سؤال عااااجل عن الاصله الملكية ؟؟!

[سام]

انا اليوم كنت راح اشتري ball python بس المشكله شفته صغير جداا شكيت قلت بسأل اصحاب الخبرة ؟؟!!

صاحبة قالي عمره شهرين .. انا الصراحة عجبني وااااايد وناي اخذه بس عندي استفسار عن اكله و بيئتة وقريت في المنتدى شفت كل الموضيع تتكلم بشكل عاام

ارجوووا المساعدة !!!!!

[Q8kuwait]

البول بايثن من الاصلات المتعبة في فترة التغذية .. اغلبها لا تآكل

وبالنسبة للصغير .. تغذيتها متعب اكثر .. اذا كان صغير جدا .. يجب تغذيته بفئران حديثين الولاده

[سام]

شكرا على مرورك اخوي .. طيب شو الحل ؟؟
هل في حل اني اخليها تآكل مع العلم اني ما جربت وبعدني ما اشتريتها اساسا ؟

[LiMiTeD]

عادي اذا كان متوفر الاكل لها واهي بخاطرك اخذها بس ما انصحك فيها اخذ نوع ثاني

[Q8kuwait]

شكرا على مرورك اخوي .. طيب شو الحل ؟؟

أخوي اذا كنت انت من النوع الذي يصبر و يتحمل متاعب هذه الاصلة .. اخذها لا تبالي .. لكن انا انصحك بغيرها .. أكثر الاعضاء يعانون منها في فترة التغذية .. وهي أصلة جميلة و اليفه .. لكن مشكلتها الوحيدة هي التغذية فقط

هل في حل اني اخليها تآكل مع العلم اني ما جربت وبعدني ما اشتريتها اساسا ؟

يوجد حل واحد اذا كانت ترفض الاكل قطعا .. هو الاطعام الاجباري .. لكن لا انصحك فيها كل مره .. يجب على الثعبان ان يعتاد على نفسه في الاكل افضل

واذا كنت تفضل ثعبان اصلة .. انصحك بالاصلة البورميه .. شهيتها ممتازه بالتغذيه و صحتها اقوي من الملكية .. لكن انتبه الاصلة البورميه تصبح كبير تصل الى 4 أمتار خلال 2 و 3 سنوات .. فعليك الحذر ان لا تخرج من القفص من غير لا تعلم .. واذا كنت تنوي شراء اصلة بورمية .. انشاءالله راح نوفر لك كل المعلومات عنها واحتياجاتها في التربيه

[هاوي ثعابين]

اذا كنت مبتدئ ما انصحك تربي اصله ملكيه لأنك راح تتعب معاها بالذات اذا كانت صغيره لأنها ما راح تاكل الا فيران حديثه الولاده و صعب انك تحصلهم هذا طبعا( لو اكلت ) يعني شفلك نوع ثاني احسن

[Ghoroub]

السلام عليكم

الأخوان ما قصروا معاك بس حاول تتأكد من كذا شغلة قبل لا تاخذها

لو لقيتها نحيفة مرة وجلدها مترهل هذي ممكن تكون مريضة أو ما أكلت من فترة
لو لقيت لونها من تحت (عند البطن) غريب وشبه شفاف هذي برضه ممكن تكون مريضة
لو تفتح فمها وهي تتنفس أو فيها أصوات لما تتنفس هذي برضه ممكن تكون مريضة

شي أخير لو انت ملزم عليها جيب فار صغير لسه ما طلع عليه فروة (بينكي) وحاول تتركه معاها شوي لو ما أكلت ما أنصحك فيها لأنها راح تغلبك أما لو أكلت فممكن تحصلها فيران بيض صغار (تقريبا قد عقلتين من أصباعك) وهذي ممكن تاكلها حية أو لو حسيت إنها خايفة من الفار(راح تلاقيها تحاول تطلع من الحوض) أقتلها الفار وحط فمه في فم الثعبان وسيبه وراح تلقى الثعبان كمل أكل لوحده، طبعا أول كم مرة لين تكبر الأصلة شوي وتقدر تاكل بنفسها (هذي الطريقة أنا مجربها بنفسي وأصلاتي الصغار كلها سويت معاها نفس الطريقة)

يا ريت تقولنا ايش يصير معاك

تحياتي

[سام]

شكرا اخوي Ghoroub و Q8kuwait و ليمتد على المعلومات فعلا كنت بحاجة لها ..
سؤال اخير وارجو اني ما كون ثقلت عليكم ..
اضائة الـ uv هل اخليها شغاله 24 ساعة مع العلم ان مكيف الغرفة يكون شغال طول الوقت تقريبا وبليل تصير الغرفة بااااارده .. وهل هي مضرة لصحة الانسان ؟؟؟!

والله ما يحرمني منكم ابد ...

[Ghoroub]

بخصوص لمبة الUV الصراحة ما قد لقيتها في جدة فما أستخدمتها

حاول تمر ساكو ولا أي محل مشابه وتشتري ترمومتر (فيه نوع يجي معاه هيجروميتر حق الرطوبة) وكده راح تعرف الرطوبة والحرارة في الحوض (في ترمومتر زي الاستيكر يلزق على الحوض بس ما هو دقيق) وحاول تحافظ على الحرارة والرطوبة المطلوبة للأصلة

ما أظن غرفتك راح تكون مناسبة إذا كانت معظم الوقت باردة أو حاول تحط الحوض في مكان ما يكون فيه تيار هواء بارد (ممكن تحت المكيف مباشرة) ووفر شوي في الكهربا يعني إذا ما كنت قاعد طول الوقت في الغرفة لا تسيب التكييف شغال طول الوقت

تحياتي

[LiMiTeD]

في لمبة حراره عند محلات الزواحف او لمبه عاديه راح تكفي وتوفي اما عن لمبة uv مو اقل من 11 ساعه كل يوم ومثل ما قال اخوي Ghoroub لازم الترمومتر على شان تعرف الحراره ومقياس الرطوبه