ارجوكم افيدوني لاني بدأت اعاني

[القدساوي]

السلام عليكم ورحمة الله وبركاته

اخواني الافاضل اهل الخبره والمعرفه

عندي مشكله ازليه مع طيري

وهو نوع امازون يلوناب

والطير موجود عندي من فترة شهر وشوي تقريبا من اول ايام كان عنده هالحاله بس حاليا اشوفها زايده معاه كل مره يسويها معاي لكن قبل مو كل مره

الطير عمره سنه تقريبا

وحبيب ولعوب ويتكلم ومن احسن مايكون ماشاء الله

بس فيه عيب شرعي

طبعا الطير يطلع عالايد والكتف ماعنده مشكله

مشكلة الطير الله يسلمكم ان بعد ما اطلعه على ايدي او كتفي بعد فتره بسيطه يبدأ بالعض يا اما ان يعض اصابعي او ذراعي وإيدي او اي مكان قريب منه

او ان يعض اذني اذا كان على كتفي

وبطريقه وحشيه وبكل شراسه

حاولت احط على ايدي عسل واقرب له اصابعي يبتعد

مستغرب الصراحه منه ومن هذي المشكله


السؤال الثاني:

الطير لعوب ونشيط ويتشقلب بالقفص وكل شي تمام ولله الحمد وأكله وبرازه طبيعي

لكن مستغرب ان وزنه خفيف واحيانا احس ان مايقدر يوازن نفسه بالحركه في خطواته اذا كان يمشي عالارض او في القفص
شنو ممكن يكون السبب ؟؟
وهل ممكن اعطيه مضاد حيوي لخفة الوزن ؟



ارجو الافاده

[يوفاوي الكويت]

بصراحه هذا عيب الامازونيات بشكل عام

الطير يغار عليك وبشكل جنوني

وانا اعلمك لما تكونون بروحكم ما يعض ولا يسوي شي

هادي لابعد الحدود بس اذا احد مر من عندك او واحد من الاطفال مر

يقعد يعض وبقوه هذا طبع باليلوناب يغار بشكل جنوني

اما بالنسبه للضغف ابي اسالك عظمة الصدر تحس فيها بيدك او لا

يمكن الطير فيه دود انا انصحك تروح لمحل راح اكتب لك اسمه بالخاص

وتاخذ منه دواء الدود

واي شي انا حاظر وموجود

[الكاكي]

مثل ماقال اخوي يوفاوي الامازونيات صاخبه وتغار على صاحبها
ولكن العض الوحشي يبيله توريض لحاله كيف :
حطه على استاند وحط على يدك عسل وركز على العض يعني يعض يدك الي فيها عسل لما يتذوق العسل المره الي بعدها يتذوق وكافئه بالشي الي يحبه صدقني راح ينسى شي اسمه عض بس يبيله صبر ومتابعه.
اما بالنسبه لضعف :فيه حبوب عند البطري لديدان وتعطى مره كل اسبوعين سواء الطير يعاني من ضعف ولا سليم.
الاشياء الطبيعيه لقتل الديدان:
1-الثوم فص ثوم مقطوع من النصف ينقع بالماء 20 دقيقه ويصب للطائر مرتين بالاسبوع وبعد اسبوعين يصير مره بالاسبوع .(لحالة طيرك)
2- الفلفل الحار يقطع حلقات ويوضع مع الطعام .

[القدساوي]

اشكركم على مروركم والافاده

وفعلا الطير مثل ماذكرت اذا كنا لوحدنا يكون هادي وطبيعي اما اذا احد مر او كان قريب مني يعض فعلا غيرة مو طبيعيه من اليلونابات

وتم الرد على الخاص يوفاوي

اما بخصوص موضوع توقف عن العض انا سبق وذكرت اني جربت استخدم معاه طريقة العسل لكنها فشلت