بغبغائي الجديد ينتف ريشة

[ذيب قطر]

السلام عليكم

انا عندي بغبغاء كاسكو وهو من يومين عندي وهو مع راعيه اليف لاكن مع الغير لا


وان ملاحض ان الطير دايم يحك نفسه وينتف ريشة

وانا خايف عليه انا ينتف ريشه

وايش اسوي عشان اخلي الطير يبطل عن التنتيف ويقف على يدي

دايم اروح اشوف القفص تحت كله ريش

[ذيب قطر]

انا دايم اشوف يطلع ريش ابيض والصراحة انا ماعندي خبرة في تربية الكاسكو لان اول مرة اربي كاااسكو

[كاسكو البحرين]

يا هلا ومسهلا يا ذيب قطر

نتف الريش !

الريش لابد ان يتبدل مع الطير وقت موسم التبيدل (القلش) وهذا شيئ طبيعي .

اللي مو طبيعي يا اخ ذيب قطر هو الطير يقوم بنتف الريش بنفسه هذا عادة تكون مع الطير حالة نفسية للأسف ومن خلال إستنتاجي من كلامك اخوي ان طيرك حالياً كان متمسك مع صاحبه ومرتبط معاه ارتباط قوي وعند الإنفصال (وقت البيع) ظهرت هذه الحالة النفسية في الطير



الحين عرفنا شنو الأسباب

نجي إلى الحل

انا شخصياً أنصحك بطريقتين وانت جوف شنو تفضل ولو اني افضل الطريقة الاولى وهي سهله وتجيب نتيجه قوية

1- تاخذ دهن زيت الزيتون وتمسح على المكان اللي ينتف الطير الريش ، وتقوم بغسله في مكان دافئ وحاسب من تيار الهواء بعد الغسيل خطير عليه حافظ على هذه النقاط ، طبعاً في غسيل خاص للطيور يباع في الصيدليه ومتوفر أكيد اسأل عنه وان شاء الله تلقاه وبصراحه انا ماعرف إسمه

وتكرر هذه العملية لمدة اسبوع او اكثر على حسب إحتياج الطير لتوقفه عن النتف ونت تحدد هذا بنفسك متى يتوقف ويكون ظهور الريش بشكل طبيعي بدون نتف

طبعاً الطير وقت اللي ينتف الريش ، تتم عملية نبت الريش الجديد في جسمه في هذا الوقت يكون في جسم الطير طفيليات مع الريش وتسبب حكه قوية له مما يطر هو بالحك أيضاً وزيت الزيتون مفيد جداً للتغلب على هذه الفطريات تخفف وتقلل الحك في الجسم

والسبب الثاني وقت اللي يفكر الطير أن ينتف الريش راح يتذوق طعم غريب عليه وكريه مثل مانعرف رائحة زيت الزيتون كريهه بعض الشئ ، مع مرور الوقت يحاول الطير النتف ولكن يتفاجئ بوجود مادة لزجه وكريهة الطعم (زيت الزيتون) وبهذا الحال يتوقف الطير عن النتف وتقل نسبة الحك لوجود طفيليات عند نبت الريش الجديد وبستمرارك إن شاء الله راح يتعالج طيرك من هذا المرض بحول الله

نجي الى الطريقة الثانية

2- تاخذ قطعة من (لايلون) اللي هو الأشعة الله يبعد عنا وعنكم الشر اذا واحد بسوي أشعة لوجود كسور أو رضوض لا سمح الله وكلامي ومقصدي ان شاء الله واضح

تاخذ قطعة بحجم السي دي وتقصه بشكل دائري طبعاً وتقوم بعدها تعمل دائرة في الوسط تناسب حجم الطير اللي عندك على اساس مايتعور ويتضايق منها ، وتسوي لاين (خط) عشان تقدر تلبس وتنزع هذه الأشعه بكل سهوله ، وتوفر له مكان اوسع من المكان الماضي لانه يحتاج الى سعه اكبر لتحرك وتوفر الإناء الخاص بالأكل والشرب في مكان يستطيع الوصول إليهم بكل سهولة كما في الصورة



