اشترك في نشرتنا البريدية ليصلك كل جديد

abulana · 04-02-2010, 01:05 AM

السلام عليكم

انا اشتريت اليوم ببغاء كاسكو عمرة فوق السنه ونص لونة رمادي فاتح وعيونة بيضة

يطقطق ويصفر ويقلد صوت القطوة ويقول كلام مو مفهوم

ولكنة مو محجل

بس يوم احد يقرب منة يجعر بصوت عالي وما يخليك تمسكة يطير ويجعر

جبته بقفص ويوم جيت احولة للقفص الي عندي ما خلاني وقام يجعر وفضحني بين الجيران

ارجوكم شو الحل فالتجعير وكيف احاول امسكة بدون ما يجعر ويصير اليف

ارجوا المساعده من ذوي الخبرة واكون لكم من الشاكرين

ثقتي كبيرة بمنتداكم

الكاكي · 04-02-2010, 01:19 AM

بالنسبه للكلام الغير مفهوم بدا يتعلمالكلام حاول تعرف الكلمه او قريبه لها ورددها عليه
اول شي (اسبوع)
خلي الطير بالقفص القديم (يتعود على المكان)
الاكل مالذ وطاب (اساس صحة الطير )
لاتوريه اصحابك وحطه بمكان هادي وياليت يكون مرتفع 1.5متر (يحس بالأمان)
وبعدين طبق ما بهذا الرابط
وشوف النتيجه بإذن الله
http://www.2zoo.com/vb/showthread.php?t=100354

حب استطلاع · 04-02-2010, 01:21 AM

هذه روابط لتدريب الببغاء
إن شاء الله تفيدك

مقاطع فيديو مسجلة حصرياً لتوضيح كيفية ترويض الببغاء وحمله على اليد وترك التجعير.

تدريب الكاسكو خلال اسبوع فقط

بالتوفيق لك

naasooh · 04-02-2010, 12:50 PM

ألشباب مااقصروو
وإذا بتتبع أي طريقه تحتاج منك أصبر (طولت بال) +ألتكرار+إلألتزام بطريقه وحده تناسبك وتناسب أطير
و
ماشاء الله طيرك فيه بادره طيبه إجتهد معاه
وألف مبروك

سويت هارت · 04-02-2010, 01:26 PM

المفروض يالغالي ما تقرب منه من اسبوع إلى اسبوعين لين ما يتعود على المكان ويتعرف عليك ..

وحاول انك انت الي تأكله مو احد غيرك ..
انت إلي غير له الماء و حط له الاكل ..

وانت لاحظ الاكل إلي راح يحبه لأنه راح يفيدك بتدريبه بعدين ..

ومثل ما قال اخوي الكاكي ..

خلي الطير بالقفص القديم ..

وحطه بمكان هادي وياليت يكون مرتفع 1.5متر (يحس بالأمان)

والاعضاء مشاء الله عليهم مل قصرو معاك ..

abulana · 04-02-2010, 02:58 PM

اسعدني مروركم يا اخواني واشكركم على المجهود الطيب

abulana · 15-02-2010, 03:06 PM

السلام عليكم
ساعدوني بهالببغاء بعده ما في تحسن وبعدة يخاف مني ويجعر أرجوا المساعده

الحلم الوردي · 15-02-2010, 03:32 PM

اخوي اصبر عليه شوي

وحاول انك تتقب منه

يعني حسسه بالامان

لان الكاسكو بطبيعته خواف

حاول انك تقعد معاه كل يوم تكلم معاه بهدوء

وصوت هادي ويتدريج

قرب يدك داخل القفص

وعطه بزرة

في الاول راح يخاف منك

وممكن تاخذلك كام عضة خخخخخخخخخ

بس بتتدري والصبر والتكرار كل شي يصير

تقبل مروري اخوك محمد