كيف تصل لوزن كيلو و نصف بعد شهر فقط فى الارانب

[Mr_Babion]

ترددت كثيراً فى كتابة ذلك الموضوع لانى لا اعرف هل انا ماشى فى التربية صح ولا لا لانى من الاصل بحب تربية الحيوانات عموماً و انا بصرف على الارانب سواء حصلت منها على دخل او لا المهم و كمان اللى مكنش مخلينى اكتب هذا الموضوع ان انت ممكن تسال واحد صحبك مربى ارانب ذيك و يقولك مثلا انا الوزن عندى بيوصل 1.5ك بعد شهرين مثلا خوفا من انك تحسده او تسبقه او تاخد الخبرة منه على الجاهز !!!!!!!!!! المهم دلوقتى هشرح طريقتى للوصول بوزن الارنب 1.5 بعد شهر واحد من الفطام و اكرر بعد شهر واحد فقط من الفطام و اليكم الطريقة :

هنبتدى من الاول خالص يعنى ايه بقى الكلام ده يعنى لو انت اشتريت اناث و ذكور النهاردة مثلا فكيف نبتدى معاهم برنامج التربية و التسمين
نروح عند الدكتور البيطرى و نقوله عايزين الادويه اللى هقول عليها ده و على فكرة مش شرط نفس الاسم او الماركة بس انا جربت الادويه ده وشغالة معايا كويس يعنى بتدينى سرعة النمو اللى بقلكوا عليها ده وهى :

1- اد3ه بتاع شركة اجريفيت سائل
2- املاح معدنية بتاع شركة اكما سائل
3- اوكسى فيت بتاع شركة فارم سويد بودرة
4- سلفا ديمدين بتاع شركة المهن الطبية بودرة
5- محلول مضاد للنفاخ و اسمه بلوتريل بتاع شركة فارما سويد سائل
6- املاح معدنية بودرة لتوضع على العلف
7- افوماك بتاع شركة العبور
اد3ه حقن مش فاكر بصراحة اسم الشركة سائل
9- كالديماج حقن بتاع شركة فايزر سائل

و من هنا نبتدى الحكاية بقى :

اول حاجة يا جماعة و ده اهم ما فى الموضوع قراءة مواضيع المنتدى كويس علشان لو فيه مرض ظهر نبقى عارفين ايه ده و طريقة علاجه مش نروح نسال و نجيب العلاج و بعدين نحطه للارنب يكون اللى صحى صحى و اللى مات مات فاحنا من الاول نكون عارفين ايه المرض و طريقة علاجه
ثانياً الحاجات الخضرة و ده نديها للارنب علطول سؤاء كبير صغير فطام دكر نتايه من الاخر كله حتى كمان اللى لسه مع امهم فى البوكس و اللى عمرهم 15 يوم
طبعا هنا علطول هلاقى عدد من اعضاء المنتدى ها يهجمونى و يقولولى انت بتقول ايه انت عايز تموت الارانب الصغيرة اللى عمرها 15 يوم و يجيلها اسهال ومغص و نفاخ و تموت من اننا بكلمة واحد بس هرد عليكوا اتبعوا البرنامج اللى انا ماشى عليه و بعد كده نتكلم ماشى
اولا :بالنسبة للام اللى ولدت النهاردة مثلا هنديها كالديماج و عارفين ليه اول يوم مش تانى ولا تالت يوم لان الارنبة بتكون اول يوم بتنزل لبن بكمية قليلة فاحنا لازم نعوض عندها هذا الفقض عن طريق الكالديماج و اد3ه حقن و حاجه برده مهمه جداً وهى الحلبة او الموغات ايوه ايه محدش يعرفهم ولا ايه و ده بتنضاف على العلف امام الارنبة اللى ولدت من اول يوم و حتى الفطام كل يوم بس نخلى بالنا من حاجة مهمة و هى ان احنا هنضع كمية بسيطة جداً فقط من الموغات قدام الارنب علشان الموغات طعمها مر خالص يعنى ممكن متخليش الارنبة تاكل يعنى من الاخر رشة واحده او رشتين باطراف صوابعك تكفى ....

تانى حاجه البرسيم و احنا داخلين على موسم شتاء يعنى هيتوفر معاك انشاء الله بس مش هنجيبه من البائع نحطه على طول لا كده فعلا هنموت الارانب الصغيرين اللى لازم نعمله لضمان خلوه من الميكروبات ان احنا لازم يتم نقع البرسيم 10 دقائق فى محلول مخفف من برمنجنات البوتاسيوم 10 دقائق بس مش اكتر من كده والمحلول ده يا جماعه بنجيبه من الصيدلية البشرى و هو رخيص جداً و 2 جرام على جردل مايه كفاية اوى و هذا الجردل هو اللى هنحط فيه البرسيم المراد تعقيمه من الميكربات و بعد نقعه فى محلول البرمنجنات لمدة 10 دقائق نقوم بغسله بالماء العادى ثو وضعه حتى ينشف ينشف يا جماعة مش يدبل و يموت ها و بعد كده ضع امام كل ارنب عندك خلوا بالكوا كلهم يعنى الذكور او الاناث من 4 الى 5 عيدان من البرسيم اما قدمام الانثى اللى بترضع و معاها ولاد بياكلوا معاها فنضضع مثلا 8 عيدان و ذلك حتى نجعل البكتريا النافعة اللى فى معدة الارانب الصغير تشتغل
بصوا يا جماعة انا تعيت من الكتابة دلوقتى و انشاء الله هكمل الموضوع فى وقت اخر
بس ليه رجاء عندكوا مثلما انا كتبت الموضوع ده ليكوا لافادتكوا فارجو من الاعضاء ذوى الخبرة ان يقوموا بكتابة تجربتهم برده و ذلك حتى اذا كان فى واحد وصل نمو الارنب عنده اكتر من كده نستفيد منه و يستفيد مننا و شكرا

منقـول

[Withered Rose]

شكراً جزيلاً لك Mr_Babion على هذا الموضوع المفيد

[توازن]

موضوع جميل ونابع عن خبرة ومعرفة

بس يا ليت تضيف صور وتلون السطور وتباعدها عن بعض..

علشان تصبح مواضيعك المفيدة مميزة اكثر..

والف شكر لك ..