|| مساعده بتربية عنكبوت الـ TranTula ~

[|| PyTHoN ||]

السلام عليكم

أول مشاركه لي بالقسم,,

عموماً بعد حيره كبيره بين العقرب الإمبراطور و عنكبوت الترانتولا تم الإختيار [ العنكبوت ] عشان يمكن يوم من الأيام أصير سبايدر مان
المهم
بس بعد ما قريت عنه و دورت عقدتني اشياء ولله !
و نفس هاذي الي باخذها



< و اعتقد إنها Ros Chelin
جنه مو أكيد


أولاً الحوض ,,

مو مشكله أنا عارف أسوي الحوض [ لي تجربه مع الحيايه و السحالي ]
المشكله الي معاي أهي التربه ! بالله من وين بحط هالتربه ؟! ما تمشي نشارة الخشب ؟ ولا لازم هالتربه العظيمه ههههههههه
+ أنا راح أخليها بغرفتي [ صايره حديقة حيوان كلشي فيها ] فشلون درجة الحراره أخاف أحط الهيتر تنطبخ !
و بخليها بحوض بلاستيك عشان ما عندي شي زجاج أتوقع عادي فالمشكله شلون بحط الهيتر لو كان محتاج و لا حتى بقدر أحط لمبه مثلاً
ولا أساساً مو محتاجه دفايه كفايه مكان تنخش فيها ؟

و ثانياً الأكل

صراحه [ لحد يمسكها علي ] المهم
أكثر شي أخاف منه الحشرات ياخي أشوف اي حشره أنحاش
ما غير الأم علي أو الفراشه !
هههههههههههههههههههههههههههههههههههههه
< مادري شلي حببني بالعنكبوت
إنزين مافي أكل بديل ؟! قريت زهيوي و مادري شنو يععع
ما يصير أعطيها همسترات نقانق لحم دياي أي شي

ثالثاً السم

سمعت أنه سام < عندي عادي مو مشكله بس عشان الأهل
قريت أنه سام و سمه يسدح الواحد ؟! و قريت أنه مو سام ؟! بالأخير استبوعبت
أساساً في 900 نوع ! ههههههههههههههههههههههههههههههه
المهم أبي العاديه السوده شلون سمها قوي < يموتني ولا لا
و عضتها تعور ؟ لأن ماشالله ماكو كائن حي طاف علي إلا و اهو عاضني !


و رابعاً شكراً < عفواً

..

[mr.crocodile]

يسعدني اكون اول من يرد عليك اولا الحوض حط اضاءة ومكان تختبي فية ومتحتاج دفايه ومو مشكلة حوض بلاستك ولا زجاج اما بالنسبة للاكل فهي تاكل الحشرات الكبيرة والفئران البيضاء وبالنسبة للسم فجميع انواع العناكب كبيرة كانت ام صغيرة سامة وتختلف كمية السم بين عنكبوت واخر امابالنسبة للرتيلا فسمها لايؤثر ابدا على الانسان وانصحك بتربية غولياث بريد ايتينق يعني العنكبوت اكل الطيور

[الآسطورهـ]

وعليكم السلام

حياك الله ..

بالبدايه هذا موضوع لي عن الـ ترانتيلا ,, ياليت تتطلع عليه ..

http://2zoo.com/vb/showthread.php?t=143682

على حسب مافهمت انك تواجه مشكله بأرضية الحوض + الآكل + الجو

بأفيدك بالارضيه

المناسب هو السماد الطبيعي "مايكون فيه كيماويات ابد"

وتلقاه عن المشاتل .. 10 كيلو بـ دينار او اقل شوي

--
من ناحية الآكل

تقدر توكله وزغ "بريعصي" أو حشرات

بما انك تواجه مشكله بالحشرات .. ممكن تدور بالمحلات عن حشرات مجففه بإذن الله

هذي تأدي الغرض وزود إن شاء الله

--
الجو يحتاج مكان معتدل الحراره

انا كنت احط العقرب والعنكبوت اذا شغلت المكيف داخل الدرج او الدولاب

وماجاهم شي ولله الحمد

تحياتي

S.W.E.D

[الآسطورهـ]

