صور قطاوتي:) وقصتهم الحزينه :(

[FAISAL//AB]

السلام عليكم ورحمة الله



اليوم جايب لكم صور قطاوتي..

صح مش حلوين واجد لاكن غاليين على قلبي اكثر من ماتصورون وبقولكم شلون تعارفي عليهم


كنت رايح ادور قطوه صغيره لـ اختي طبعا متزوجه مش معاي في البيت اشتريها لها هديه

وفجئه القى قطوه يقولون انها حامل وحتى بدون ماشوفها قلت ليش ماشريتها واجرب

واستفيد من ولادتها اكيد لما اعتني فيها بالبيت بيكون احسن من المحل يعني اسوي فيها

خير وبعدين اهدي الصغار لو ماعجبوني او اعرضهم في اي محل هم وامهم المهم

شريتها بعد يومين تقريبت
كانت ضعيفه وذابحينها جووع وكانت وصخه بشكل ماتصورونه وحالتها حاله

وفيها سهال ودود الخ الخ وبلاوي وعالجتها واهتميت بتغذيتها وبكل التفاصيل

وولدت وجابت ثلاث اولاد وصراحه حبيتها وحبيت اولادها بشكل كبير واحس انهم

جزء مني ومستحيل اتخلص منهم ياما شريت قطط بالمواصفات الخياليه اللي

اتمناها بس سبحان الله ماحبيتهم كثر هذولى !! مثل ماقال بو نوره((ماكل حب يدخل القلب سكان ))

وبسبب هالقصه الحزينه سميت قطوتي (سندريلا)لان تشبه قصة سندريلا
ومرت ابوها راعي المحل... طبعا انا الامير خخخخخخ

وهذي صورهم



هذي صوره قطوتي (سندريلا)



هذي صورت العائله وقت وجبة الغدا
قبعا لاحد يتضايق من سندريلا لانها من شوي راجعه
من الحديقه ولاعبه في الرمل



هذي صوره (كويتي) اول بيبي<--مش عاجبني اسمه لاكن اختي اللي سمته لانها تحبه


وهذا كعبول الاكول.. لوول اشره واحد في خوانه فديته


وهذا بدوح الشيطون شيطان بشكل وفي نفس الوقت وصخ وكله انضفه وامه تعبت معاه ههههههه



ومشالله ولا الله الا الله عليهم.. والله يحميهم


بتقولون على ايش مش حلوين وسود لاكن في عيوني حلوين وابيض من الثلج هاهاها


وسلامتكم وان شالله عجبتكم الصوره واكيد القصه خخخخخ

[PINK COCKATOO]

مـاشاء الله حلوين

[تو zoo]

ما شاء الله عليهم
والله يخليهم لك
ويتربون بعزك
وانشالة اني القا قطوة حلوة مثلها واشتريها
فيا ريت اي احد يعرف قطوة انثى للبيع بلكويت يقولي بلييييز

[Moz3ej]

ماشاءالله .. صووووور رووووووووووعه


الله يحفظهم لك ويخليهم لأمهم ..



القطاوه كلهم طلعو ذكوور ؟؟

[الكسيكوالدره]

هلا

ياسلام
ماشاء الله حلوين والله يهنيكم فيهم
اتمنى اللاقي مثلهم وعلى فكره احلى شئ لما تولد عندك تستانس على لعب اعيالها وشطانتهم حتى اللي ما يحبون الاقطاوه يستانسون لما يشوفون الاصغال يلعبون مع بعض ويسون حركات عبيطه تضحك

ممكن سؤال شنو نوعهم ؟؟؟

وبكم شريت الام ؟؟؟

[Withered Rose]

تبااااااااااارك الرحمن ماشاءالله
الوانهم حلوة ..... انا احب هاللون
بس ماشاءالله حلويين كتاكيت الله يخليهم لكم

[العابر]

ماشاءالله
تبارك الرحمن الله يخليهم لك

[قطو_Q8te]

عجبني اسم " كويتي " P;
بسم الله ماشاء الله تبارك الرحمن
الله يخليلك ياها لـ: سندريلا ماشالله عليها تهبل وماعليك من الي يقول اي شي
ياحلات الكتاكيت
يتربون بعزك واهتم فيه عدل

[افتخـ اني إماراتيه ـر]

واوووووو روعه صور

[NONO]

مين قال موحلوين وليش متوقع نقول موحلوين اصلا كل القطاوه حلوين وبالاخص اذا ربيتهم وقطاوتك
ماشاء الله عليهم واايد حلوين ومدبدبين وراح تستانس واايد لانهم بيلعبون ويشاغبون قدامك وماراح تمل منهم لان القطاوه تجيب الوناسه وراح تشوفهم يكبرون قدامك.
والصراحه قصتك وقصه سندريلا وااايد حلوه وانا استمتعت بقرائتها. .
والله يحفظهم ويخليهم لك ولايحرمهم منك..