انقذوني..

[FAISAL//AB]

السلام عليكم..


قطوتي من بعد ماولدت بكم يووم قامت تماااوي بصوت عالي!!


كانها تبي شي بس وشو مادري كل مادخل عليها احس فيها شي ؟؟


واليوم لاحضت ان طفح كيلها وماعاد تتحمل وتبي شي ومتنررفزه جدا

بعد 3 ايام تقريبا من الولاده كل مادخل عليهم القى عيالها كل واحد بصووب ومش داخل الكرتون

رحت غيرت الكرتون وحطتهم داخل الكرتون الجديد والحين هم فيه


والله يعيني والله صوتها مززعج حتى النوم مايخليني انااام انا اخاف الصوت يوصل لبوووي ويعصب ويذلفها لووول

والمصيبه العضمى لما تطلع اعيالها من الكرتوون ويصايحووون كل واحد بصووب وهي تشتغل معاهم احس ان راسي بينفجرررررر


معني موفر لها كل وسال الراحه ومن تشووفي تتم تلحقني ويبين عليها متووترره ومتضايقه!!

[قطو_Q8te]

القطه كم صرلها ولدانه؟؟؟
بطنها للحين كبير؟؟ مافقدت شي من وزنها وصارت ضعيفه؟
لما ولدت حطيت لها ماي واكل؟؟
يمكن تبي تاكل ؟! وفي حمام قريب يمها؟

عمر القطط كم صار؟ 4 اسابيع ؟؟



عالعمومـ
برأيي ارى انك لازم تقوم بإجراء عملية التعقيم للقطة
لأن هناك المزيد من المتاعب فى المستقبل ...
في رعشه بقطتك ؟؟؟
الاعراض : حرارتها تبدو مرتفعة ومصحوبة بحالة من الهزال
اذا جذي لازم توديها البيطري !!

او انك تقوم بتعقيمها
يعني تتعقم وبعدها ماتصير تنجب وهذا اسلوب متبع في العالم
والمعروف دائماً أن صحة القطط تتحسن كثيراً بعد جراحات ال Neutering " التعقيم " ولن تندم أبداً بعدها
والله اعلم

[FAISAL//AB]

^

تقصد بالتعقيم التنضيف او اني اشيل بويضاتها؟!!

----



القطه كم صرلها ولدانه؟؟؟
((تقريبا 5 ايام))
بطنها للحين كبير؟؟ مافقدت شي من وزنها وصارت ضعيفه؟
بطنها مترهل لاكن ماعاد كبير نفس ماكان لاكن للحين فيه انتفاااخ بسييط جدا مع ترهل واعتقد انه شي طبيعي
لما ولدت حطيت لها ماي واكل؟؟
اي حطين لها كل شي
يمكن تبي تاكل ؟! وفي حمام قريب يمها؟
في حمام واكل وكل سبل الراحه

عمر القطط كم صار؟ 4 اسابيع ؟؟
للحين 5 ايام تقريبا

[قطو_Q8te]

اها دام جذي
اخوي القطه تكون خايفه حيل على عيالها عشان جذي تقعد وتنوي بصوت عالي لانها مو وياهمـ
انتو حاطين القطوه والعيال بغرفه فيها ضجيج ؟؟ ولا غرفه بعيده عن الضجيج وعنكم انتو ؟؟
اذا اي
حاول تخلي القطه وعيالها بعيده عنكم لانه نفس الحاله كانت باتواد قطوتي كانت تنوي وايد وتشيل عيالها تنقلهم من الخوف

[العابر]

الله يعينك

[قطقوطه]

شوف اخوي انت عيالها حاطهم بمكان لحالهم ولا بمكان حولها ناس كثير؟؟

بس انا افضل توديها بيطري تتاكد ان مافي جنين ميت ببطنها روح شيك احسن لك

وعلمنا وش يصير معك

[FAISAL//AB]

لا ابد محد يدخل عليهم الا اناا


بس مره ادخلو اخواني وطلو عليهم من بعيد وخلاااااص

مااسمح لحد يشوفهم الا بصور الجوال هههههههه

!!!

وان شالله راح اوديها البيطري بس بكره جمعه اكيد مسكر

يمكن فليل يفتح...


وتراها عافت الكرتون الثاني ومخليتهم برى على زاويه مع بعض الظاهر عاجبها المكان!!!!

[قطو_Q8te]

نفس ماقالت مدموزيل قطقوطه ما الك الا البيطري

[مياومياو]

انا اقول ان قطتك حساسه جداا
فلذالك خلها على راحتها ولا تقرب يم عيالها
وهي رح تعرف تتصرف معاهم تنقلهم او اي شيء اهم شيء انك ماتغيير عليها المكان خليها براحتهاواتمنى تقوم بالسلامه ومايمنع انك تستشير الطبيب الي تثق فيه.

[قلب الماس]

اولا مبروك والحمدلله على سلامتها
واعتقدك قطوتك تدلع عليك وتحسب انك شلت واحد من عيالهااااااااا صارت لي نفس المشكله
لكن القطوه كانت وين ما اسير تي واطالعنييي وتم اتناوي واقولها ماشليت شي هههه لنها ماولدت فالمكان لي كنت مخلتنه الها ولدت تحت سريري فنقلتها هيه وعيالهاااااااا وتمت فتره مو مقتنعه انه عيالها كاملين عندهاااااااااا فتي واتم تناوي تحت السرير عقدتني وبعدين الحمد الله
نست ^_^
فصبر عليها طالما تاكل وتشرب وكل شي طبيعي