سؤال عن وجود الحمام مع الدجاج ....

[m3n]

انا شريت ديك ودجاجة وكنت يومها مرة مستانس لين بديت اطفش منهم وخصوصاً ما في بيض لمدة شهر ونصف لين جيت يوم راجع من المدرسة حصلت بيضه وحمامتين وربي طرت من الفرحة لكن كنت مرة متعجب من دخول الحمام اللين عرفت اني انا وانا ادخل حب الدجاج للقفص بيدي يطيح منه شوي برا القفص ويجذب الحمام يقوم يطمع بالحب الزايد اللي داخل القفص وصار يدخل من تحت باب القفص وما يعرف يخرج اللين جا يوم و يمين بالله 12 حمامه بس عرفو طريق الخروج بعدين صارو 6
انا حقيقة في البداية لمن ما كانت تبيض الدجاجة شكيت انه الديك والدجاجة يا انهم ما ولفو على بعض او انهم خايفين على كلام واحد الله يستر عليه انه الدجاج اذا كان خايف يطيح البيض من الخوف وهو باقي ما تكون بداخل الدجاجة فحسيت يوم دخل الحمام صار مرتاح وما يخاف واللحين حمد لله 13 بيضة موجودة تقريبا جت في ما يقارب 26 يوم كل يومين بيضة عاد شكلو البيض القديم فسد الله يعين وحاليا الدجاجة نايمة لها يومين يعني انشاء الله بإذن الله 19 يوم باقي على الكتاكيت

بس عندي سؤال كيف ممكن اسوي بيت مناسب للحمام عشان يحطون البيض فيه ؟؟؟ وهل وجود الحمام في قفص دجاج يكفي انهم يكونو مرتاحين ويجيبو بيض والنوع اللي داخل القفص حاليا يطلق عليه (قمري ) ؟؟وخصوصا انه ما عندي خبرة في الحمام .... ومشكور مقدماً وجزاكم الله الف خير.
وانشاء الله اذا طلعو الكتاكيت بحط صورهم ....

[i! سآهي !i]

كيف ممكن اسوي بيت مناسب للحمام عشان يحطون البيض فيه ؟؟؟

الحمام ممكن تحط له اي علبه كبيره تكون بيت ..
او تحط له بـرميل بـويه مقاس وسط و يكون نظيف من داخل ..

هل وجود الحمام في قفص دجاج يكفي انهم يكونو مرتاحين ويجيبو بيض

مافيه اي مشكلة اخوي ..

والنوع اللي داخل القفص حاليا يطلق عليه (قمري ) ؟؟

هذا النوع بـرّي و صعب انتاجه في المزارع او اي مكان
لاكن اذا توفر له المكان المناسب بإذن الله تشوف الفروخ ..

وانشاء الله اذا طلعو الكتاكيت بحط صورهم ....

ننتـظر الكتـاكيـتَ ..

[m3n]

مشكور اخوي ساهي وما تقصر لكن ما فهمت شلون ازين بيت كويس برميل بوية علبة يريت توضحلي اكثر شوي ووين احطهم وكم علبة اجيب مثلا ووش احط بداخلها ومشكور مقدماً

[i! سآهي !i]

المشاركة الأصلية كتبت بواسطة m3n

مشكور اخوي ساهي وما تقصر لكن ما فهمت شلون ازين بيت كويس برميل بوية علبة يريت توضحلي اكثر شوي ووين احطهم وكم علبة اجيب مثلا ووش احط بداخلها ومشكور مقدماً

شوف خيـو ..
يعني جيب لك برميل بويه مستعمل ..
لاكن نظيف مع الداخل .. و ارفعه في مكان مرتفع ..
و اذا بتحط فيه شيء .. خلي بداخله " قش " (تبن)

او خليه فاضي و ارمي لهم التبن في الارض .. وهم راح ياخذونه
و يسوون لهم فيه بيت ..

اما كم برميل .. ماهو شرط العدد اهم شيء

كافي للحمام .. طبعاً طريقة البراميل انا استخدمها
حالياً للحمام لاكن للحمام " الفرنسي و البلدي و الانواع الثانيه "

[! هاويه الطيور !]

