استشاره وسؤال وكل شي تعالو بس

[وش خطاي]

بسم الله الرحمن الرحيم

السلام عليكم ورحمة الله وبركاته

مساء الخيرات والمسرات والبنوتات الحلوات الرهيبات ذوات العيون الوسيعات .. مساء شبابي

مساء الخيرات والمسرات والدراهم الكثيرات والعطور الجميلات والميك ابات الرخيصات .. مساء بناتي

مساء الخيرات والمسرات والببغاوات الرهيبات الناطقات الراقصات المغنيات .. مساء كوكتيلي

عساكم طيبين ومن الله قريبين

مالكم في طول الحكي

اولا ابشركم ومن كثر حوستي بمنتداكم شفت كثير صور وشفت كلام كثير مدح في الببغاوات وبصراحه شوقتوني اني امتلك ببغاء

وامبارح رحت السوق وشريت لي واحد

عاد حسب ماقريت بالمنتدى الي يقول اخذ واحد تعرفه صاحب خبره والي يقول رح لمحل معروف والي يوصف الزين

وبصراحه انا لاعرف احد له خبره في هالمواضيع الوحيد من خوياي الي يهتم بالحيوانات تخصصه خرفان لزوم الضحايا

والمحلات المعروفه صفقوني بسبع الاف ريال والله لوني بشتري ددسن

المهم اني جازفت وغامرت وتهورت ووطبيت السوق وشريت لي واحد لكم صوره وبعدا الاسئله الي بهريكم فيها هري











والحين شفتو صوره قولو مشاء الله

طيب الي محيرني ومجنني ورافع ضغطي وفاقع مرارتي

انه وش زينه ويتكلم ويمد راسه تحكه

بس مع الشغاله اذا جيته انا نفش ريشه ويعضنني ملعون الخير

والمصيبه الاعضم انه يبوس للخدامه وانا جاحدني ابن اللذينا

رفع ضغطي ياعيال وش اسوي له

اذا جيته يرفض يطلع يدي واذا جته الشغاله من بعد كيلو يمد لها رجله

عاد شغالتنا شيفه شبهه تجيب كل الامراض

مهيب مزيونه اقول يمكن خاق معها والا شي

سالتها قلت لك خبره في الطيور

قالت لي ناء هزا اول مره انا في سوف سيم سيم

يعني حياتها كلها في مطبخ اهلها بين القدور وجت عندنا

الببغاء الوحيد الي شافته بحياتها كلها كان الي مع سندباب

ابيكم تعلموني وش الحل

وبعد ابي تعلموني كم عمره لاني صورة عيونه

وهو يستاهل القيمه الي انا دفعتها له

لان الي شريته منه يقول هذا اطلق نوع مدري وشو هولندي وانه حق مزارع وليف ومدري وشو لحس مخي

شريته بـ 3800 ريالون سعوديون

هذا والله يرعاكم ويحفظكم ويخليكم

سلامون عليكم

[وش خطاي]

نسيت اسال سؤال

كثير مواضيع قريتها

وكلهم يتكلمون يقولون كافئه كافئه

وش اعطيع مكافئه

وش النوع الي يرافس يحبه ياني بسوي فيه سوايا

ابي اقهره مثل مايقهرني

بجيب الاكل قباله باكل منه وامد له لساني

[نمط]

عليكم السلام
الطير حجمه حلو
وريشه مرتب
والسعر ما نقدر نقول لك فيه زين او زوين او شين , تقيم سعر الطير صعب خصوصاً ان كلماته ماهي معروفة
كذلك الحيوية والنشاط وحركة الطير لها دور
يعني في طيور وهي تتكلم تحس ان فيها النوم وما تلعب كثير
لكن هالطيور هذي متعلقة بالعاطفة لذلك لاسعار تختلف
واللي يرغب في الشي راحد ياخده حتى لو ثمين لانه هاويه
وان شاء الله ربي يبارك لك فيه
بخصوص عمره فالعين مو واضحة عدل
لكن اتوقع عمره فوق السنة والنص
والطير باين انه محجل , والطيور المحلية هي أفضل خصوصاً الصغيرة
لانها تربية على اليد وتكون أليفة ومتأقلمة مع البشر وتكون مهيأة وسريعة التعلم والتدريب
وبخصوص رفض الكاسكو لك , فالطيور مزاجات احياناً الطير يتقبل الرجال ويرفض الاناث او العكس
ومن خلال تجربة اقول لك في طيور ترفض الكبار وتتقبل الصغار وفي العكس
كان عندنا طير يلو ناب ما يستقبل الا يدي ومع غيري مو بس يرفض , من مسافة كيلو يهاجمهم كنه مصارع
وفي طير ما يستقبل الا الوالد واما غيره يقول له انكتم
انت حاول تلاطف الطير , وبالبداية لا تقرب منه كثير , مر عليه وعطه اشكل ولا كنك تشوفه
وكلمه من بعيد
بعدها عطه اكل من يدك وشوي شوي ان شاء الله يضبط معك
الطير مثل ما شرحت فهو أليف ولكن يبي له شوي في بعض سلوكياته وقابليته عليك لا غير
ومع الأيام ان شاء الله يضبط معك أكثر من الشغالة ههه
بالتوفيق

