ابي الراي من أهل الراي

[لحن الخلود]

شباب اشلونكم
أنا طبعا ادرس خارج الكويت وأبي حيوان معاي عشان يسلليني
وفكرت ابكذا حيوان وطبعا فكرت في كلب لكن ما أقدر
والقطط احبهم موت بس فيني حساسيه
فكرت أحسن شي اربيلي ببغاء لأنه مواضيعكم حدها حمستني
فهل تسمحولي اصير منكم يا أهل الببغاوات ؟؟
أبي إرشاداتكم يا شباب ورايكم شنو أسوي
وعلى فكره أنا احب الطيور الضخمه والملونه يعني (( مكااااو ))
بس قاعد أحاتي أخاف اشتري ابذاك المبلغ ويموت لأنه صارت معاي
بالرمادي مالي تذكره بوفهد ( سلمان) والله حبيته وبوفهد كانت له محاولات فاشله في تدريبه
بس كان احسن واحد فيناا هههههههههه وكانت مواقف جميله ومرحه
ووناسه بس ما تهنيت فيه
المهم اشلون احافظ عليييه وعطوني روابط من مواضيع معينه تفيدني ابهالسالفه
وهل المكاو ناطق ام لا وأبي طير يستحمل يعني ظروف الطقس
ومادري اشلون احافظ عليهم يبطون الكبد احس الطيووور حساسه وما تستحمل
وبنفس الوقت اشوف ناس عندهم طيور 7 سنين و13 سنه واكثر
إنزين أشلووووون
وهم ابي طريقه مايعضني لأني متعقد من العض

وقولولي آراءكم

[بوفهد]

والله انا من رأيي الشخصي اقول اخذ الرمادي الافريقي

تراه عجيب وحسب خبرتي المتواضعه هو من افضل الطيور الناطقه


بس شرايك فيني وانا احاول تدريبه ذبحنا من العظ حسبي الله عليه


بالتوفيق

[الاربش]

وانا معاك يا ابو فهد

[لحن الخلود]

إنزين ليش اتحبطوني الحين اقولكم ابي مكاو تقولونلي الرمادي؟
مابي أبي مكاوووو
ههههههههههه حبايب والله ومشكورين على المرور يا الاربش ويابوفهد وذكرتك بما مضى
ورايكم على عيني وعلى راسي والله أكيد الافريقي الرمادي أونس وكل شي
بس انا هم ابيها من ناحية الشكل لأنه انا ... ولا مايحتاج اقول بس المهم إني احب ألوان
المكاو الزاهيه وأيضا لأنه طير نادري وليس بمتناول الكل وهم طائر كبير الحجم
وأنا احب الطيور الضخمه مثل المكاو والعقاب
بس هم بسمع الشباب شيقولون وشنو نقاط ضعف المكاو
شنهو مميزاته وعيوبه
وعسى عمركم طويل يارب

[nevada]

شوف اخذلك افريقي اونسلك طيعني....

[تاكو]

صل عالنبي... يالحن وخذ
اولاً من المعروف ان محبي تربيت الكلاب طبعا حسب ماشفت وسمعت
يقتني البعض منهم المكاو
واثبت ذلك بانك تحب المكاو
عموماً المكاو الذي يحب هواة تربية الكلاب هو

مليتري مكاو
Military macaw







لكن نصيحتي لك ..

تاخذ ببغاء من نوع الكوكاتو يحب اللعب ، ومرح وبهلوان ويقوم بحراكات استعراضيه فطريه وهو:

CORELLA

مجرد رائي

[كوبرا]

انا من نصيحتي الافريقي

[بوجحيل]

سلام عليكم
شلون لحن الخلود
مع احترامي وتقديري للربع والشباب انا اقول يبه لا مكاو ولا كاكاو وافريقي ولا اغريقي
يبه مالك إلا البلبووووووول والله حده عجيب كله هدد وعلى كتفك رابض وتغريد اللهم زيد وبارك وان ييت للرخص فاذا ذبح نفسه 15 دينار كويتي وان مات بالطقاق بنفس اليوم تشتري غيره وبما انك تدرس بره ( حلوه هذي ) فالاقتصاد ضروري وإسأل مجرب
فهذا كان مجرد رأي

تحياتي

[NONO]

كنت بنصحك بقطو صغير مدام انت مصمم على الماكو ، توكل على الله وشتره

[هيبه اسد]

من رااائيي
خذ لك ببغاء اللوري
ملون
يتحمل
يتكلم
جميل
يصفر
كيوت
قوي
ممتاز
شكرالك