سؤال لأهل الخبره

[الاربش]

يسعدلي صباحطك ومسائكم

اخواني سؤالي عن الحمام الباكستاني
انا أول مره اربي باكستاني انا تخصصي لوت
قلت ابي اجرب شريت مجموع فروخ باكستاني جاهزين للطيران

السؤال هل اطير الذكور مع الإناث او اطير أناث بروح والذكور بروح كما هو الحال مع حمام اللوت

وهل يوجد طريقه تدريب خاصه بهذا النوع من الحمام لكي يرتفع للأعلى

شاكر لكم مقدما

[العتيبي2011]

يالله حيه انا اشوف القسم منور

وقول منهو يلي منورهــ

شفت اسمكــ ياغالي قالت هذا نور الايش

حياك ياغالي وحنا في خدمتك

الحمام الباكستاني من افضل انواع الحمام

من نحية الطيارن

ومن انوعها وافضله

الكسوري والتيدي و الاشواها و الوحشيات

طريقة التطير اذا بغيتهم يطرون دفع واحدهــ مجموعه كامله

تفك الذكور فقط

واستمتع في الطيارن

عني انا مخلي الطاقة مفتوحة من بعد ماصلي الفجر حتى

المغرب وهي تجي من واحدهــ التدريب
اخذه لمسافة كليو متر فك وطيرهــ اكيد هذا الكلام بعد
ماتتعود على البيت
وكل بعد فتره تزود المسافةة
من نحيه العلو (التنقيط) فايحكمه
الصافوها و النوع و المقومات
كيفية تقيم الطير الباكستاني
اولا ريش الطير قوي متمسكــ
لون العيون اسود وابيض
رفعة الصدر
طول السيقان
واي شيء اطرح وابشر بعزك

[رائد ملكاوي]

ما شاء الله عليك مشرفنا الغالي العتيبي

إجابة الواحد يقعد يقرا فيها ويحفظ عشان امتحان
جواب موسوعة

بارك الله فيك يا استاذ المعلمين

ويا مدرب المدربي

ما في داعي الواحد يرد ع الموضوع

[الاربش]

بارك الله فيك يا العتيبي عساك ذخر وعزوه لنا

كفيت ووفيت

طال عمرك النور الي تقول عنه هذا نورك ونور الشباب الموجودين كلهم بالمنتدي

[مـحـمـاس الـمـنـحـاس]

الله عليك يابو دعيج

من وين طلعت انتا وشنو هالغيبه يالغالي

الشباب ماقصرو كفوو ووفوو
لكن انا ماقدرت اشوف لك موضوع وما اتلقف فيه
ههههههههههه

ومثل ماقالو الشباب
الحمام الباكستاني عامله مثل معامله اللوت لكن يفرق شي بسيط

يعني يفضل تطيره الصباح ولا ينصح بالتطيير العصر ابداا خصوصا للطيور الصافيه
والسلالات النظيفه

واكيد يحتاج التمرين مثلك عارف لين يوصل مستوى حلو او على قول المطيرجيه (لين يصفى ويكمل مطيره)

وانت ماتحتاج تعليم يابودعيج

ولا تعيد هالغيبه وانا اخوك

[الاربش]

تسلم يال الغالي
ما من غيبه موجود بس من غير مشاركات اقرأ واتعلم من تو زو