تجربتي مع الكاسكو

[3badi_1]

السلام عليكم ورحمة الله وبركاته
أخواني اعضاء منتدى تو زو
هذا اول موضوع لي عباره تجربه في تربية وتدريب الكاسكو لإنه اول مره اربي فيها كاسكو واتمنى تتقبلوني
وبصراحه لما حبيت انقل تجربتي فضلت تكون في هذا المنتدى
واشكر الأخوان د. إحتـراف و ابو محمــد و سكر و بندولة حب (الله يعطيهم العافيه)
لأنهم وبكل صراحه لهم مكانتهم في هذا المنتدى وكنت متابع لهم واستفدت منهم كثييييير ولا يهونون باقي الأعضاء
اهم شي في التدريب يا اخواني الصبر ثم الصبر ثم الصير ثم السياسة
طبعا انا شريت الكاسكو من احد الأخوان في هذا المنتدى قبل 9 اشهر تقريبا وكان عمره وقتها 6 او 7 اشهر
والحمد لله خلال فتره 9 اشهر صار عنده اكثر من 12 كلمة وخرابيط كثير ماني فاهمها
الببغاء بشكل عام حسب ما قريب طائر عنيد شوي والقوه ما تجيب أي نتجيه معاه وعشان تكسب ثقة طائرك لازم تكون حنون معاه وتجنب تخويفه والصراخ عليه وضربه وإلا انسى انه يسمع كلامك
يعني كل ما كنت حنون هو راح يكون احن منك وكل ما كنت عنيد راح يكون اعند منك واعتقد هذي مشكلة كثير من اللي حاولوا التدريب وما نجحوا
حاول تتكلم معاه في كل وقت وبكل هدوء
تهيئة مكان هادئ جدا خلال فترة التدريب لتفادي تشتيت ذهنه وكل ما كان الكاسكو هادئ راح يكون مركز معاك ويتلقى منك الكلام والتدريب
اللي لاحظته يا اخوان بعض الحركات تكون خفيفه على الكاسكو وممكن يتعلمها من اول مره وما يتعبك عاد انت وحظك
وبعضها تطول وتطول وتطول المده يعني ردد يا ليل ما اطولك
وعشان يسمع كلامك اسرع شوف اكثر شي يحبه طائرك وخليه مكافأه له واطلب منه أي شي بهدوء راح يسويه وقتها كافأه بس لا تكثر
يعني مثلا لو يحب الفول السوداني لا تعطيه حبه اعطيه نص وكرر معاه نفس الحركه تلاقيه يستجيب لك اسرع
هذي نبذه بسيطه عن تجربتي تحتمل الصواب او الخطأ
الكلام عن الكاسكو يطول وحبيت يكون الموضوع الأول خفيف والموضوع الثاني راح انزل صور ومقاطع إن شاء الله
تقبلو تحياتي
اخوكم 3badi

[hgpvfd]

يشرفنا ان تشارك معنا في قسم الببغاوات ومشكور وكلمك كوله صحيح

اجمل التحيات مني

[عاشقة الظلام]

اهلا وسهلا فيك وسط اهلك وناسك
والف شكر لك على الموضوع الرائع

[الجناحي 10]

هلابك بين اخوانك وانشالله كلنا على يد وحده

وكلامك جميل

[fawzi]

حياك الله اخوي وسط اخوانك وتجربتك ان شاء الله الكل راح يستفيد منها

[m_jood]

شكرا ع‘ كلامــك الج‘ــميل

[عاشق الكوكتيييل]

الف شكر على الموضوع الرائع والكلمات الاروع

أخوك عاشق الكوكتيييل

[3badi_1]

اخواني
hgpvfd
عاشقة الظلام
الجناحي 10
fawzi
m_jood
عاشق الكوكتيييل
يعطيكم الف عافيه ويسعدني مروركم
وآسف على التأخير امس ما قدرت ادخل الموقع ,, اعتقد كان فيه مشكله

تحياتي

[foo_fee]

مشكور خيو ونتشرف انك تكون من اسرة 2ozoo
وان شاءالله نستفيد منك وتستفيد مننا وحياك في المنتدى مره ثانيه
اخوك:foo_fee

[3badi_1]

الله يحييك اخوي foo_fee
وتشرفنا بمرورك