الفزعه قبل لا يموت طيري

[طماطه]

لسلام عليكم
اخواني اعظاء اجمل منتدى الله يخليكم انا بحاجه لمساعدتكم يشكل سريع قبل ان يروح الطير من بين يديني لان قبل سنه راح مني طيرين في نفس العمر وبنفس الشكل
عندي ببغاء دره عمره تقريبا سنه قبل 13 يوم لاحظت عليه اعراض الكسل والخمول ونفش الريش وقلة الشهيه ودائما رافع راسه لاعلى كأنه يريد ان يتنفس اخذته لاقرب صيدلي واعطاني تيلان وقال لي استخدمه يطريقة 5 نقط صغيره في (بيالة شاي) ماء لمدة 6 ايام وان اخلط الدواء مع الخبز واحاول اغره لانه ما ياكل ابدا ( يمكن الجرعه كانت قليله لاني كنت احط النقط بسرنقة الانسولين الصغيره وانا مركبه راس السرقه الحديده )
بديت معاه العلاج وتحسن الطير الحمد لله (ماكان 100% بس تحسن كثير ) ولكن عينه ماكان يفتحه كويس وكانه تعبانه واعطاني له مرهم للعين (اويتي كلوكس مرهم عين ) الحمد لله الطير استجاب
بعد ان انهى الطير كورس العلاج اعطيته فيتامين 3 نقط في المشربيه واخلط من هذا الماء مع الخبز ( علشان يستفاد منه اكثر )
اول يوم الطير كانت صحته معقوله ثاني يوم لاحظت بعض الخمول والطير رائحة فمه مثل السمك
و الطير رجع خامل وما ياكل وتعبان ودائما يحاول يستفرغ من معدته مع انه ما يطلع شي
الله يخليكم انصحوني بسرعه ايش اسوي قبل لا يروح طيري مني



رجعته للطبيب ونصحني اعطيه شاي اخضر حتى يشد معدته وبعدين اعطيه avitrayl
قال لي خلال يومين اذا ماتحسن وقفو العلاج
اكرمكم الله شكل خروج الطائر ( اذا ما اكل ) مثل الماي
( اذا اكل ) يصير مثل الماي فيه خط اخظر (الماء في خروج الطائر كثير وشفاف )
انا صرت اعطيه سيريلاك بالقمح مع رز ابيض مهروس مع المضاد تحسن خروج الطائر وصار متماسك وقلت كمية الماء كثير وفجأه رجع مثل قبل وكمية الماء كثيييره

الطير كما العاده تحسن يوم واحد وبعدين رجع انتكس من جديد
امس اخذته للدكتور واعطاني مضاد حيوي نيوجات_20 neojat - 20 وكنت مواله اطعامه السيريلاك معالرز الابيض المسلوق واضفت نقطة املاح تعويضيه مع المضاد
الطير الى اليوم الفجر صحته ممتازه ...... وفجأه تدهورت حالته تماما صار دايما مغمض عينه ما ياكل يحاول يستفرغ مع انه ما يطلع شي ينام كثير غير متوازن خروجه كله ماء شفاف مع جزء صغير جدا كريمي اللون

عندي ملاحظه : 1-قبل سنه مات عندي طيرين في نفس العمر وتقريبا بنفس الاعراض والغريب انهم كانو يتحسنون و يرجعون يتعبون مره ثانيه فجأه
2- انا اوقفت الفاكهه والخضار وصرت فقط اطعم الطير رز مسلوق وسيريلاك بالقمح وشمسي وسوداني

اخواني الله يخليكم لا تقصرون معاي قبل لا افقد الطير

[طماطه]

لاحظت وجود ريحه ما اعرف اوصفه بس يمكن تشبه ريحة فضلات البول في فم وخروج الطائر

[غجرية]

السلام عليكم
ازا الطير يتحسن في الصباح وبمجرد انه ياكل او يشرب الماء لفيه الدواء
هده اعراض جانبيه للدواء وانا مريت فيها مع طيري
وزي ما بتقول احسه يريد يرجع ويسكر العين اليمين كانه يتالم ويصبح ساكن ما يتحرك وما يقدر ياكل لانه متالم
اوقف كل الادويه تماما
اهتم بالنظافه مرتين باليوم نظف القفص والمشربيه وحقت الاكل
ودفي الطير كويس وخليه في مكان هادي لين يسترجع صحته
واهتم بالاكل المفيد ويلي ما يسبب اسهال مثل الحبوب والبقوليات والحب الشمسي
وهاد الكلام من تجربتي الخاصه
بالتوفيق

[طماطه]

الطير انا مدفيته كويس ومخليته في غرفتي وعليه قطعة قماش عدا الوجه طبعا الطير عنده اسهال ابيض شديد الدكتور يقول اذا وقفتي المضاد يموت ويقول اذا خلال يومين ما تحسن على العلاج معناه مااستجاب للمضاد ويجب تغيره
الطير ينام كويس يصحى تعبان ( هذا الاغلب )
شكرا لك اختي
واتمنى المزيد من الفائده

[غجرية]

طيب سؤال لو سمحتي
هل البراز دائما سائل وابيض
يعني طول اليوم كده ولا مره كده ومره عادي
ولو في امكانيه نزلي صوره للطير وصوره للبراز الله يكرمك
كدا ممكن باقي الاخوه في المنتدى وعندهم خبره يفيدوك

[طماطه]

البراز دائما ابيض وسائل الا اذا كنت ماليه بطنه وغارته رز مسلوق وسيريلاك يخف قليلا واول ما اعطيته avitrayl واول ما اعطيته neojat - 20 تماسك البراز وصار شكله طبيعي جدا وبعدين يرجع

[طماطه]

[IMG][/IMG]

هذا شكل براز الطائر اكرمكم الله

[طماطه]

هذا شكل الطائر
[IMG][/IMG]
[IMG][/IMG]
[IMG][/IMG]

[طماطه]

يا اخوان احد منكم يساعدني ..... على الاقل يرد علي
الطير وديته صيدلي ثاني واعطاني doxycyclin من شركة chevita واعطاني امينوفيت aminovit وقال ما يحتاج ماء كيدي الامينو فيت انشاء الله بيعوضه عنه
الطير الحمدلله تحسن كثير لمدة يومين لكن اليوم رجع
الغريب ان الطائر ينام واهو كويس ويصحى واهو تعبان ويرجع اول ما يصحى ودائما يطلع من فمه او حوصلته ( ما اعرف وين بالظبط لاكن من الجزء العلوي ) صوت يشبه صوت غرغرة البطن عند البشر