سؤال بخصوص وقت الحمل و الحركات و الاسلوب

[ماس & لولي]

السلام عليكم

شلونكم و شخباركم ؟؟

شباب بنات .. انا كلمتكم بموضوع سابق ان هامستراتي كسولين و بطيئين

انا يوم شريتهم قالي البايع ايهو الذكر و ايهو الاانثى - بس للاسف الحين نسيت منو فلان و منو فلانه لوووووووووووووووووووول فشله -

المهم .. كلمتكم بخصوص الكسل و الخمول عندهم

و لكن طرء على بالي سؤال .. الهامستر الاكثر كسل .. كان الاكثر نشاط بالمحل ..

و يوم شريته لي اول ساعات دخوله بيتنه و اهوه نشيط .. بس انقلب حاله مره وحده و كله قاعد بالبيت و احس فيه كبر شوي بسيط بسيط جدا شكله اكبر بقليل جدا من الهامستر الاخر ..
و يجلس بالبيت مده طويله جدا جدا جدا الا اني استغربت من كونهم حيوانات ليليه اشوف بليل و اهوه الوقت الحالي اللي اكلمكم فيها الهامستر الاخر النشط يطلع من البيت و يدور و ياكل و يتحرك و ملاحظ انه الاكبر منه بقليل كله بالبيت بس يطلع وقت الاكل ..

هل سبب جلوسه بمنزلهم دائما و كبر حجمه القليل جدا و كسله .. يعتبر انه انثى .. و حامل ؟؟

و قالي البايع انه اعمارهم على شهرين - اهمه نوع هامستر قزم نوع هولندي -

اتمنى افداتي بخصوص الحمل اذا كان الجواب انه حامل .. و على فكره لون الهامستر الكسول رمادي على اسود اشبه بلون الفأر و خذيته بسبب نشاطه .. هل اللون يفيد انه ذكر ؟؟

اتمنى اجابتي على كل الاسئله

ماس & لولي

[ماس & لولي]

نسيت اقول انه بهالساعات الهامستر الاخر اللي حجمه اصغر .. يجلس برى بيتهم على زاويه ؟؟

[فطوم]

اخوي اللون ماله شغل وانت ليش ماتسمع الكلام شيل البيت شيل البييييييييت شييييييييييييييييييييللللللللللللله شوف شيصير بعدين اذا شوف اذا الانثى قامت تبني عش واحد حجمه اكبر من الثاني وصاير بطنه جنه كره و ماتحب احد يجيس بطنها ولمه تطالع بطنها تلاحظ انه صدرها شوي بارز يعني حامل

[ماس & لولي]

لووووووووووووووووووووووووووول

فطوم و بعدين معاج

ما احب اشيله اخاف لا تكون حامل و اخسر هالشي
و اخاف عليهم من البرد و الضوء لأنه دايما يكونون يمي
و عالعموم حطيتلج صورتهم و اتمنى الافاده

[Withered Rose]

باين ان البيج صغير واايد اقل من شهرين
واذا كانت وحدة منهم حامل راح تصير هوشه كبيرة

لاحظت انها تخزن اكل وايد ؟ او تبني العش اكثر من قبل ؟؟
أو اي هوشات بين الاثنين ؟

[ماس & لولي]

من ناحية تخزن اكل ... لأ .. تطلع وقت الاكل تاكل و تشرب و تاخذ لفه و ترد - الرماديه -

و بخصوص تبني عش .. تبني عشوش داخل بيتها شكثر يعني مرات اقول اشلون بيتنفسون بكل هالعش الي مغطي فتحة النفق وايد ..

البيج كثير الحركه جدا ....

و الهواش .. طول الوقت هواش لمن يكونون الاثنين داخل البيت احيانا اسمعهم يتناجرون
و حتى لمن يطلعون يتناجرون

لوووووول .. كل هذا بسبب الزواج المبكر و تعدد الزوجات Looooooooooooooooool

[تو zoo]

شكرا للاخوان على الافادة
وانا الي اقدر اقولة
انة الهمستر نشاطة ليلى وتقدرين تحكمين علية اذا كان كسول ولا لا بليل
و اذا كان عمرهم شهرين يكونون صغيرين على التزاوج وبلعادة اول حمل يموتون العيال لقلت خبرت الام

[Withered Rose]

لووووووووووووووووووول شكلها خوش مرة ماعندها الا بيتها و عيالها
على كلامك المدام حامل
المهم اذا هواشهم زاد وايد حسيت ان فيه اصابات افصلللللللللللللهم بسرعه عشان ما تكون اصابات قوية

[ماس & لولي]

روز من صجج ؟؟

بليز .. قوليلي أي كلام انا قلته .. الي اثبتلج انهم حامل ؟؟
بليز بليز بليز بليز بليز .. و على فكرة .. فطوم و لأصحاب الخبره

انا شلت البيت .. ارده مره ثانيه اذا كانت حامل ؟؟

[Withered Rose]

علامات الحمل : كثرة بناء العش ، الشجار ، زيادة تخزين الأكل ، كبر الحجم و حجم البطن
مو اكييد حامل بس اتوقع جذي لان همستراتي من بدو يتناجرون طلعت حامل

و اذا كانت حامل بأواخر الايام يستحسن تحطها بكرتون حجم عادي فيه نشارة خشب ارتفاع 2 سم

و البيت شلته او خليته نفس الشي اهما بس يرتاحون فيه اكثر