تبي تعرف معني كلمت قهر ادخل ...

[مطهبل]

السلام عليكم ...

هاذي السالفه صارت لي قبل كذا اربع سنوات تقريبا وهي ..

في نفس هاذا اليوم والي هو يوم 28 من الشهر المبارك رمضان بعد صلاة التراويح

كنت قاعد مع ولد عمتي وماشالله الأخ بطران الله لايظره المهم وغير كذا هو وحيد امه وابوه


المهم وقاعدين ننناظر التلفزيون وشوي جابو برنامج عن القطاوه وقال ولد عمتي وليد

اقول وش رايك نروح بس نشتري قطو ونلعبه واذا شبعنا منه نوديه اي مكان نذبه ولا نشوف له حل

انا رديت عليه ليش طيب مو حرام عليك كذا مع العلم اني كنت اموت بشي اسمه حيونات

اي حيوان عندي اعزه واغليه واخلص له ...

المهم : ونروح والله لكذا محل وماعجبنا شي وقلنا بس سوق الحمام ونروح لمه ..

عاد انا وولد عمتي فينا شي غريب مانحب الى الحيونات الكبار يعني شي صغير وععع

اذا شفناه كبير كذا قلنا ياسلام ونروح لم السوق وندخل محل اسمه

..........

السلام وعليكم السلام اخوي نبي افظل قطو عندك !!! راعي المحل متأكد انت قلنا ايه

قال طيب شف هاذا بيكي فيس درجه اولى مستواه عالي جدا قلنا الله حلو والله

وكان عمره سنتين وقلنا بكم يوم قال 7000 ريال


من جدك 7000 ريال قال ايه من جدي اجل العب عليكم قلنا طيب ليه ؟!؟

قال ياحبيبي القطاوه مستوياتها كثيره وهاذا افظل مستوا عندي وانت الي طلبت مني كذا

قال طيب شوف هاذي وشوف هاذي على 400 ريال وفيه على 800 بس صغار

قلنا لا مانبي الى كبير ونشيط بعد قال طيب ابو 7000 ريال والله مو صالح لكم

قلنا وش السبب قالي هاذا فحل حق تلقيح يعني مو حق لعب وكبير عمره سنتين

قلنا اقول عاد جبه بس ... وليد مارظا بالبدايه بس دق على ابوه واستأذن منه انه يشتري هالقطوه ..


وشريناها بــ 6800 مع كامل اغراظا القفص والأكل ...(( مع انه ماكان لازم نشتري قفص ))

وجينا البيت واستقبلتنا ام وليد :: ماشالله وش الزين ذا وتقول ههههههه خشمه ناقزن فوق

الكلمه هاذي ماراح انساها قلت لها بصفتي مستر فيلسوف ايه ياعمتي بعد تعرفين

هاذا نوع زين بالحيل وزل لساني وقلنا له وغير كذا شارينه بـ 6800

يوم قالت وشو الله لايوفقكم وتقعد تدعي وعصبت ( هي مطوعه ) وتقول ليش هالمبلغ كله

على قطو المهم ..

ونروح البيت ونلعب معه بس الحبيب ماعطانا وجه ابدا ووليد عصب وقال وش القطو الخايس

ذا بــ 6800 واخرتها ماعيطنا وجه وعصب عليه ويرفس ذيك الرفسه ياساتر

والقطو بخ بوجهه ونط عليه بس ماجاه شي واجي انا الي مسوي فيها مستر حنون واخذ

القطو واهديه واناديه بأسمه ... طبعا حنا سميناه (( pop )) المهم ..

وبعدها بكم يوم جا ابو وليد طبعا كان مسافر ماشالله عليه هو يشتغل مرافق ويرافق امراء

المهم وقال ماشالله وين القطو اجل وجا وليد وقال شف سوا فيني كذا وكذا وهو نصاب اصلا

ماسوا له شي ابد ...

