صور قرناس من سوق الخوبة

[سكر]

السـעم عليگم ورحمة الله وبرگاتھ

اسعد اللھ اوقاتكم

رحت سوق الخوبة ولقيت هذي الطيرين م؏ شايب يقول صادهم بنفسه
وعارضهم للبيع
انا صراحة ما افهم شي في الصقور لكني محب لها كثير واتمنى اتعلم اصيد بها واصير زيكم صقار


عندي ثلاث اسأله

الأول: ايش انواع اللي في الصور؟

الثاني: كم اسعارهم الطبيعية لو حبيت اشتري ؟

الثالث: هل اقدر ادرب الطير على الصيد لو تعلمت شوي من المنتديات والا لازم ناس خبراء؟

وفي الأخير اي معلومات زيادة تفيدني فلاتبخلو علي لأجيب ببغائي ميزو انتف صقوركم

[مـحـمـاس الـمـنـحـاس]

هلا هلا بالغالي

نويت تصير صقار ياصاحبي

يصير ليش لا

الطير اللي في الصوره الاولى (المبرقع) شيهانه 100%

واذا الرجال يقول صايدها يمقن مو صادق ويمقن لا
هههههههه

لأنها تفريخ مزارع والحجل واضح

اما اللي ع الارض اتركهاااااا ماتسوا ريال

يسمونها الصقاقير (جليعه) او بوحقب

تشبه الصقر بشكل كبيييييير لكن يميزها الخط الابيض اللي بجانب الرأس

اما بالنسبه لأسعارها تختلف ياحمزه من طير لطير
حسب علوم الطير وعمره هل هو فرخ او قرناس
هل هو مدرب ولا وحش ووش علومه صايد ولا لا ومقاساته الطول فالعرض
ونوعه
بختصار ابدء من 1000 وتوصل الى مئات الالاف
بس الخوبه غير وانت ادرى

اما سؤالك الاخير
ياصاحبي والله بالفتره الاخيره قابلت ناس معها طيور وتقنص بها
ومع السوالف فهمت منهم انهم تعلمو الصقاره من الكتب والنت فقط لاغير

ولا قد عرفو صقارين حتى
والحمد لله حصلت معهم معلومات كبييييره اغلب الصقارين مايعرفونها

يعني كل شي جايز يابطل

[سكر]

ماشاء الله عليك يامشرفنا محماس

منتشر في كل مكان ههههههه


اسعدتني بمشاركتك وتعليقك

والشيهانه قال الرجال انها قرناس
واعطاني مقاساته بس نسيتها

لكن كان واضح انه نحيف، وسألته قال ان اهله اهملوا في تأكيله

اما الحجل يقول هو مركبه بنفسه لأنه صياد محترف وهذي شغلته والله اعلم


المهم انه طالب حدود ٣٠٠٠ ريال قابل للتفاوض

وشكلي باخذ معلومات زيادة وبعدها اقرر اصير صقار والا ابقى على الببغاوات والثعابين

[زواحف الكويت]

تعليقات جميلة