مساعدة بخصوص الكاسكو

[اسير القلم]

السلام عليكم ورحمة الله وبركاته

اخواني انا اشتريت كاسكو نصف جامبو

والحمد لله تاقلم علي و يطلع فوق القفص واقدر المسه دون ما يعضني

لكن مشكلتي شلون اخليه يقدر يوقف علي يدي

كل ما احاول اخليه يوقف على يدي ينحاش داخل القفص

وهو حاليا داخل بفترة تبديل الريش

الرجاء المساعدة اخواني ولا تبخلون علي بالنصائح

[fawzi]

اخوي انت قلتها انه الطير داخل في مرحله تبديل الريش وهذا معروف لانه مزاج الطير يتغير انت اصبر عليه وان شاء الله بعد فتر حاول انك تطلعه على ايدك بس ابعد القفص عنه ويستحسن اذا تخلي البغبغاء على استاند افضل شيء

[اسير القلم]

جزاك الله خير يالغالي

انا ما اتركه في القفص دايم يوقف فوق القفص على طول

لكن عندي مشكله وهي شلون ابعده عن القفص ؟

علما بانه يتجاوب معي بشكل ممتاز جدا لدرجة اني احطله البزره في فمي وياخذها مني دون ما ياذيني

[3badi_1]

نفس مشكلتي وبقولك كيف خليته يطلع على يدي
اول شي خرجه من القفص وابعد القفص لا تخليه يشوفه
بعدين جب العصا اللي داخل القفص وحطها تحته وخله يطلع عليها يمكن يعاندك في الأول بس كررها لين ما يطلع عليها
وبعد كذا حاول تحط يدك تحت العصا ونزل العصا لتحت بهداوه في البدايه بتتعب معاه ويمكن يطير من فوق العصا لإنه بيخاف من يدك بس بعد كذا بيطلع عليها إن شاء الله وتصيرون اصحاب
اتمنى لك التوفيق



تحياتي

[اسير القلم]

هههههههههههههههه

فكره حلوه عبادي

بس شلون ابعده عن القفص ؟؟؟؟

[3badi_1]

اخوي وهو فوق القفص حط العصا تحته وحاول ترفعها شوي (ضايقه بهدواه) راح يطلع عليها وقتها شيل القفص او روح غرفه ثانيه افضل وإبدأ في التدريب

[اسير القلم]

بعد طريقة حلوه

بجربها الصباح لان شكله جاه نوم خوينا دوخته اليوم ههههههههه

تسلم يامال العافيه عبادي

[3badi_1]

تحت امرك واتمنى لك التوفيق وطمنا إذا نفعت معك

[اسير القلم]

مايامر عليك عدو يامال العافيه يا عبادي

بعطي عبسي فترة راحه للصباح ان شاء الله

وبنزل لكم الصباح كم صوره له ان شاء الله

[اسير القلم]

و الله يا عبادي هبلت فيه امس ما قدرت انام غير وهو واقف على يدي

ههههههههههههه

نزلته عن القفص وخليته يتمشى شوي بالبيت

بعدين قلتله تعال وحطيت يدي تحته وصعد

ههههههههههههه

وهذي صورته المزيون عبسي وهو واقف على يدي