الريد تيل بوا مريضه بسرعه :"(

[|| PyTHoN ||]

السلام عليكم

قبل مادري جم يوم يمكن يومين ، لاحظت انها عاضه قطعه من النشاره
عاد أنا شلتها و خلاص
أمس ييت بوكل الريد تيل حطيت لها الهامستر ما كلته و كانت توخر عنه
قلت يمكن لأني لاعب فيها لعب و انا معودها كل 5 الي 7 أيام أوكلها
والحين صار 7 ايام يعني لازم تاكل حطيت اليوم و ما كلت

شكيت بالموضوع

و أمسك الهمستر و أحركه عالخفيف قدامها و أركز على حلجها ألا أشوف
إنها أصلاً مو قادره تفتح حلجها ولا حتى تطلع لسانها

رحت و افتح حلجها لقيت قطعة خشب شلتها

و أطالع الا في شي أصفر مادري شلون

هم شلته و رشيت ماي شوي و خلاص

و رجعت مره ثانيه ملاحظ انها بتهاجم بس نفس الشي ما تقدر
تفتح حلجها

و ملاحظ في نفس فقاعات = على الي اعرفه هاذا التهاب بالفم مادري شنو

و حتى أشوفها تنفخ و تحاول تطلع يعني بلعومها ينتفخ و مادري شلون تبي تطلع
بس ماكو فايده تتفخ بعدين ترجع عاديه

شسوي تكفووون و ما أعرف أطلب أدويه من بره
و ما أعتقد في بيطري بالكويت

شسوي في حل ؟

او في أحد يعرف بيطري يعالج حيايه ؟

[|| PyTHoN ||]

و نسيت اقول أنها صغيره يمكن طولها 60 سانتي

[أحبك توتو]

في مستشفى رويال للحيوانات الأليفـه قبال سوق الحمـام << يمدووحنـه بس ما أدري يعالج حيايـه و لا لا
و في مستشفى ما أدري شنـوو اسمـه المهم انه مقابل سيتي سنتـر

و اللـه يشافيـها

[خالد414]

والله يا اخ بايثون اعتقد عندها بلغم والتهاب

حاول تشيل اي شي داخل فمها بـ (منظف الآذان)

واحرص على التدفئه (مهم جداً)

وان شاء الله مع التشميس و الدفاء راح تشفى

وماتشوف شر بإذن الله

[|| PyTHoN ||]

^

أحبك توتو

اهو ممنوع حيايه بالكويت فشلون يعالجون

و اعرفه رويال و الدهماء يم بعض

سألت الهنود كلهم خايفين -_-"

و خالد أمممم على الي شفته المرض respiratory infection
أتوقع جذي

المهم توني غيرت الفرشه شلت النشاره و حطيت كلنكسات

لين تكبر بعدين أحط نشاره

شي تعلمته حيه صغيره لا تحطلها نشاره


و يعني عادي ؟؟ بس أنظف حلجها و المكان دافي و رطب و أشمسها ؟
زين شكثر يحتاج لأانها المفروض تاكل الحين -_-"

و الفقاعات يعني كلمره أنظفها ؟ و شلون الطريقه

بس بمنظف الآذان ؟ ولا بماي بعد ؟

+ أخاف القطن الي بالمنظف يلزق بحلجها -_- ؟!

و ما تقصر انشالله

يعطيك العافيه

[خالد414]

اول شي النشاره انا مستحيل احطها لثعابيني

وانصحك بعد بنفس الشي

وتنظيف الفم يكون بمنظف الآذان وافضل بدون ماي

وان شاء الله ما يلزق القطن لاني مجرب كذا مره وفادت ولله الحمد

واي سؤال تفضل

[mr.crocodile]

اعتقد التهاب في الفم

لازم تشوف بيطيري

وشكلكم زينا ماعندنا بياطره زواحف

بس سوي زي ماقال اخوي خالد 414

[|| PyTHoN ||]

يعني بتتعالج بدون أدويه انشالله ؟

+ التنظيف علطول يعني ؟

أهو أفتح حلجها الحين مافي غير الفقاعات شويه من تحت
يعني بالمنظف أنظف الفقاعات ؟

و كل شكثر لأن كل شوي يطلعون مره ثانيه -_-"

يعني كل ساعه و لا شنو ؟

[LiMiTeD]

روح للصيدله واشتري مضاد التهاب وغسول فم

واضبط درجة الحرار من 27 الى 33 مو اكثر ولا اقل ولازم يكون في تدرج حراري بالحوض وهذي نقطه مهمه ما يستقلها الكثير

والرطوبه تكون 70% واقل بشويه

وخلال المرض لازم كل يوم تبدل الماي وتغير الارضيه وتكون ورق مقوى (كلينكس مطبخ)

الحراره والرطوبه تأكد منها يوميا

وتبديل الماي والارضيه يوميا


والنظافه اهم شي

[|| PyTHoN ||]

^

اي صيدليه ؟

و شنو أقولهم بالضبط ؟

و انا المشكله ما عندي جهاز مال الرطوبه انا قاعد ببخاخ ماي ارش داخل :\



و شكثر يبيلها على ما تتعالج ؟

و شلون اعرف ؟

و الفقاعات شلون كلمره أنظفهم بقطن الأذون ؟

و كل شكثر ؟

و مضاد الإلتهاب من وين ؟ و الغسول ؟

موجود بالبيطري " الدهماء " ؟ و ياليت لو اسمه بالضبط

و السموحه على كثرة الأسئله