تم شراء رووميووو لجولييتي ((صور))

[آيس موكا]

بحكم الاختبارات وانا ما افضى للنت كثير فا رحت شريت الروميو حق عصفورتي عشان افتك مره وحده

وشوفوا الصور وعطوني رايكم فيه

شريته ب60 ريال بعد المكاسر والمهاوش وكل شي

هذي الصور وان شاء الله يعجبكم وعطوني رايكم فيه تكفون















الف مبروووك للعروسيين



هذا قفص الاحلام



خذوا على بعض على طووول









لاتحرمونا اراءكم واقتراحاتكم وملاحظاتكم تكفووون

[ابو عبدالله**]

اتشرف باني اول من يرد عليك
الله يخليهم لك ويحفضهم
بالتوفيق

[Qatar535]

ماشاء الله حلوين وجاهزين للتزاوج لو كان في بالك التفريخ ...

وهذا الطير أخوي أسمه بادجي وليس بطيور الحب ...

[love bird]

حطلهم بياضة من برع القفص بالتوفيق

[آيس موكا]

الله يهديه الهندي لعب علي وقال طيور حب هههه
المشكله لما جيته مره ثانيه اخذ الذكر قلت له هذا مو طيور حب هذا بادجي يقول لا هازا طيور هب
انا صراحه نويت التفريخ حسيت فيه حماس ههههه
العامل قال لي خلهم شهر يلعبون مع بعض بعدين اشتر قفص كبير فيه بياضه وان شاء الله يتزاوجون
بس يقول مو الحين اصبر شهر بعدين يتزاوجون

[صمت الأمل]

لاتصدق أبو وجهين ذا الهندي .. خخخخ..


شهر يلعبون مع بعض ؟؟ يمكن قصدة يلعبون على بعض .. وش بيلعبون حبشة؟؟؟


معليش بس والله الهندي قااااهرنيييي .. ماعندة سالفه ويتفلسف .


شف هالرابط عن أهم المواضيع عن البادجي :



http://www.2zoo.com/vb/showthread.php?t=99867



بس والله الجوز اللي عندك غريب ..!! الذكر بدون اللحية والأنثى هي اللي بلحيتها .


عادي تصير بس أول مرة أشوفهم ..


بالنسبة للي قال لك أحس ان الأنثى مريضة .. أنا حسيت انها مختلفة شوي بعد .. بس موب مرض ..

بعد البحث عرفت انه عمرها كبير شوي بس .. بس جاهزة للتزاوج ..


شوف هذا الرابط حلو .


http://www.2zoo.com/vb/showthread.php?t=136463



بالتوفيق وان شاء الله تتهنى فيهم وتشوف عيالهم .. بس موب توزعهم على طول ..خخخ . أصبر ليين يطلعون من العش بعد شهر ونص أو أكثر .


وأي أسأله ثانيه ان شاء الله حاضرين بس حطها في قسم البادجي .

[xkiller]

طيور سليمة و مستعدة للتزاوج.ما عليك أخي سوى توفير عش و قفص مناسبين و توفير الهدوء اللازم و الأغذية المحفزة على التزاوج.و إن شاء الله تشوف فروخهم في أقرب وقت.و لو حطيته في قسم البادجي بكون أحسن.فهناك يتواجد خبراء هذا الطائر و حيفيدوك إن شاء الله.

[مـحـمـاس الـمـنـحـاس]

طيوور رووعه ماشاء الله
وجاهزين للأنتاج
الله يفرحك بعيالهم في اقرب وقت انشاء الله

انا عندي ملاحظه عن كلامكم عن الهندي
للأسف الشديد في جميع اسواقنا المحليه يعرف البادجي بطير الحب وقليل اللي يسمونه بادجي وهدا الدارج والمتعارف عليه عند اكثر تجار ومربين الطيورعندنا

[آيس موكا]

جزاااااكم الله خييير والله ماقصرتوا
يعني افهم من كلامكم انه احط لهم قفص كبير وعش مايحتاج اصبر..!
ان شاء الله اذا خلصنا اختباراتنا ورجعت للرياض شريت من هناك
يعطيكم العافيه

[ابو سفر]

ماشاء الله

عسولييين