help !ياليت احد يساعدني

[snake_usa]

انا توني شاري حيتين الي هم البول بايثون من يومين

وتوني الاحظ وحده منهم على راسها حشرات ؟؟؟ هل هو طبيعي ولالا ياليت تساعدوني يااهل الخبره
لان لو مب طبيعي بروح ارجعها لان عندي فتره قصيره للترجيع
انا توني مربي مبتدئ والصراحه تعلمت اشياء واييد في هالمنتدى اكثر من المواقع الاجنبيه والصراحه اهنيكم على منتداكم وبالتوفيق من ساهم فيه وشارك والسموحه على الاطاله.

[ريان!]

اذا في امكانيه ترجعه وتاخذ غيره شي حلو
لكن اذا مالقيت غير هالثعبان بأمكانك تعالجه
ومعالجته سهله ويبيلها صبر شوي بس
.
طريقة المعالجه :
اغسل الحوض بمويه وديتول
افرش الحوض بالمناديل حتى يسهل عليك التغيير
تحط الثعبان بمويه لمدة نصف ساعه تقريبا 3 مرات يوميا
في كل مره تحط الثعبان بالمويه جدد المناديل في الحوض ,

هذي الطريقه سويتها وماكملت اسبوع الا والحشرات مختفيه ..

ملاحظه : شيك على الثعبان الثاني ممكن تلقى فيه نفس الحاله ..

[snake_usa]

يعطيك الف عافيه وانا رجعتها للمحل وقالو بنرجع لك فلوسك وبنعالجها واذا تبيها تعال اخذها ثاني مره
وش رايك بالموضوع ! وانا والله محتار ؟

[|| PyTHoN ||]

^

اذا بتريح نفسك عطهم يعالجونهم و ارجع اخذهم
لو تبي بنفسك مثل ما قال أخونا ، و عندك بفهرس
الثعابين بالقسم تلقى موضوع عن العث خذلك
نظره ..

بالتوفيق

[snake_usa]

الله يعطيكم العافيه وماقصرتو على المعلومات كفيتو ووفيتو