والله مليت و طفشت

[راينو]

السلام عليكم ورحمة الله و بركاته
كيف حالكم يا أعضاء منتداي العزيز
الببغاء حقي طفشني ما ادري وش اسوي فيه
التدريب ما اعرف كيف الطريقه بالضبط
بس اقولكم وش سويت
بديت اطلعه على خفيف من القفص
يعني 3 - 5 مرات باليوم
بعض الايام احك راسها و بعض الايام تعض اذا قربت منها
ما ادري وش اسوي
والى الحين تعض
و اذا طلعتها من القفص بالموت ادخلها
و المشكلة الكبيرة فيني انا
انا خواف شوي
خايف من اني اشد عليها بالتدريب و يأثر عليها
خايف من عضتها
خايف من اي شي ممكن يصير لها
تكفون شوفو لي حل
الله يوفقكم ساعدوني
و اذا بغيتو صور لها اجيبلكم
و نسيت اذكركم
هي دره هنديه انثى العمر من 3 - 4 شهور

[عبووووووودي]

جوع اخي 24 ساعه واكله بيدك ولو مااكل خليه كمان ساعتين ثلاث واكله ولو مااكل خله 5 الي يجوع
لمده اسبوع وبيسير الطير معك ممتاز

[راينو]

سمعت عن هذي الطريقه بس تخوف
خايف انه يموت و بعدين اتورط

[xX7oSaMXx]

من جد حتى حقي ماطاع يتروض بس اكيد اجوعه 24 ساعه اخاف يجيب العيد خخخخخخخخخخخ


ياليت تتأكد من الوقت

[كاسكو رمادي]

البسي قفازات و عوديه....

[كاسـ jeddah ـكـو]

السلام عليكم ..

والله يالغالي الدره الهنديـه بالذات هذي شغلتها تشيب الرآس واسألني أنا

صار لي الحين مع طيري حول الشهـرين .. هو اليف لا يعض ولا يجعر ولا شيء بس ماهو مروض ولا هو راضي يترووووض ..

الطير اخذته وعمره تقريبا شهر ونص والحين كمل ثلاث شهور وعليها ..

العب معه فتره حق ربع ساعه يولف معي وياكل من يدي ويصفر لي وكل شيء ..

بس لا تركته بالقفص ورجعته مكانه اجيه عقب ساعتين والقاه يخاف مني !! مع انه توه مستانس معي

وهذا اللي يقهرك بالطير .. يعني الترويض الخفيف هذا ماينفع له .. لابد تستقعد له باليوم 3 - 4 ساعات ماتفكه خير شر جلسه متواااصله لمده اسبوع اقل شيء

والدره طبعا تختلف فيه بعضها تولف مع الواحد بسرعه وبعضها لا يبيلها استقعاد مثل اللي معـي ..

ولو تدري وش مسوي له قبل شوي .. احس اني ارتكبت جريمه فيه

جبت الشطرطون الأبيض الكبير حق اللي يلفون فيه اسلاك المكيف .. ولفيته على ريش الطير لفه وحدهـ كامله وخليتها واسعه شوي ناحيه صدره ماضيقتها مره ..

ومعروف ان الشطرطون هذا لصقه خفيف ولا يمسك بالريش وقت النزع .. طبعا قبل لا الفه عليه اخذت عينه صغيره وجربته على ذيله ولا مسك فيه

وهالطريقه سويتها له عشان يولف ابسرعه معي و ينام على ظهره ولا يخاف .. ويبطل حركات الشرده حقته والفجعه من كل شيء لان الدره معروف انه طير فززززززع بجميع حالاته

وبترك الشطرطون عليه حق يوم كامل .. وبفكه بشوف ان نفعت هالطريقه استمريت عليها حتى يولف ..

ولكل شخص طريقه بالترويض ..

[راينو]

مشكورين كلكم
بس اقولكم المشكلة هي مررررررررررررررررررررررررررررررررررررررررررررررررررررررره عنيده
ايام تصير رايقه و ايام تصير عصبية
امس و انا قاعد امدلها الاكل من برا القفص
نزلتلي راسها ( وهي جوا القفص ) و حكيته مع اني خايف انها تعضني
بس حكيته شوي ولا قالت شي
بعدها جيتها من بكرا مرره ثانية
وحاولت احكه تعيي
تحاول تعض و انا ابعد اصبعي
بس ان شاء الله اخترع طريقه سهله لترويضها
و اروضها و افيدكم فيها
بس ليت بعد الاعضاء يفيدوننا زيادة
لاني مستعجل على ترويضها
لان فيه اعضاء بالمنتدى قالو روضو درتهم بأقل من اسبوع
ان شاء الله تتروض قريب
و عالعموم مشكورين على المساعده

[زياد محمد]

[COLOR="DimGray"]طير الدرة نادر ماتلاقيها اليفة ..؟>>> [/ريَح مزآجٌك وبيعها هههههه COLOR]

[زينه ونحول]

طير الدرة نادر ماتلاقيها اليفة ..؟>>> [/ريَح مزآجٌك وبيعها هههههه

اقول .. ترا انت اللي يبغالك بيع ..

..

الببغان بيولف مع الايام <<< قولي لنفسك ..

[زينه ونحول]

طير الدرة نادر ماتلاقيها اليفة ..؟>>> [/ريَح مزآجٌك وبيعها هههههه

اقول .. ترا انت اللي يبغالك بيع ..

..

الببغان بيولف مع الايام <<< قولي لنفسك ..