خبــر حزين !! وابيتفسير له !!

[مشاغــب]

السلاام عليكم ورحمه الله وبركاته


انا اليوم جاي ومعاي خبر حزين ..


يوم الثلاثااء وتوني مخلص من الامتحانات ومستانس مريت على الهامسترات


جان اشوووف !! لين واحد ملقى عن الباب ..

واروح وافتح القفص والطلع البيت وابطله من فوق


ليني اشوف نانا ولورا قاعدات ودكستر ملقى على الارض وقد فارق الحياه


الاكثر من هذا انهم ماكلات نص وجهه


فما ادري ليش ..سوو جذي بدكستر وقتلووه ..

علما ان نانا اول ماشريتها عضه قط بس عالجتها ومافيها شي ..


الحين ابي اعرف هل الي سووه امر عادي عند الهامستر ..ولا فيهن شي


وهذي صورت دكستر وهو ملقى ميت



شنو تنصحوني هل ابيعهم واشتري غيرهم !!

او شنو ترى افتر راسي

[$عبووود$]

الله يرحمه
والله ما عندي خبرة
نحن في انتظار آراء الخبراء

[مشاغــب]

تسلم اخوي عبووود


وثاانكس على المرور

[رعوود]

اخوي مشاغب


ممكن تكن وحده منهم حامل

او الاثنين


لان معروف انثى الهامسترز

ما تحب الازعاج

اذا كانت حامل

حتى زوجها ما تبيه عندها


ممكن قتلوه لانهم حامل



انت تاكد اذا هم حوامل او لا

اذا حوامل افصلهم عن بعض

حط كل وحده بقفص لحالها


هذا الي اعرفه

وننتظر الخبيره ويذر

[صاحبة وفا]

انصحك تستبدلهم وتاخذ ذكر وانثى واحده فقط . . وتحطهم لحالهم فقفص ويكونون بنفس الحجم
يعني محد يكون اصغر عن الثاني فالحجم ..

واللي كلوه راح يموتون قريب لانهم كلو لحم . .

[Ghoroub]

السلام عليكم

الصراحة مني خبير بالموضوع بس اللي أعرفه إن الفيران ما راح تسيب جثة خويهم وسط القفص فيا راح ياكلونه (ما بيبقى منه إلا ذيله وشوية من عظم الظهر) أو بيدفنونه على جنب بس ما أظن قاتلينه يمكن ميت وما حبوا يسيبوه، وممكن يكونون حوامل انتظر شوي لين يبين عليهم قبل ما تاخذ قرارك، إذا الهمستر زي الفار الأبيض (ماوس مو رات الرات هذا أحسه مقرف بزياده) بيتصرف نفس التصرف

تحياتي

[Withered Rose]

الله يعينك مشاغب و يعوضك أحسن منه ..

ممكن مثل الكلام اللي قاله رعود إنه وحده حامل و تصرفت معاه هالتصرف أو أهو مات طبيعي و كلوه ..
بس عندي سؤال .. جم يوم تركتهم بروحهم ؟
و الحين معاك نوعين من الروسي و هذي صعبه .. أقترح عليك تبدلهم بـ2 من نفس النوع عشان تتفادى هالمشاكل .. و لأن النثيتين لما تشتريلهم ذكر ما راح يتقبلونه للأسف ..
و الله يعوضك ..

[مشاغــب]

تسلمووون جميعا ..

يعني يمكن يكونو حوامل .!!


او موته طبيعيه ..


اما على سؤالج وذر

اناحاطهم في قفص كلهم مع بعضالقفص كبير

وحاطهم بمكان الكل يروح ويجي من عنده

عموما نانا ولورا مايحب بعض كله يتهاوشوون

بس يوم لقيت دكستر كانو كلهم مع بعض داخل البيت !!

يعني الحين اخليهم ولا ابيعهم واشتري بدالهم ..