نسيت شغلة عن السـم

صحيح لها انواع كثيره

بالغالـب النوع المتوافر عندنا بالخليج هو chilean rose tarantula

وسميته ضعيفه ماتأثر على الشخص البالغ السليـم

لكن بعض الانواع مثل البـابون سمه مميـت وبقوه : )

S.W.E.D

[|| PyTHoN ||]

^

يعني تنصحني آخذ البابون

المهم هههههههههههه

وحده وحده

بأفيدك بالارضيه


المناسب هو السماد الطبيعي "مايكون فيه كيماويات ابد"


وتلقاه عن المشاتل .. 10 كيلو بـ دينار او اقل شوي

أوكي أشوف
بس نشارة الخشب ما تمشي ؟؟

من ناحية الآكل


تقدر توكله وزغ "بريعصي" أو حشرات


بما انك تواجه مشكله بالحشرات .. ممكن تدور بالمحلات عن حشرات مجففه بإذن الله


هذي تأدي الغرض وزود إن شاء الله

لا يمعود شنو بريعصي @@"
اوكي انا عندي همسترات و مربيهم على أساس إنهم ضحايا
أنا أعطيهم للحيايه ، ممكن أعطيها بعد ؟!

و صح نسيت نقطه

كل شكثر تاكل ؟؟

الجو يحتاج مكان معتدل الحراره


انا كنت احط العقرب والعنكبوت اذا شغلت المكيف داخل الدرج او الدولاب


وماجاهم شي ولله الحمد

أنا بحطه بغرفتي يعني المكيف يطحن 24 ساعه ؟!
أفكر بفتره النهار أخليها داخل حوض الحيه [ و اهي تكون بحوضها يعني ما يصير شي ]
عشان الدفا و الإضاءه
و بليل ممكن أخليها داخل بعد أو بالكبت
يمشي الحال ؟

بالغالـب النوع المتوافر عندنا بالخليج هو chilean rose tarantula

وسميته ضعيفه ماتأثر على الشخص البالغ السليـم

لكن بعض الانواع مثل البـابون سمه مميـت وبقوه : )

اممم خلاص مو مشكله أساساً انا اصغر واحد بالبيت ,,
زين بس عضته تعور ولا لا ؟؟

و السموحه ~

[|| PyTHoN ||]

يسعدني اكون اول من يرد عليك اولا الحوض حط اضاءة ومكان تختبي فية ومتحتاج دفايه ومو مشكلة حوض بلاستك ولا زجاج اما بالنسبة للاكل فهي تاكل الحشرات الكبيرة والفئران البيضاء وبالنسبة للسم فجميع انواع العناكب كبيرة كانت ام صغيرة سامة وتختلف كمية السم بين عنكبوت واخر امابالنسبة للرتيلا فسمها لايؤثر ابدا على الانسان وانصحك بتربية غولياث بريد ايتينق يعني العنكبوت اكل الطيور

ولله ما أعتقد إنها متوفره عندنا و لو اني كنت أتمنى أربيها
لأنها سهله !

بس حبيت أسأل الحين الي انا باخذها [ chilean rose tarantula ]
تاكل طيور صغار [ زرازير ] ؟؟

[الآسطورهـ]

لا اخوي النشاره ماتنفع


--
اذا كان حجم العنكبوت كبير ,,ممكن تاكل مواليد هامستر او فيران

تاكل كل اسبوع او اسبوعيـن

--
ممكن تمشي الحال طريقتك

لكن ماظمن لك

--
عضتها ماجربتها .. على حسب ماسمعت انها تعور

S.W.E.D

[|| PyTHoN ||]

^

انزين بيوتيوب أشوف بعضهم يعطون العناكب فيران بيض [ التجارب ]
شلون هذول ؟! ولا الي عندهم نوع ثاني ؟؟

[الآسطورهـ]

المشاركة الأصلية كتبت بواسطة || PyTHoN ||

^

انزين بيوتيوب أشوف بعضهم يعطون العناكب فيران بيض [ التجارب ]
شلون هذول ؟! ولا الي عندهم نوع ثاني ؟؟

اذا كان حجم العنكبوت كبير ,,ممكن تاكل مواليد هامستر او فيران

.......

[|| PyTHoN ||]

إي صج ~

بعد تاكل لحم مفروم مثلاً
أو نقانق أشياء جذي ؟
ولا كله لازم حي ؟!