كيف اعرف الغذاء المحبب للببغاء الافريقي

[الفيصل22]

السلام عليكم ورحمة الله وبركاته

في البداية اشتريت يوم امس الخميس بواسطة احد الاشخاص الذين لهم الخبرة في هذا المجال لاني ما افهم فيها اي شي سوى انها ببغاء

طبعا الببغاء افريقي رمادي محجل يقال انه هولندي تقريبا يعني انتاج مزارع

عمر الببغاء 8 اشهر

بصراحة سعره غالي حبتين اخذته بـ 2000 ريال بعد مانصحني ذلك الشخص لكون الببغاء طلع من القفص على يدي وقام بالصعود تدريجيا الى الكتف وقمت بانزاله بيدي دون اي مقاومة منه وعندما اضع اصبعي عند منقاره لا يعض وانما كانه يقوم باللعب
وعندما تقوم بشقلبته لا يتضايق ولا يصرخ باختصار الطير اليف جداااااااااااااااااااااااااااااااااا

الزبدة / على كلام الرجال ان الببغاء راح يتكلم خلال الثلاثة اشهر القادمة عندما يبلغ سنه كمله من عمره

وعند تصفحي لمنتداكم وجدت بعض الاعضاء يتشكون من انقلابات طيورهم ويقومون بتجويعها ومكافئتها على اي طلب يرغبونه

انا ابي الطير يستمر على ولافته وحاب اكافئة اذا خضع لاي امر اطلب منه

فـ كيف اعرف نوع الغذاء المحبب له ( يعني اللي يخق معه ) علشان اذل مرسوله اذا شفته يلف ويدور

وللاحاطه انا لما شريته كان سليم ولا يوجد فيه اي ملاحظة

واخذت القفص اللي كان معاه وكان يقول البائع غير القفص لان قفص شريطي وصغير عليه

المهم قلت بكرا اغيره يعني مليت من الفرفره بالسوق

الحاصل اني لما جيت اطعمه لقيت رجله عليها دم وانا ملاحظ ان الطير مو قادر حتى يحرك جنحانه من القفص

من ناحية القفص راح اغيره الى شي كبير ومناسب جدا له

لكن سالفة الدم ضيقت صدري مع ان والله العظيم ان في نفس الوقت كان ولدي توه طايح وطلع دم من فمه وما اهتميت كثر ما اهتميت للطير حسيت ان ماعندي احساس تجاه ولدي او شكلها طفه بالطير

عموما اذكر بالسؤالين

الاول / كيف اعرف الغذاء المفضل لدى الطير؟

الثاني / كيف اوقف الدم اللي في رجل الطير ؟

ياليت تفيدوني

ومشكورين مقدما

[كاسكووووو]

كل طير وله اكل مفضل انا طيري يحب العنب واللوز

[الفيصل22]

نصحني واحد بالذرة الحلوة المجمدة

لكن انت تقول العنب واللوز

عادي اعطيه وهو ثمان اشهر

واي العنب الاحمر او الاخضر؟

[طير جديد]

اولا :حياك الله بين اخوانك وانشاء ماتشوف الا كل طيب وخير في المنتدى الاكثر من رائع


ثاني شي:الف الف الف مبروك ع الطير يتربى وعزك ومشاء الله
طير جدا حلو وسعره مناسب بس فيه زياده شوي ربي يحفظه لك من كل شر


الطير الافريقي يفضل الفول السوداني بس لا ينصح بالاكثر منه
وكل طير يحب شي ثاني مع الاكل الاساسي له
من المعروف الاكل الاساسي الحب الشمسي

بالنسبة لطيري يحب الجزر خخخ
http://www.2zoo.com/vb/showthread.php?t=122824
هذا رابط له هع

الاول / كيف اعرف الغذاء المفضل لدى الطير؟

والله ع حسب الطير يعني الي تشوفه يتجاوب وهو ياكله هذا الي يحبه
وبامكانك تجرب طعام طعام الى ان تعرف طيرك وشو يفضل


هذا خاص بالاكل

http://www.2zoo.com/vb/showthread.php?t=117576

الثاني / كيف اوقف الدم اللي في رجل الطير ؟

هل النزيف حاد اما خفيف
مدام ان طيرك اليف حاول تمسح مكان الجرح بمنديل شوي شوي وانشاء الله يوقف النزيف
اما اذا حاد وده البيطري لا يتضرر اكثر


تقبل مروري وهذا كم موضوع يفديك تقدر تدخل عليه



نصيحه ::[COLOR="YellowGreen"]حاول لاتعرض الطير للبرد والتيارات الهوائية ( ترى الجو بارد )[COLOR]

[الكحلي]

الدم الي في رجله شوف السبب وعالجه وعلى الاكل نوعله وشف الي يحبه طيرك ومن ناحيت الفواكه لا تكثرله يسببله اسهال والطير اذا حبك ماراح يتغير عليك لو تعاوشه اذا سوا شي غلط قوله لالا ولا عيب وعلى كلامك تقول هولندي تبي نصيحتي خله في مكان دافي لا يتعرض للبرد ترا راح يمرض وكم واحد من الي في المنتدى يشتكي من الهولندي واصدقاء والله يوفقك في الطير الجديد

