمم اذا الجواب ايوه كيف لانو ديله عالق فيه وسخ

3)) بافكر اجيب للطير شريك عادي في هادي المرحله ولا استى الين ما يولف علينا

4)) الطير ياثر على الصحه لانو عندي اطفال في البيت واخاف يكون ممكن يسببلهم مشاكل صحيه

1

- حاليا لاتنزلينه وخليه يعتاد على البيت واهل البيت اول وطبعا لو عندكم نباتات وازهار
لاتخلينه يقرب منهم انا وقعت في هالمشكلة الازهار يتكون عندها حشرات صغيره
واول ما يقرب الطير منها مع الفترة بتشوفيه يحك جسمه وينفش ريشه لو ما انرش بالدوا
ممكن يموت بعد فترة

2- طبعا يتحمم بس يفضل تروضونه اول حتى سهل تمسكينه
انا املئ المغسله ماي واحطه في المغسله طبعا راسه يكون خارج الماي
وامسح على جسمه وبعد فتره احط له صحن كبير فيه ماي هو يحمم نفسه

والحل الثاني لازم مروض تاخذين منشفة رطبه وتمسحين جسمه كله

والحل الثالث تاخذين رش ماي وترشينه من بعيد ممكن ينضف شوي لاكن مو بنظافة
الحلين الي قبله بس استخدمها مع الطيور المو مروضه
ولاكن حاليا شتاء فلو بتحممينه لازم ماي دافي وشوفي يوم فيه شمس شوي مافي هوا
وخليه يجف في الشمس فترة قصيرة ودخليه اهم شيء مافي هوا بارد

بالنسبة عن الاخ الي قالك نتفي الريش كلامه ممكن يكون صح في بعض الحالات
لاكن في حالة طيركم الجديد والي يحتاج الى ترويض لو نتفتوا ريش ذيله ممكن ولا يتروض بعد
ومو اي طير ينتفون الريش بعضهم مزاجيين وبسرعة يكرهون وبعضهم على نياتهم

3-يعتمد على عمر الطير وهل بالغ او لا
ويعامد عليكم لو تبغونه للعب معاه خلوه لوحده احسن لو تبغون تنتجون منه شوفوا عمره
وجنسه وشوفوا له شريك

4- لا بأذن الله دام دايما تنظفون القفص ومعتنين فيه مافي اي ضرر ان شاء الله

والله يوفقكم

[t999]

راح يتعود بس لازم فترة لعشان يتعود والشئ الثاني خلي زوجك يمسكه ويستحمل عضاته الله يعينه عليها وان شاء الله راح يتعود بس بحسب عزيمتكم واصراركم

[ابو ريمان]

العفو اختي الله يسعدك ,,^_^,,

لابد تنزلين صوره للطير علشان نقدر نفيدك اكثر من ناحية التدريب في العمر ومن ناحية الانتااج
ومن ناحية الافضليه ,,^_^,,

موفقــهـ ااختي ,,^_^,,