انثى الكناري

[هاوي مزاجي]

السلام عليكم

ياجماعه عندي سؤال بسيط
انا حبيت اريح انثى الكناري من الانتاج وعزلتها
عشان توقف عن البيض بس اللي محيرني انها لالحين تبيض مع انه البيض مو لقح
شالحل عشان اوقفها عن البيض
واذا شلت البيض منها عادي ولا ياثر عليها
اخاف من كثر ما اشيله توقف وماعاد تبيض ابد
ناطر جوابكم بسرعه لاني بسافر وماودي تبيض وتنام على بيض مو ملقح
ويعطيكم العافيه

[عاشق الكروان.]

أخوي أتاسف لك بس أنا ماعندي سالفه بطيور الكناري بس عندي سؤال يعني إذا باضت وقعدت على البيض يفقش
ثانين وشو التلقيح؟

[مكحل الجنيه]

كم الفترة اللي تبي تعزلها ترتاح؟

وكلامك صيح الانثى تكون جاهزة فترة واذا مالقحها الذكر تبيض

اقترح عليك لو بيضت لاتشيله خليه تحتها

فترة 20 يوم او اكثر وشيله بعدها لو بيضت سوي نفس الشي

في حالة>>>> انك ماتبي ترجعها للذكر

يصير كسبت اثنين تريحها فترات نفس الوقت ماينفر الطير من البيض

وانا اشوف اذا صحتها ممتازة مافي مشكلة خليها تبيض وتفرخ

[هاوي مزاجي]

اكيد ماراح يفقش لانه من دون ذكر وهذا معنا التلقيح

[هاوي مزاجي]

المشكله بالذكر مايلقح عدل
وانا قاعد اعلجه والسفره 20 يوم
وانا حاطها بقفص كبير مع الانتاج والنثاية الثانيه وهي تبيض بمكان الاكل
هذا اللي مخليني اشيل البيض

[عاشق الكروان.]

أها التلقيح يعني الذكر مع الأنثى شكرآ أخوي موفق

[مستر دحوم]

اخوي اراحة الطيور بهذا الوقت تصرف سليم ،، و يجب عليك الان و ضع الاجواز باقفاص صغيره وتكون على مستوى الارض او ان تقوم بعزل الاناث بقفص و احد يتسع للاناث و يكون على الارض و يكون بغرفه حاره نوعا ما و اضائتها منخفضه نوعا ما و ابدأ باعطاء طيورك اوراق نباتات خضراء مثل الجرجير و ورق الفجل كل يومين او ثلاث ايام بكميات معتدله و ضع صحن الاستحمام بالاسبوع مرتين حتى تبدل طيورك ريشها و ترتاح و اعطها بيض مسلوق بالاسبوع مرتين وكذلك التفاح حتى تتغذ جيدا استعدادا للموسم القادم باذن الله بعد شهر و نصف ان شاء الله ،،،،،،، و هذه العمليه تسمى تقليش الطيور (طبعا للهواه) اما المنتجين و المربين الخبراء فلهم طرقهم بتقليش الطيور .......... ارجو ان اكون افدتك ،، تقبل مروري

[هاوي مزاجي]

الله يعطيك العافيه وماتقصر
بس في سوال اخير الطيور اللي عندي والله اعلم فيهم مرض يطيح الريش يعني عندي نثيه
ظهرها مصلع ولا ريشه فيه
وفي فرخ عمره شهرين يعني ريشه جديد لقيت ذيله كله طايح
وغير الذكر اللي ريش جناحه وذيله متكسر ما ادري هل هذا هو القلش لانه غريب حيل مبالغ فيه
مو نفس الطيور الثانيه اللي عندي قلشهم صار خفيف وعادي جدا