سؤال : الاستعاضة عن القفص بالستاند

[الوسام الذهبي]

السلام عليكم ورحمة الله وبركاته

صار لي فترة مشاركت في المنتدى لا بمواضيع ولا بمشاركات وهذي عودة لي بسؤال

في كثير من المواضيع لاحظت الاعضاء يقولون ان الببغاء يتعلم الكلام لما يكون محبوس ويكون تركيزه اكثر

الفرخ الة عندي لما يكون محبوس و يشوفني يكسر روحه يبي يطلع وما يدخل القفص الا لما يبي يلعب او ياكل وحتى لو كان مشغول باللعب او بالاكل وسكرت عليه الفتحة يكسر روحه على شان يطلع مايحب القفص يتسكر عليه

فاستعضت عن القفص باستاند كبير



لكن خايف انه يأثر عليه ومايتعلم الكلام مثل مايقولون الاعضاء اهو من يشوفني يبداء في الصفير ومحاولة الكلام ويقول كلمات مو مفهومة ويقلد صفراتي لكن بالنسبة لخبرات الاعضاء هل وجوده الدائم بدون قفص راح يأثر على تعلمه الكلام ؟

الشغلة الثانية انه موجود في غرفتي الخاصة وغرفتي طول اليوم مقفلة يعني الطير مايشوف اي انسان غيري او غير زوجتي لما تكون موجودة وطبعا انا اختفي عنه يوميا 8 ساعات لما اكون في الدوام واحيانا اطلع طبعا بعد ما ارجع من الدوام

ممكن تقولون ليش ماتخليه مع الاهل , الجواب ان الاهل مايحبون الطيور وعندنا اطفال لو خليته في البلكون او في غرفة الدرج ممكن يأذونه اذا كنت مو موجود فالسؤال هل ممكن يتأُثر من هذا الوضع ؟

[الوسام الذهبي]

امم لم اتوقع عدم الرد رغم المشاهدات

على العموم الف شكر الكم

[د. إحتـراف]

وعليكم السلام


اخوي اول شي الطير كم عمره ؟ اذا كان في سن الكلام 8 شهور فما فوق احبسه عشان يتعلم الكلام .

اما اذا كان تحت العمر هذا خله خارج القفص لحد عمر الكلام .

وطبعا راح يأثر على الطير انه مايشوف احد يمكن ينتف ريشه او يصير له شي لا سمح الله ويموت الله لا يكتب الا الخير


جاول الجلوس مع طيرك اكثر حتى عمر الكلام .


تقبل مروري

[بندولة حب]

نصيحه

لاتخليه دايم برا القفص لانه بيتمرد

وماراح يتعلم ولا شي

حتى العض بيتعلمه

لابد تعوده ع القفص

وقت اطول من طلعته برا القفص