الافراس راح تموت الحقووو تكفوون

[bAnGoO]

السلاام عليكم ورحمة الله وبركاته

اخبارركم اخواني ان شاء الله بخير


ابي منكم العون باقرب وقت تردون علي

عندي افراس توني جايبهم وحالتهم للأسف تكسر الخاطر مره ضعاف بشكل ماتتصورون

ابي اعرف كيف تغذيتهم وايش اعطيهم من اي نوع اكل او فيتامينات على شان ترجع عافيتهم

وهل لازم اعطيهم جرعة دود او لا

ياليت تردون علي باسرع وقت مع الاجابه الكامله لان ماعندي وقت اشوف الردود وارد عليها

=============

[مجنون الجيرمن]

بالنسبه لي او من معرفتي الشخصيه وتعاملي مع الخيول
اعطيهم كل واحد كيلو تمر فالتمر غني بالفيتامينات
والعلف خله عندهم
وشعير طبعا الشعير تخمرة بالمويه في اليل وتعطيهم الصباح بس قبل تعطيهم طلعه وافرشه عشان تروح حرارته افرشه علي اي شيء نظيف
وفيه بروتين اشتريه يسمن الخيل بس والله ما اعرف اسمه
وتاكد انو ما فيهم دود بانك تحضر لهم البيطري يشوفهم
وان شاء الله الاعضاء يفيدونك اكثر مني ويعدلون علي لو في خطا

[bAnGoO]

انا اعطيهم برسيم في الصبح

وفي العصر اعطيهم كمان برسيم وتمر وشعير وهل طريقتي صحيحه

واذا في طريقه ثانيه خبروني

[خيال العروبه]

المشاركة الأصلية كتبت بواسطة bAnGoO

انا اعطيهم برسيم في الصبح

وفي العصر اعطيهم كمان برسيم وتمر وشعير وهل طريقتي صحيحه

واذا في طريقه ثانيه خبروني

هلا وغلا ويا مرحبا

معليش السموحة ع التاخير

ياليت تزودنا بصور للافراس

وياليت ايضا تفحص عيون الخيل اذا يوجد بها احمرار شديد

قد تكوون مصابة بالملاريا >> يجب مراجعة الطبيب البيطري للتاكد من هذه الحالة

سؤال : هل شكل براز الخيل اكرمك الله مكوور ( على شكل كورر صغار ) او عادي ؟

اذا كانت الاجابة نعم

يعني هناك دود بالافراس ويجب اعطائهم جرعة للدود

اما بالنسبة لطريقتك بالاكل صحيحة

ولاكن اذا تقدر ضيف مع الاكل بودرة كالسيووم

مقدار ملعقة صغير مرة واحدة باليوم مع الشعير والتمر

ولا تنسى اضافة زيت مقدار فنجان واحد لتحاشي المغص

او الافضل انك

الـصـبـاح شـوار

الـعـصـر ربـع صـفـه بـرسـيـم + اراسـكــو

الـعـشـاء بـرسـيـم + شـوار + تـمـــر

وحـالـيـاً تبـنـي الـجـسـم بـعـدهـا يتضـيـف الـكـالـسـيـووم

و بـعـد 14 يــوم تعـطـيـهـم ابـرة ثـانيـه لـدووود


اي سؤال او استفسار انا بالخدمة يالغالي

[الهولي]

صحيح كلام اخواني
وانا مع كلام استاذي خيال العروبه
والابره عطه ابرة سوبراوڤوميك امريكي وكرر بعد 12او 21يوم
لان الاوڤوميك تقضي على اكثر من عشرين نوع من الديدان
وبعدها تهيئ جو ممتاز يقي من الحر الشديد كي ينفع العلاج
والغذاء والشعير المخمر والمكعبات من اراسكو ممتاز
جدآ ولك تحياتي

[bAnGoO]

ياااليت تعجلون بالرد


==================

[bAnGoO]

ردود وافيه الله يعطيكم العافيه وماقصرتوو

بسس للأسف جاهم قراد بعد

كيف ازيله

[Abo_fahed]

انصحك بالذهاب الى البيطري

والاهتمام اكثر بالخيول

خصوصاً في الفترة القادمه

وهذي مواضيع تتكلم عن العناية بالخيل

http://www.2zoo.com/vb/showthread.php?t=67118

http://www.2zoo.com/vb/showthread.php?t=62354

[خيال العروبه]

ماقصرت يا بو فهد على هالمساعدة

قرااد !!!

يالغالي سارع في الذهاب للبيطري

يوجد تطعيمة ضد الطفيليات الداخلية والخارجية

نسيت اسمها والله لاكن البيطري الي اثق فيه حاليا

مسافر ..

ارجووك يجب ان تنتبه على خيلك من اي طفيليات

واتمنى تنظف السطبل اول باول لتحاشي اي من الامراض

وياليت تخبرنا بكل جديد

[السامر15]

السلام عليكم ورحمة الله
اخي الغالي الشباب ماقصرو
لكن بعطيك وصفه اللي اعطيهم خيولي والحمد الله ناجحه وصحتهم زينه

1- العليقه اللي اعطيها خيولي الصبح برسيم والظهر برسيم والمساااء شعير مجروووش +نخاله + ذره صفرااء مجروشه وانصحك تقلل من الشعير بالصيف وكذلك لي تعقيب ع التمر لان التمر بالصيف حار ع الخيول يعني تعطى حبه او حبتين كا اكراميه وبخشيش
2- توجد بودره ع شكل ظروف حقة الديدان تعطى جرعتين ولا تحتاج الخيل للصووم تخلط مع العليقه المساء الجرعه الثانيه تعطى بعد اسبوعين من الظرف الاول
3- من ناحية القراد تأكد من موقع الاسطبل لا يوجد حوله الرمث لانه موقع تكاثر القراد وإذا وجد بخيلك لابد من إزالته فورا
تنبيه : كمية العليقه مقدار كيلو لكل نوع الذره تُنقع بالماء بساعه قبل الخلط مع العليقه والشعير والنخاله ترش بالماء وتخلط وانصحك تشغل الخيل لان الشعير للخيل الواقفه يسبب حمره بالحوافر وهذا من خلال خبرتي المتواضعه

تقبل مروري أخوك السامر ... وشكرآ