بلييييز محتاج شورتكم

[مجبور]

هااي
وكل عام اونتوا بخير
المهم ندخل في الموضوع على طوول


قبل فتره كلمت اهلي علشان اشتري كلب صغيروون وكيوت
بس الرد كااان قاسي
ليش؟
لانو حرام ومن الكلام دا <<<<<<<والله حاجه تقهر نفسي فيه
وقلتلهم على البسه نفس الرد
ليش؟
علشان انا قد ربيت بسه بس علشان ريحتها مررررره كريها
فعلشان كدا ما في بسه
بس اتفقت اني اشتري حيوان يكون في قفص وما يخرج <<< طبعا في المشمش خليه يجي ويحلها الف حلال

المهم قررت اشتري وبر
بس ما اعرف عنو ولا شي
فياليت تقولولي عنو بالتفصيل الممل
الممل جدا وحتى سعرو
فياليت ما تبخلو عليا
تراني لسه جديد بقراطيسي
ملاحظه :
الشانشيلا
ياليت اشوف صورتوا لاني اول مرررره في حياتي اسمع فيه

[MR.MAJED]

مبروك مقدماً ..
وهذا رابط يوجد فيه مواضيع مهمة للوبر :
http://www.2zoo.com/vb/showthread.php?t=17828


وهذي صور لشانشيلا :




وهو غالي يتعدى سعره 1000 ريال !!
ومناعته كما قرأت ضعيفة ..!

[مجبور]

مشكووووووووووووووووووووووووووور
وماقصرت كفيت ووفيت يا عسل
على المشاركه والمساعده
والله يعطيك الف عافيه
والله يجعلها في موزين حسناتك نشاءالله

[hamad alsaadi]

اشتري هامستر سوري احسن

[hamad alsaadi]

سعر الهامستر السوري 40 ريال

[مجبور]

مشكورر يااخوي
بس ايش الفرق بين الهامستر السوري و الوبر
وايهم انظف وايهم اسهل في التربيه
وهل لازم تعيش في جماعات ولالا
وسوري على الاسئله الكتيره

[marshmallow]

بس ايش الفرق بين الهامستر السوري و الوبر

الوبـر قريب من الأرآإنب .. علشـآإن كـذآإ يشبههـآإ فـي التصـرفـآإت ..

أمـآإ الهـآإمستـر غير .. وحجمـهـ صغيـر .. قد الفـآإرة ..

وايهم انظف وايهم اسهل في التربيه

كلهـم نظيفيـن وسهليـن ..

بس فضلآت الوبـر تطلع ريحـة كـريهة إذآإ لـم يتم تنظيف القفص بشـــكل دوري ..

وهل لازم تعيش في جماعات ولالا

لـآإ مـآإيحتـآإج يعيش الهامستر في جمـآإعـآإت ..حتى الروسي

[RA3B00B]

المشاركة الأصلية كتبت بواسطة مجبور

بس ايش الفرق بين الهامستر السوري و الوبر
وايهم انظف وايهم اسهل في التربيه
وهل لازم تعيش في جماعات ولالا
وسوري على الاسئله الكتيره

السلام عليكم ورحمة الله وبركاتة
الأعضاء ماقصروا افادوك
الله يعطيهم العافية

بس احب ازيد واقول لك ان الهامستر افضل وانظف من الوبر
والهامستر عادي يعيش داخل البيت
بس الوبر يفضل العيش خارج البيت ويفضل العيش في بيئة ترابية
والهامستر حجمة اضغر يعني العناية به اسهل


ولو تبغى شي يعيش في قفص عندك الطيور مثل الزيبرا او البادجي أو الكروان
وبالنسبة للقطة ريحتها بتكون كريهة كما انت ذكرت إذا مانظفتها بإستمرار

واخيرا اتمنى ان تجد الحيوان او الطير اللي يناسبك ويوافقوا علية اهلك
وتصير انت وهو اعز اصحاب ^_^

ودام انك من مكة استطيع مساعدتكـ في اختيار الطير او الحيوان اللي تبغاة


تحياتي وسنة مباركة على الجميع

[Aمحب Aالهامستر A]

بس ايش الفرق بين الهامستر السوري و الوبر
والله مدري
وايهم انظف وايهم اسهل في التربيه
انا اقول الهامستر
وهل لازم تعيش في جماعات ولالا
السوري لا مو لازم تعيش في جماعات لكن الروسي لزم

[k16mh]

أنا أقول اشتري هامستر روسي لأنو الروسي أصغر في الحجم و أسهل في التربية من الهامستر السوري
وما يعض كثير وإذا عض تكون عضته خفيفة أخف من السوري...
وبرضو سعره من الـ 40 إلى 80 حسب المحل اللي تروحو تعرف شغل المحلات والنصب حقهم ...