مساعدة ظرووورية

[milk cat]

اولا انا بجيب قطتين عمرهم شهر

كيف اعتني فيهم ايش ااكلهم ؟؟؟ والى متى ؟؟

ومتى يبدون يلعبون ويركضون ؟؟

[*(الدلوعه)*]

لآآآزم تعتنين فيهم عنآآآيهـ خآآصهـ

لأنهم زي الأطفآآل في هالعمر

بعدين في هالعمر مآآ يآآكلوون أمهم تشربهم حليب

أنتي شآآريتهم لآآآ لآآآقيتهم ؟؟

وعاللعب يبدوون من عمر شهرين ^_^ .

...

[milk cat]

طيب وش اسوي الحين؟؟

ووش ااكلهم..؟

[lady_cat]

اختي لو تقدرين تصبرين عليهم شوي و تخلينهم عند امهم يكون افضل يعني يوصلون لمرحلة الفطام و الاعتماد ع النفس

القط بهالسن صغير مرة ويمكن يتعرض لاخطار كثيرة واغلبها مميته ولا تنسين مناعته كمان ضعيفه




يقولو فيه حليب خاص بالصيدليات للقطط الرضيعه ( انا ما جربته ) عادة اعطيهم حليب بوني واخفه بالمويه

جربت كمان حليب السعوديه وما حبوة

جربت حليب نيدو ( البودرة ) اخطله مع مويه و عجبهم كثير المهم يقولو اي حليب بقري ممكن يضر القط



انا اعطي قططي بس يجاوزو الشهر و3 ايام كميه بسييييطه من الدراي فود بعد ما افتتها او اكسرها شوي
و اوقات اخلطه بمويه عشان تلين
قطع السندويتشات مغمسه بالحليب يحبوها


المهم اعتمدي ع الرضاعه كل ساعتين طالما ماعندهم ام ترضعهم

بالتوفيق

[آنـــــو]

لا حرام صغاار .. باقي ماوصلوا لعمر الفطام وهو الشهرين

أذا باقي ماأخذتيهم .. خليهم عند امهم ترضعهم وتفطمهم

لأن هالعمر حساس ويبيله عنايه خاصه ..

ولو أخذتيهم .. بهالعمر تقريباً ياكلون

جربي تعطينهم أول سيريلاك بالسرنجه

ولو أكلوا أعطيهم ،، دجاج مسلووق مع مفرووووم حيل مع موية السلق وكثري المويه

وبعد حليب سعودي مخفف بمويه ..

واللعب يبدا عند الكتينز بعمر الشهر ..

[milk cat]

انو مشكووورة

بس اجيب اي حليب ؟؟ ايش اسمه ؟؟

وينفع اعطيهم السريلاك بس ؟؟


واقدر لو اكلوا السيريلاك اشتريلهم اكل البسس الخاص واطحنه ؟؟

[آنـــــو]

العفووو

مثل ماقلت تعطينهم شغلات خفيفه على معدتهم

أنا كل القطاوه اللي بعمر الشهررر .. كذا نظامي معهم أوكلهم شغلات خفيفه وسهله للهضم

والسيريلاك مرره يحبونه وخفيف عليهم ..

أنتي نوعي لهم بالأكل أحسن ،، دجاج مفرووم مع موية السلق وسيريلاك

وحليب سعودي خفيف .. وجبنه .. ومووويه بعد

وأنتبهي عليهم زين بهالعمر حساسين ،، لاتحطينهم بمكان بارد

أو لاتغيرين عليهم الجو من بارد لحار ..

وأيه صح بالنسبه لسؤالك الأخير الدراي فووود

كنت أسووي كذا بس دراي فوود كتينز أنقع بمويه أو أطحنه وأخلط شوي منه مع الدجاج

وأعطيهم بالسرنجه .. بس ماأنصحك الحين تكثرين منه ..

وبالتوووفيق

[milk cat]

يسلموووووو انو وانا بسوي كذا

بجيب لهم مويه بصحن والسريلاك بصحن وبشتري لهم دراي فود كيتينز اطحنه واحط عليه شوية مويه صح؟؟

طيب احط على السريلاك مويه ؟؟

وكيف يسوون حمام الله يكرمك ؟؟

[آنـــــو]

ووي عااد شوفي الحوسه لاحطيتي السيريلاك بصحن

وجهم كله بيدخل ويوسخون نفسهم ...

أنا كنت أعطيهم بالسرنجه ،، هو تعب بس وناسه ،، لما تشوفينهم يتزاحمون عليك كل واحد يبي ياكل

وأكيد السيريلاك تخلطيه معه مويه .. بس الأكل دايم دايم سواء سيريلاك أو غيره يكوون دااافي

بدرجة حرارة جسمك .. ولا تخلينه قدامهم أكثر من 10دقايق علشان مايتبكتر

وأذا جيتي توكلينهم أو تشربينهم شي بالسرنجه لاتغثينهم ولا تشرقينهم ..

والرمل جيبي لهم حووض صغيرر منخفض علشان يكون سهل عليهم يدخلون ويطلعون منه ..

وخليه قرريب منهم حتى يقدرون يوصلون له بسرعه ..

بعد مايصحون من النوم وبعد الأكل واللعب تودينهم للرمل علشان يسوونها ..

والله يسلمك

[milk cat]

يسلموووووووووووووووو انو مرة تسلمين

الله يوفقك ويخليك هذا الي اقدر اقووول