ياريت استطعت افيدك ولو 20%

واتمنى لك كل الخير وحياة سعيدة إن شاء الله

تحيتي لكم جميعاً

كاسكو البحرين

[كاسكو البحرين]

المشاركة الأصلية كتبت بواسطة ذيب قطر

انا دايم اشوف يطلع ريش ابيض والصراحة انا ماعندي خبرة في تربية الكاسكو لان اول مرة اربي كاااسكو

هذا شي طبيعي جداً في الطيور

انت اللي تقصده مادة مثل البودرة يفرزه الطير كثير وقت الحركة و وقت تنظيف جسمه وهذه المادة ناتجه من امور كثيرة ومن الريش نفسه

الحل :

حالياً الجو غير معتدل عدنا في الخليج

انتظر لحين وقت دخول الصيف وحاول انك تسبحه في الاسبوع مرتين

وفي هذه الفترة ايضاً حاول اذا صار الجو رومنسي ولطيف يعني مو برد وبدون تيارات هوائية قوية اعرض الطير خارج الغرفه وخله يشمس ولكن مو في الشمس المباشرة (مهم)

فلاتخاف ولاتحاتي الأمر طبيعي

تحيتي لك مجدداً

[cacecos]

عزيزنا الغالي كاسيكو البحرين الف الف شكر لك على المساعدىة الي ماهي غريبة عليك لجميع اعضاء المنتدى وكلي امل فيك بأن تدلني على كيفية الحصول على الطوق الموجد على الامازون ان كان في البحرين او امنطقة الشرقية
مع الشكر مقدما

[كاسكو البحرين]

المشاركة الأصلية كتبت بواسطة cacecos

عزيزنا الغالي كاسيكو البحرين الف الف شكر لك على المساعدىة الي ماهي غريبة عليك لجميع اعضاء المنتدى وكلي امل فيك بأن تدلني على كيفية الحصول على الطوق الموجد على الامازون ان كان في البحرين او امنطقة الشرقية
مع الشكر مقدما

يا هلا بيك يالغالي

ابصراحه لم أفهم سؤالك 100% وخصوصاً

كيفية الحصول على الطوق الموجد على الامازون

إن كان سؤالك عن كيفية حصولك على الأمزون فموجود الأمزون وبمواصفات عاليه جداً وهذا كلامي يخص سوق البحرين لدينا ولكن لا أخفي عليك السعر نار واعوذ بالله من النار

في أمزون يلو هد واحد بألف دينار والثاني بخمس مائة دينار

وإذا لك خاطر ان شاء الله راح اسأل لك بخصوص نهاية الأسعار +مواصفات الطير والمميزات اللي بالطير والعمر والنوع

لي عودة إن شاء الله

كاسكو البحرين

[مدرب الأفريقي]

الله يعينك

[فنان قطر]

الله يعطيييييييكم العافيه جمييعا وخااااااااااصه اخوي كاسكو البحرين وماقول غير الله يوفقك في الدنيا
ويكتب لك خير صالح الاعمال على ردوودك الحلوه على اخوااانا الاعضاااء ونتمى من الجمييع الاستفااده والافاده ولا تنسوون العلم نووووووور ومن سئل اكييد بيسمع الجواااب

وبتووفيق لكم جمييعا


اخووكم

فنان قطر

[كاسكو البحرين]

عذراً أخي cacecos ابصراحه توني مستوعب السؤال حقك
انت قصدك الطوق اللي على الأمزون اللي بالصورة

حبيبي ابصراحه في البحرين لم آرى الإهتمامات لهذه الطيور من أطواق وألعاب وأقفاص وستاندات يوجد ولكن بشكل قليل جداً

بخصوص الطوق ماعتقد يوجد عدنا ولكن العملية كلش سهله كما شرحت لكم بالموضوع

موفقين اخواني

[cacecos]

مشكور اخي كاسيكو البحرين على الرد والاهتمام وسوف اقوم بمحاولة لتطبيق ماتفضلت وشرحتة بالنسبة لطريقة عمل الطوق
تحياتي مرة اخرى