[1Njood]

ما شاء الله سعره ممتاز جدا !
الاليف الغالبا اشوفه 3000-4000
ووشسسمه بالنسببه للاكل كل ببغاء يحب شيء انا يحب التفاح والفلفل والثاني يحب الخبز والرز
انا اول ما اشتريهم اق
اجيب صحن احط فيه نص المطبخ واشوف وش الي يجذبهم او كل يوم عطهم شيء وشف وش الي يبون والي ما يبون
بس انتبه تكثر الفواكه انا كثرت وجاه اسهال كل شيء عطه بحدود
وبالليل حطه بالقفص وغطيه فيه غطا لقيته حلو من محل الحيوانات ب 100 ريال وفيه العاب لو تبي تدلعه لان ما شاء الله شكله لعوب ق1 ^.^
وعشان تفهم ببغتك http://alknary.com/vb/showthread.php?t=22730 هذا تفسيرات وشياء حركاتهم افادني كثير(:

[fawzi]

انا من راي الاخوان

[الفيصل22]

بالنسبة للنزيف خفيف ووقف الصباح

حتى عشاه لما صحيت الصباح لقيت عليه اثار الدم من رجله

واحد نصحني يقول قبل لا تنام اسحب الماء من عنده علشان ما يبرد اخر الليل ويشرب منه وثاني شي علشان ما يوسخ على الماء ويشرب وساخته بدون ما يدري وتكون هذي نهايته

التغييرات اللي صارت معاي الصباح

ناديته عليه تعال ومديت ايدي / جلس يطالع فيني شوي ثم طلع على ايدي ثم رجعته بعد فتره لمكانه وجلس ياكل من ايدي

لكن الحبيب تغيير في سالفة مسحة الراس يخاااف اما مسح بطنه وصدره وارجوله يتخوف ثم يركد


جربت معاه التفاح اكل مني قطعتين صغار ثم صد عنها وراح للحب الشمسي

اخذت من الحب ورجع عندي يكمل اكله

يعني التفاح معاه -1 ما ينغع

[طير جديد]

الحمدلله انه وقف النزيف

واحد نصحني يقول قبل لا تنام اسحب الماء من عنده علشان ما يبرد اخر الليل ويشرب منه وثاني شي علشان ما يوسخ على الماء ويشرب وساخته بدون ما يدري وتكون هذي نهايته

قد يكون كلامه صح لكن اذا عطش الطير فرضا ولا حصل ماء فقد تكون نهايته الله لايقول
انا بالنسبة لطير وقت النوم اغطيه بــبطانية علشان البرد
وبخصوص الماء غيرهـ كل يوم احسن وانظف لطير
بس ما انصح انك تشيل حوض الماء كل يوم غط الطير ببطانيه احس يكفي عن البرد

التغييرات اللي صارت معاي الصباح

ناديته عليه تعال ومديت ايدي / جلس يطالع فيني شوي ثم طلع على ايدي ثم رجعته بعد فتره لمكانه وجلس ياكل من ايدي

لكن الحبيب تغيير في سالفة مسحة الراس يخاااف اما مسح بطنه وصدره وارجوله يتخوف ثم يركد

سلوك طبيعي جدا وشي طيب انه بهذا المستوى من الالفه والفهم
اخوي الطير توه جديد ع البيت يبي له يتعود اكثر وبتشوف مع الايام تمسح عليه وعادي
بالعكس هو الي يطلب منك تمسح راســــــــــه

جربت معاه التفاح اكل مني قطعتين صغار ثم صد عنها وراح للحب الشمسي

اخذت من الحب ورجع عندي يكمل اكله

يعني التفاح معاه -1 ما ينغع

جرب التفاح مره ثانية شي جديد عليه لازم يتعامل معاه كذا واذا شفت الموضوع حقي تلاحظ نفس التصرف
يقطع التفاح ويرميه حتى ما يكله كانه يلعب فيه لكن مع الوقت بياكل منه
نفس الي صار لي مع الجزر

بالتوفيق يالغالي

[الفيصل22]

الف شكر اخوي طير جديد على تجاوبك

واعذروني على كثر الاسئلة لان والله لم اطرح شي وانا عارف اجابته

وان شاء الله راح اطرح لكم صورة لنوع الطير حتى اعرف الملاحظات اللي عليه

الحين كيف اعرف هو ذكر او انثى؟

وهل اذا جبت له الطرف الثاني ينتج عندي اذا كانت التربية داخل منزل وموفر لهم جميع الاشياء؟

كذلك عندي في البيت طيور منوعه قديمه قبل لا اشتري الببغاء مثل الكناري والبلابل وغيرها

احد الطيور اللي عندي لونه اسود ومنقار طويل واصفر الظاهر يسمى المينا

المهم اذا حملت الببغاء على ايدي وانا مطلع الطيور برا يبداء يهاجمني الطير الاسود (المينا)

واذا نزلت الببغاء في مكانه ورجعت ابي اشيله يوقف في طريقي يرفض اني اروح له

هل هذي غيره؟