جا عصب تعرفون وحيد امه وابوه لازم يعصب ابوه وقال شف اسمع القطو ذا بالشارع ولا عاد

اشوفه قلت ياعم هاذا 7000 ريال وين تذه الله يخليك قالي لا ماعلي منك قلت انا ابيه

قال شف ياولدي مو قصدي نذاله ولا همتني الفلوس بس لا انت ولا غيرك ياخذه

قلت على الأقل نرجعه قال انت شكلك ماتفهم ويمسكه ومع الباب ...

.........................................................................................................................

وش رايكم بتصرف ابو وليد ؟ + تعليقاتكم على السالفه + اسف لأني طولت عليكم

بس الي ذكرني بالهالسالفه اني رحت قبل كم يوم عند وليد واطلع ادور شوي

واناظر بيكي فيس يمشي بالشارع تخيلو ^ ^ قط شوارع بيكي فيس

بس عاد ما تأكدت اي درجه والي مو مصدق يروح الصحافه ويشوف بنفسه

ومع السلامه وعيدكم مبارك

[pomme]

هههههههههههههههههه
والله نذاله عاد قلنا يخاف على ولده بس مو جذي
أهم شي بيكي فيس سعره 7000 ريال في الشارع
(هذي لين تشوفه تقول 7000 تمشي في الشارع مو قطو)
ههههههههه
يعطيك العافية

وعيدك مبارك مقدما

[دلوعةقطوتي]

مع احترامي الشديد لولد خالتك بس اللي مو قد تربيه اي حيوان لاياخذه الله بيحاسبه عليه وبيحاسب ابوه اللي رمى القطو وانت مفروض اخذته وعرضته تبني فيه ناس تتمنى حيوان تربيه وهالقطو مدلع وشلون بيعيش في الشارع الله يرضى عليك روح اعطيه اكل ومويه وشيله ببوكس واعرضه تبني

[عاشق الببغاء الرمادي]

ولله لو منك اقوله ابغى اطلع من البيت بعدين روح بيعها وارجع قوله بعتها

[محب للكاسكو]

ههههههههههههههههههههه
ماقوول بس الا الله يهدي ابو وليد 7000 بالشارع والشي اللي يقهر حراام ينذب بالشارع عطه جيرانهم او احد يقربله او رجعه يمكن ياخذه واحد يهتم فيه ,,,
مشكوور يالغلا علا طرح القصة ,,.

[شفتك بعيني]

انا لوني محلك بسلك له بقوله هذا الباب ورح انطله واذا نطل القطو ودخل الشايب بطلع وبجيبه طبع هو ماراح يبعد


باخذ القطو وبفقع بيتنا

[ala7med]

خخخخخخخخخخخخخخخخخخخخخخخخخخخخخخخخخخخ

[مربية قطط]

حرااااااااام
ناس تتمنى يكون عندها قطو تربيه وتهتم فيه
وتصرف ابو وليد كان غلط على الاقل تبيعه او تعرضه للتبني
مع احترامي الشديد تصرفكم من البداية غلط

[Parrota]

خخخخخخخخحححح

طبعا حرام للي سواه ابو وليد .~
مع احترامي لك .~.~.~

[genan]

لاتزعل لانك طلبت راينا طيب ولدخالتك دلووع صراحه لو حاس بقيمه الفلوس الي مجمعها ريال على ريال كان عرف شلون يخاف عليه حتى من البرد ولا الحر عني وعن نفسي وكثير من اصحابي بالمنتدى وغير المنتدى اذا شافو اي قط او حيوان عجبهم يجمعون الفلوس او يتسلفونهاعشان يجبون هالحيوان ويجمعون او من مصروفهم الشخصي عشان ياعلاج يااكل ياتطعيم يا يايا........الخ الله يسامحه وحرام عليه والله لو قيمته ريال ليه يخليه بشارع مرمي كان بالمحل مرتاح وكل شي يجيه وناس بعدمستفيده وتلقح وتنتج منه ؟؟؟بقوه نرفززني هالموضوع وشكرا اخوي