باركولي يا جماعه .. اخيرا شريت بول بايثن !!

[انجل مان]

السلام عليكم جميعا ..


كيفكم يا اعضاء هالقسم الرائع ..


ان شاء الله بخير .. دووم يارب ..


ابشررررررررررررررركم .. واخيرا شريت ثعبان بول بايثن .. وهو طبعا ثاني ثعبان اشتريه ! لانه عجبني شكله ولونه وحجمه !

الحمدلله الثعبان نظيف ولمعته حلوة ايضا ولا فيه جروح او شي من هالقبيل ! وصحته ممتازة !

لكن عندي كم سؤال ! انا شريته ولي الان 5 ايام !

السؤال هو متى ابدأ اعطيه اول وجبه !؟؟ وهل انتظر عليه ياخذ على المكان اول ؟!

وهل عادي يكون بنفس الحوض مع ثعباني الاخر وهو من فصيله البوا العاصرة ! ( ريد تيل بوا ) !؟؟

ياليت تجاوبون على هالاسئله الله يجزاكم الف خيير ..

[عبدالله1402]

ألــــــــــــــــــــــــــــف مبـــــــــــــــــــــــــــــــروك

[برنسيسه..]

ألف ألف مبرووك..

أنجل يـ خوفي..

تنتقل من الأسماك لـ الزواحف..

عشان الأمورهـ اللي عندك..

والله يسهل عليك تربيتهاا يارب..

..

[g.s.990]

اعتقد لا ما ينفع مع بعض

ولا تأكله في حوضه عشان بعدين يتعود واذا دخلت يدك ينقض عليها يحسبها فريسه

اذا كان فار حاول انك تكسر يدينه وتسوي شي بفمه عشان ما يجرح او يأثي الثعبان

اذا شفت الثعبان قوي وعلى طويل يفتك بالفريسه ما يحتاج تسوي شي

يعني خذ كرتون وحط الثعبان جوته يعني زي الكهف وخل الفريسه تمشي قدامه في مكان مغلق طبعا

اذا تبغاها تكبر بسرعه اكلها مرتين بالأسبوع

وكمان ممكن تخلي وجبه كل عشره ايام !!

ويمديك تأكلها صوص (مو ملون) اذا حجمها كبير

المفروض تكون الفريسه بأكبر نقطه في جسم الثعبان او اكبر شوي

واي خدمه انا حاضر

[g.s.990]

نسيت اقول

مبروووووووووووووووووووووووووووووووووووووووووووووووووووووووووووووووووووووووك

وعقبال اناكوندا 9 متر ~> امزح

[|| PyTHoN ||]

لا ما يصير تحط البوا مع البايثون

عموماً شكبرها أول ؟
شفتها تاكل جدامك أول ؟

لو لا ، وكلها أول وجبه بالحوض مبدئياً
خلها يومين لا تمسكها و عطها ^^

قط هامستر اول شي < لأنه بطيئ ما يتحرك وايد

إن شفت الوضع اوكي المره الي وراها فار لو تحب
بعدها جرب كتكوت ، بعدها لو بتوكلها من ايدك
وكلها

و أي سؤال حاضرين

[jassim99]

عالبركه انجل مان

وانا اقرأ اقول الشباب ماخلو شي ارد عليه لكن لقيت ثغره أتكلم عنها ههههه

بما ان صارله 5 ايام هذا وقت كافي انه يتأقلم عالوضع و لو كان ماكل شي قبل ماتشتريه بكم يوم يمديه ينهضن

واذا كان صغير وكله كل 4 ايام الى 7 وجبه وحده

واذا كان كبير عطه وجبه كل 10 ايام الى 14 يوم

وان شاءالله مانكون قصرنا معاك

[الخيّال]

ممكن تحطة مع البوا ما فية اي مشكلة ولكن حالياً بما انة جديد حطة لوحدة لتتأكد أن صحتة زينة وخالي من الامراض خوفا من أن يعدي الثاني وبعد التأكد ممكن تحط الاثنين مع بعض .

ولكن أحذر من أطعام الاثنين بوقت واحد يعني طلع واحد برا الحوض وأذا خلص الاول من الاكل حط الثاني

[|| PyTHoN ||]

^

السالفه مو عن مرض ما يصير تخلط انواع

أصلاً مرات ما يصير تحط 2 من نفس مع بعض و اهم بنفس الحجم
انت بتحط أنواع غير + أحجام غير !

مصيبه

[طرائف الطبيعة]

مبروك البايثون