ماقصر اخونااا ~ i! سآهي !i

::

الدجاجة نايمة لها يومين يعني انشاء الله بإذن الله 19 يوم باقي على الكتاكيت

وإن شاء الله تجد الكتاكيت
لكن مو بشرط تعد الايام ويمكن تتاخر او تتاقدم


ولاتترك الدجاج مع الحمام بقفص واحد
لانه الدجاج ياكل بيض الحمام

[m3n]

مشكور اخوي ساهي وما قصرت وانشاء الله حبادر بفعل الفكرة
لكن اللحين صادفتني مشكلة جديدة انه الديك كما كنت اتوقع انه ما حيقدر يصبر 21 يوم من دون دجاجة فا حصلته فاليومين الاخيرة بيستغل جلوس الدجاجة على البيض ويمارس معاها واحس انه الدجاجة مضااايقة منه مع العلم انه محل الدجاج جدا بعيد عني لو كان قريب كنت دفيتله وحدة يمشي حاله فيها المهم اللحين سمعت معلومة تقول لمن يجو الصيصان انشاء الله اشيلهم عشان الدجاجة حترعاهم وتترك الديك وبذلك حيزعل الديك وبيضرب بعياله وهل لو شلت الصيصان حيمارس الديك والدجاجة حياتهم اليومية وبحصل البيض في وقت قريب او يتأخر واذا كان الحل بإبعاد الصيصان فكيف بربيهم وما هو الغذاء المناسب ,...
ومشكور مقدماً .....
وجزاكم الله الف خيرا

[! هاويه الطيور !]

منو قالك مايصبر ! منو عطاك هالمعلومه الخطاا !
عادي مو مشكله يعيش بروحه وبدون دجاج معاه

بيستغل جلوس الدجاجة على البيض ويمارس معاها واحس انه الدجاجة مضااايقة منه

بما الديك تمادى اكثر راح يخرب على جلوس الدجاجه ولا راح يخرج صيصان
راح يستمر بمضايقاتها والحل عزل الديك بحيث لايصل الى الدجاجه

لمن يجو الصيصان انشاء الله اشيلهم عشان الدجاجة حترعاهم وتترك الديك وبذلك حيزعل الديك وبيضرب بعياله وهل لو شلت الصيصان حيمارس الديك والدجاجة حياتهم اليومية

ان شاء الله اذا طلعو الصيصان تعزل الدجاجه وصغارها

مو شرط الديك الي يضرب الصغار حتى الدجاج الاخرى راح تسبب مشكله مع الام والصغارها
لازم تعزلها بعيد عنهم بمكان خاص

ملاحظه ! لو عزل الصيصان وتركت الدجاجه مره اخرى مع الديك !
هذا راح يسبب لها الاجهاد

لانه حظانه البيض 21 يوم + منعها من الطعام والشراب وتقلل منها ووزنها ناقص لما يكون لديها صغار تعوض النقص الي نقصته خلال الايام الي جلست فيها لما يكبر الصغار لمده اشهرين او اكثر تقدر الدجاجه مره اخرى بالوضع البيض من جديد

واذا كان الحل بإبعاد الصيصان فكيف بربيهم وما هو الغذاء المناسب ,...

نصيحه مني لاتبعد
السبب :

الام مراح تتركهم ولا الصغار وراح تلاحظ الهم تحاول جاهده الدخول لمكان صغارها لو عزلتهم وبجذي راح ترهقها
لاتنسى هذي الامومه وكيف تحرمها منهاا ..


اكل الصيصان
الذره المطحون الي يبعا للدجاج اللاحم

[m3n]

مشكوووووور اختي هاوية وما تقصرين
وانا قصدي انه الديك ما يقدر يستحمل 21 يوم خصوصاً انه هو من اكثر الحيوانات شهوة** عشان كذا بيسوي حاليا مع دجاجتي المسكينة المحتضنه للبيض
كثير من الناس قالولي ارمي دجاجة ثانية معاهم وبتنتهي المشكلة ممكن يخفف عليا حل عزل الديك لاني احسها صعبة شوي
وانشاء الله بحاول اجيب الدجاجة الثانية قبل يوم 7 / 3 وهو موعد فقص بيض دجاجتي العزيزة
شكلها بتزعل يوم اجيب الثانية خخخخ

[m3n]

ياارب يارب يطلعون الصيصان اليوم جيت واحصل بيضة بعيدة عن العش لوحدها قرب الماي ما ادري كيف طلعت من العش ويوم جيت اردها وقامت الدجاجة من البيض حصلت بيضة مكسورة وحصلت الديك يضرب فيها وبعد الدجاجة كمان تضرب فيها لين هدو الوضع ورجعت نامت فوق البيض واحدى البيضات اختفت تماماً لا ندري عنها لا حس ولا خبر اللحين 12 بيضة وبيضة مكسورة الله يستر ,...
يارب ابي اشوف لو واحد فيهم اللحين هي في اليوم ال 17 بقي على الولادة الطبيعة 4 ايامادعولي ,...

[m3n]

لاتقل يارب عندي هم كبير بل قل ياهم عندي رب كبير