سبيرو غاب ورجع لكم بكم سؤااال؟؟!

[سبيرو]

السلام عليكم ورحمه الله وبركاته..

اخباركم..انشالله بخير ..

اول شي اتاسف على الغياب لضروف خاصه وسامحوني..

ثانيا انا عندي كم سؤال محيريني وانشالله يستفيد غيري..

انا اعاني من نتف الريش للببغاء مو بشكل كبير بس توه بادي شكله اشوف والله تحته ريش كثير شوي هل هو هذا وقت استبدال الريش للببغاء مع علمكم باني قليل اروشه لانه ماينطاق يغثني يعض وحاله وش العلاج لاتقولون ماء البحر لان ماحولي بحر؟؟

2_ببغاي علمته كلمه بابا لفتره ثم قطعته عن التدريب لظروف وبعد ماقطعته بأسبوع قعد يقول بابا لكن تحس انه ماتكلم يعني كانه تصفيره قريبه لبابا بس الي يسمعه كانه يقول بابا بس مو مثل الببغاوات يتكلمون بوضوح؟؟وش الحل وجيبو لي كم كلمه سهله النطق للببغاء؟؟


وبس وآسف على التاخير ..

مع السلامه..

[Mr. MeMo]

اخي سبيرو


حياك الله و رجعه بلا قطعه انشاء الله و لاتقطع مره ثانيه اخر مره لك :d

بالنسبه لنتف الريش الله يعينك بس حاول قدر المستطاع ان الموضوع مايزيد يعني تدارك الموضوع من اوله حاول تسوي النقاط الاتيه و ربك يسهل :

1- الترويش الشبه يومي ( بخاخ ماي ) حق الكوي مو لازم تروشه في الحمام ما راح يعضك بما فاتر
و انتبه من ان يكون التكيف شغال.

2- توفير اللعاب بشكل سريع جدا ووضع بعض الاغصان الطريه في القفص

3- نقطه مهمه جدا بان لا يلاحظ ببغائك ان نتف ريش يضايقك ولا راح يقرع عشان يلفت انتباهك و تهتم فيه

4- التنويع في الطعام وبالاخص الكالسيوم لانه احتمال تكون المشكله نقص في الفيتمينات و الكالسيوم

بالنسبه للكلام تحتاج صبر شوي بس كلمه الله سهله جدا و حاول انك تعلمه كلمه مع رابط معين

و الله يوفقك و ارجو من الاخوان وضع المزيد من الحلول

[الرحال2222]

بالنسبة للريش هل هو ريش عادي او صغير ومنفوش مثل الزغب لان اللي عندي عباء الغرفة منة دايم القاة يزيلة من تحت الريش الطبيعي
وقريت بموضوع انة طبيعي يغيرة في الصيف وتكون هذا الطبقة مثل العازل من البرد وترجع بالشتاء