سؤال عن كيفية شراء الببغاء من الخارج .. ارجو الدخول

[M7mD]

السلام عليكم يا جماعه ..

اذا احد يعرف كيفية جلب الببغاء من الخارج يعطينا المعلومات

واكون شاكر له لان الصراحه

قبل يومين رحت لسوق الحمام والصراحه سعر الفروخ الافريقي خيالي :s

من 200 الى 250 دينار كويتي


وبأنتظاركم

واذا في مواقع لبيع هاذه الشغلات عربيه ولا انجليزي اررجو الافاده وشكرا

[احب الأفريقي]

والله غاليه الفروخ الافريقيه انشاء الله تنزل اسعارها وانشاء الله يفيدوك الاخوان

[M7mD]

اي والله غاليه ومرتفعه هالايام حيل

يالله ان شاء الله تنزل مع الايام


وشكرا على مرورك

[أبو ريـــــــــــــان]

هلا بك أخوي صحيح ان الفروخ غالية هاليومين بس أنا توني شاري فرخ كاسيكو عمرة 6 شهور مروض وسعرة حلو مرة من البحرين من سوق الطيور بسوق واقف في مدينة حمد وجبتة معاي الخبر بطريقة حلوة وهي حطولي الطير في كرتون صغير فية فتحات للتهوية وحطيتة تحت السيت بالسيارة وعدا سلام سلام الله ستر وانصحك تروح تشتري من هناك ترا اسعارهم حلوة مرررررررررررررة

[M7mD]

والله خوش شي يابو ريان ...

ولكن بجم خذيته؟

ان شاء الله تفيدنا ؟؟

[أبو ريـــــــــــــان]

اسعار الكاسيكوات اللتي غير مروضة ما بين 40 إلى 50 دينار والمروضة مابين 90 إلى 100 دينار اما الطير اللي عندي اخذتة بقيمة 110 دينار لانة صغير ومروض , وإذا انك جيد بالمكاسر بالسعر بتشوف اسعار ارخص من كذا و بالتوفيق

[أبو ريـــــــــــــان]

اسعار الكاسيكوات اللتي غير مروضة ما بين 40 إلى 50 دينار والمروضة مابين 90 إلى 100 دينار اما الطير اللي عندي اخذتة بقيمة 110 دينار لانة صغير ومروض , وإذا انك جيد بالمكاسر بالسعر بتشوف اسعار ارخص من كذا و بالتوفيق

[محمد البحريني]

و عليكم السلام و رحمة الله و بركاته

اخوي محمد انا رأيي من راي ابو ريان ان تهرب الطير

و اذا انت كنت ناوي تشتري من البحرين احب اقولك انة جمارك البحرين يتساهلون لكن التشديد صاير بجمارك السعودية

و نصيحة لك اذا بتشتري من البحرين اخذ وياك واحد بحريني احسن

لان صاحب المحل من يجوفك خليجي بيرفع السعر

و تقبل مروري

[M7mD]

شكرا لكم اخواني

وولكن السؤال ؟؟

تهريب صعبه من البحرين للكويت راح يموت الطير:S

[أبو ريـــــــــــــان]

المشاركة الأصلية كتبت بواسطة M7mD

شكرا لكم اخواني

وولكن السؤال ؟؟

تهريب صعبه من البحرين للكويت راح يموت الطير:S

أخوي محمد لا تخاف على الطير إذا انت معزم تروح البحرين وبتاخذ لك طير أنا بعطيك طريقة حلوة تطمنك على طيرك طول الطريق وهي إذا شريتة قلهم يحطونة بكرتون صغير علشان يسهل عليك أن تحطة تحت السيت او اي مكان مخفي بالسيارة ولازم فية تهوية اوكية وحاول تاخذ معاك قفاز سميك . اكيد مستغرب من اخذ القفاز صح لا تستعجل بقولك , بعد ما تعدي بالطير إلى السعودية افتح الكرتون وخلي الطير يتهوى على كيفة بالسيت الوراني يمكن يطلع من الكرتون او يقعد يروح مني ومناك عادي خلة يستكشف على راحتة . ولما تقرب من جمارك الخفجي يجي وقت القفاز علشان تمسك الطير وتحطة بالكرتون مرة ثانية تدري ليش لان الطير مومتعود عليك ويمكن يعظك لو حاولت تمسكة صح ولا انا غلطان و بكذا تقدر توصل انت وطيرك إلى الكويت بصحة وسلام واقولك عليك بالعافية بعدها , أتمنى أني أكون حليت المشكلة , وآسف للإطالة وتقبلو تحياتي