[نمط]

من خلال تواجده معك وتقديم الاكل له راح تعرف الأكل اللي يحبه بزيادة
والأكل اللي يعجبه بشراهة تقدر تكافئه فيه , مثلاً فاكهة أو فول سوداني ... الخ

وعجبتني سوايتك بالطير , تبي تقهره
انتبه للسانك لا يروح في خبر كان
شكل الطير محقد عليك

[وش خطاي]

تسلم ماقصرت يالغلا

بالنسبه لكلماته واجد كاتبها لي في ورقه بس انا ماسمعت منها الى البوسه وكلمة الو ومرحبا والسلام عليكم وعليكم السلام وينادي باسماء ناس يعرفهم سالته منهم ماجاوبني سعود ناصر يعقوب

ع العموم باخذ بكلامك وبعطيه ابو الخامس

ونشوف وش نهايته مع وجه ابن فهره ذا

مشكور خيو على سرعة استجابتك وشرحك الطيب

بايون عليك

[ريـــم]

ههههههههههه عجبني اسلوبك

انا اقول قل للخدامه ماتقربه لانه ممكن يشوفها اكثر منك فبتالي يمون عليها اكثر منك < -- احس هالمصطلح داخل عرض..

وبعدين تكلم معاه
و جوعه وعطه من يدك وفيه مواضيع كثيره بالمنتدى تتكلم عنه ..

الله يجعل فيه البركه ويجعله من الطيور الصالحه الناطقه وان يعم بنفعه ارجاء البلاد

[وش خطاي]

احس ببغائي بيطلع امام مسجد من هالدعاء انسه ريم

طيب سؤال ماله دخل في السياسه

هالحين مثلا يعني مثلا اني طنشت ابوه

ماينسى الكلام واصير ادربه من جديد

والا ماينسى شي ويستمر على ماهو عليه من حال

[ريـــم]

اممممم
والله اعتقد تعتمد على ذكاء الطير ونسبة ايام التنطيش على قولتك
يعني انت بتسحب عليه يوم او شهر او سنه او قرن ؟ فالمسأله اعتقد انه نسبية .. ..

عموماُ انتظر الخبراء يردون على هالسؤال ..
وان شاء الله مابيقصرون ..
بالتوفيق ..

[كاجو]

مراحب أخوي ومبروك على الكاسكو وماشاء الله عليه حلو واجد ..

شوف أنا من رأي ما تخلي الشغاله تقرب له نهائي ..

يعني أنت الي حط الاكل له وانت الي غير المويه حتى يتعود عليك ..

وبعدين أحمد ربك أنه يحب الشغاله علشان أذا ماكنت بالبيت تراعيه هي

أنا الي عندي هجوم على طول أول مايشوف الشغاله مع أنه اليف مع كل

الناس الا الشغاله لا والثاني قام يقلده ..

بس حاول من الحين تتقرب له لا تتأخر وبعدين ما يتقبلك لأن الببغاوات بعضها

تصنيفات تتقبل أحد واحد ثاني لأ وبدون أي سبب !!

[كاسكـــو]

شوف اذا انت هاوي الطير وداخل قلبك

امنع الشغاله من الاهتمام فيه لانه مع الاهتمام راح يتعلق فيها ولا يبي غيرها انتبه

خلك انت المسؤول عنه في الاكل والماء وتنظيف القفص وكلمه وصفر له

اما بالنسبه للكلام اللي عنده لازم تكرره بين فتره والثانيه عشان ماينساه

وعمر ببغاءك حلوو ومناسب سنه ونص ويعتبر مراهق مو كبير

شف انا عندي واحد وانا اللي اهتم فيه مايعطي احد وجه الا انا

وبالنسبه لسعره 3800 ماشاء الله مناسب

لانه ماشاء الله نظيف وحجمه كبير ومحجل بحجل ذهبي وتفريخ مزارع هولنديه

وعنده كلام على قولتك يستاهل هالقيمه ماشاء الله

حرام تهمله خله صديقك بالبيت

وعندي ملاحظه ترى القفص حقه مو مناسب لأنه موب حق ببغاوات

اذكر هالنوعيه من الاقفاص يربون فيها الطيور الصغيره

وحتى العصا اللي داخله مره دقيقه مايرتاح عليها ... الببغاء محتاج عصا على الاقل عرض اصبعين