السمك كله متفق على سمكه يضربها !!

[ssm]

بسم الله الرحمن الرحيم

السلام عليكم ورحمته الله وبركاته

كيف حالكم يا جماعه ..؟؟

صارت لي مشكله مع السمك وهي السمك كله يضرب سمكة انجل كأنه متفق عليها
وعشان اوضح اكثر خلوني اقول مشكلتي من البدايه

باختصار قبل يومين اشتريت سمك جديد مونو , دراوف جورامي ...الخ في البدايه دخلت السمك وكان مافي اي مشكله كلهم عاقلين

لكن بعدين لاحضت ان المونو الكبيره تضرب المونو الصغيره واحياناً يحاولون يضربون سمك الكوي وكل هذا مافي اي مشكله منه لان الضرب خفيف واليوم لاحضت المونو يضرب احد من سمك الانجل ضرب جامد الى درجه انها انقلبت ونزلت تحت عند الجرش وبعدين قلت ممكن راعي المحل الي شريت منه السمك نصب علي وقالي ان المونو مسالم وهو شرس
وبعد خمس دقايق شفت الكوي يضربها بعد والغريب ان الكوي سابقاً ما كان يضربها لان الكوي من زمان عندي وماشفت منه الا كل خيرر واحب اوضح ان عندي جوز انجل السمك يضرب سمكه وحده اما الثانيه مايقربوون منها وهم من الانجل الحجم الكبير عشان لاتقولوا انها صغيره والسمك يضربها ياليت توضحون لي ايش المشكله بالضبط هل ممكن تكون من الفطريات لان سابقاً كان عندي قولدن فيش بلاك مور وكان الكات فش يضربها ضرب جامد حتى طاحت عيونها وطبعاً انا تلاحقت المرض قبل لا يتنشر واشتريت الدواء حق النقاط البيضاء بس المشكله ان السمكه الي طاحت عيونها للحين عايشه لو في طريقه اقدر اتخلص منها ياليت تساعدوني وا
وشكراً...

[العقرب الامبراطوري]

ما اتوقع الجورامي يعيش ويا سمكة الانجل
و لا سمكة ال Koi تعيش ويا الانجل و لا ويا قولد فيش

[انجل مان]

وين وين وين ..

مونو مع كوي .. مع انجل .؟؟؟ اي بيئه هذي .؟!!!!!!!!!!!!!! ودوارف جورامي بعد .!!!!!


شكلك حايس الدنيا كلها ...

طيب مو مشكله نحاول نصلح الاخطاء .

المونو .. اسماك برزخيه .. يعني تعيش بمياه فيها نسبه ملوحه .. وتعتبر اسماك نهاشه مثل السكات

الكوي والقولد .. اسماك برك وتعيش في مياه بارده نسبيا ..

الانجل اسماك امازونيه وتعيش في انهار دافئه .. و ph مرتفع قليلا ..

ودوارف جورامي .. معروف بشقاوته وقرضه للذيول ..

وين وجه الشبه بينهم . . جايب لي كل سمكه من بيئه .. وتقولي اسماكي ليه يتضاربون او مش متوافقين ..

طبيعي .. لازم ترتب امورك .. اذا تبيهم كلهم .. اعزل كل بيئه لحالها في حوض .. واذا تبي تربي شي معين ..

تقدر تقرر على نوع وتتفنن فيه ..


ايش قرارك الحين ..؟

[ssm]

والله هذا نصب المحلات يبغى يمشي البضاعه باي بطريقه لاني انا كل سمكه اشتريها اسئل صاحب المحل هل السمكه هذه راح تتكيف مع السمك اللي عندي ولا لا وهو يقول ايه عادي
المهم لو في برنامج او موقع يعلمني كل سمكه وين تعيش باضبط لاتبخلون علينا

وشكراً على الافاده

[انجل مان]

المشاركة الأصلية كتبت بواسطة ssm

والله هذا نصب المحلات يبغى يمشي البضاعه باي بطريقه لاني انا كل سمكه اشتريها اسئل صاحب المحل هل السمكه هذه راح تتكيف مع السمك اللي عندي ولا لا وهو يقول ايه عادي
المهم لو في برنامج او موقع يعلمني كل سمكه وين تعيش باضبط لاتبخلون علينا

وشكراً على الافاده

اخوي انا ود طارق موجودين .. اسأل وما ارح نقصر معاك بأي شي .. واذا تبي معلومات اكثر عن اسماك معينه


تقدر تروح للفهرس وتختار ما بين المواضيع .. وتشوف اللي يعجبك وتقرا اكثر ..

[العقرب الامبراطوري]

السلام عليكم
موجود في 2zoo
اول ما تدخل منتدى هواة الاسماك و الاحياء المائية
في موضوع مثبت في الاسماك الشرسة و الاسماك المسالمة
و في كل شي عن كل سمكة و مع منو تعيش