توني مشتري كاسيكو أبي مساعده

[أمير الكاسيكو]

اليوم مشتري ببغاء بس ابي مساعدتكم

عمرها تقريبا من 6 إلى 8

س1/كيف اروض الببغاء؟

لانه طريقة ترويض الببغاء كثيره ابي وحده سهله

س2/كيف اسبحة؟

س3/|كيف يرتاحلي الببغاء؟

وشكراااااااااااااااااااااا

[طرطعان]

بنسبـه للتروض فيه موآضيع كثيـره لخوي سكــر و الاخوآن ~


و بنسبـه للتسبيـح <~ لا تسبحـه ليـن يكبـر شوي لانه خطـر عليه شوي ..~


و شوف الاخوآن ~ اهل الخبـره الاكثـر ~

ولا تطلع الببغـآء خلال خمســه ايـآم < بس خلك حولـه ولا تحـآول تطلعه بس تعطيـه اكل و مويـه و تخليـه في مكـآن وآحد و يفضل ان يكون في مكـآن عـآلي شوي ليـن يـآخـذ ع المكـآن و يعرف انك مـآ رآح تـآذيــه ~

و اذا كـآن يجعــر ~ خلك جنبـه ولا تهتم فيه و اذا جعـر لا تلتفت عليه <~ يعني خلك اصقـه


موفق يا رب ~

[أمير الكاسيكو]

مشكوووووووووووووور جدا وبجربها وبرد عليك الببغاء هذه اليوم الثاني عندي بس مايعض يصرخ بس (يحاول يخوفني)

[طرطعان]

حـآول انك مـآ تخـآف منـه ولا تبيـن انك خـآيف منه عشـآن مـآ يـآخذ عنك فكـره انك ][ جبـآن ][

و هــذآ رآبط لخوي سكــر فيه اغب موآضيعـه ~
.
http://www.2zoo.com/vb/showthread.ph...37#post1021937

[ظريف]

اذا جينا للترويض انا جربت طرق واجد من المنتدى بس انا اقولك ماتنفع الا طريقتك انت فالي عليك انك اتجمع الخبرات من هذا المندى الموقر وطبعا الخبرات الي فيه والمواضيع لاتحصى وثمينة جدا انا الي سويته اخذت منيه واخذت مناك لكن اخر شي الي سويته طريقة يبي ليها صبر وتحمل وهيه طريقة اتخوف لان الغرفة امتلت دم لدرجة انه وصل الى الركب خخخخخخخخخ اسلوب مبالغة ولكن انا الي سويته مع طيري في البداية حاولت معاه بالقفاز اني المسه وامسح على راسه طبعا وهو برى بعد ماقصيت جناحه ومافاد قعدت فترة يوميا اسوي وياه كده ولا فاد لانه كان يخاف من حاجة سمها قفاز تالي جربت اني بنعومة طبعا اخلي العصى على جسمه وامسح عليه فيها طبعا اتكون العصا خالية من الشضايا شي مهم لا يتادى ولكن مافاد اخر شي انا يوم من الايام قلت يا انا ياهو وصرت اطلعه واحصره في زاوية وامد اله يدي واخليه يعض يعض يعض والطير وجه كده كانا يقول يانا يا انت في هذي البيت وانا احاصره واخليه يعض وقعدت وياه على هالحال ثلاثة ايام ماسوي شي غير اني امد يدي اله وهو يعض والله ان الدم وصل الى الارض خخخخخخخخخ وامي اتسب وتدعي عليي هههههه اتقول وش اتسوي خلي الطير في حاله اتفكرني اضربه وهيه ماتدري ان هو الي لاعب فيني لعب المهم ماطول عليك اليوم الثالث لاحظت على الطير هدا بس يكون حذر شوي يعني اي حركة غلط يعني عضة ولكن اخف من قبل شوي شوي مع الايام صار هو الي يبيني اجي وامسح على راسه وانا اتغلى عليه خخخخخخ لدرجة انه اذا طولت عليه يشيل ريشة من جناحه ويمسح على روحه فيها والحمدالله والامور وياه عسل في عسل بس ماوصيك الا بالصبر ثم الصبر ثم الصبر لان العجلة هيه الي اتخلي شغلك كله يخترب يعني انت الان الطير جديد عندك فانت خليه على راحته لمدة شهر وبعدين ابدى دربه وحاول ان الي ياكله انت ويشربه واعطيه فول سوداني لانه ماراح يقاومه ولو كان اشرس طير راح ياخذه من يدك ويمكن يفلته في الارض عشان هو ياكله بعدين بس انت لاتخاف منه ودخل يدك داخل القفص واعطيها وياه مرة ثانية وهو راح يفلتها وهكذا لين ياكلها قدامك روح عنه هذا الكلام الي فوق على فرض ان طيرك مثل طيري لان انا اخذته في نفس العمر مال طيرك وكان مايعض بس هذا الشي اتغير بسبة الاطفال في البيت كانو يادوه وكان مايجعر والحمدالله ماسمعت جعرته في البيت الا مرة وحدة اول ماخذته ولا عادها واسف على الاطالة وانشاالله الشباب يفيدونك بس انا هذي تجرتبي مع العلم اني ماربيت غير هذا الطير والحمدالله اموري وياه تمام

[غسان الاشقر]

الصبر

[NAHHAS]

انشالله تربى بعزك واهم شي تحطه بمكان مرتفع فوق المترين حتى يأمن عل الوضع ويكون بوضعيه مراقب
عن تجربه شخصيه مني كمان نصحني بها الاخوان

[naasooh]

شووف المواضيع المثبته فيها معلوماات راح تفيدك
وغسيل اطير خذ هالرابط
http://www.2zoo.com/vb/showthread.php?t=122898
وبالتوفيق

[سماوي الجبه]

لاتستعجل عليه بانك تسبحه في هذا السن ،،مانصحك بستحمامه،،والباقي ببيكون تمام معا الايام،

[أمير الكاسيكو]

مشكووووورين على الردود الحلوه بذات (ظريف) وبجرب طريقته

مشكووووووووووووووووووورين