اشترك في نشرتنا البريدية ليصلك كل جديد

وهيبان · 28-09-2009, 06:57 PM

السلامــ عليكمـــ

عندي أكثر من استفسار
فيه منها صحي وفيه منها غذائي وفيه منها عائلي خخخخخخ حلوة عائلي
يمكن بتقولون فيه مواضيع مثبته عن هالشي لكن
اللي انكتب قديم يعني تجربة قديمة وأنا أبي تجاربكم الجديدة لأنها تهمني
وخاصة من الأعضاء الكباااااار الخبراااااااااااء واللي ماعنده معلومة عن تجربة او خبرة يقول ما ادري
لان من قال لا ادري فقد أفتى

عموما هذي هي الاستفسارات

1) - عندي كروان ذكر مع أنثاه بقفص وبياضتهم معهم
من فترة قريبة بس حطيتهم مع بعض , الكروان الذكر نشيط ويغرد حتى يمارس واجباته الزوجية خخخخخخخ
بس لاحظت على برازه (أعزكم الله) ماااااء .. يعني إسهال
وش علاجه ؟ وهل يأثر على الإنتاج؟ وهل يأثرعلى الأنثى ؟

2) - أعطيتهم أول وجبة بيض بالبقسماط .. وضعتها الفجر و شلتها عنهم العصر
السؤال : متى أعطيهم الوجبة اللي بعدها ؟ وهل تغني عن عظمة الحبار ؟

3) - اذا شفت الذكر يطلع فوق الانثى فهل هذا دليل على تآلفهم أولاً , ويدل على ان الانثى
تحمل في أحشائها بيض سوف تنتظر قدومه ؟؟

4) - من اسبوع تقريبا وانا اسمع كروان عندي يدفع هواء من فتحات خشمه بصورة متكررة يعني يسويها اكثر من مرة في وقت واحد ...
هل هذا هو العطاس ؟؟؟ وهل الثوم علاج له ؟؟

ومشكوووورين جعلكم تسلمون

fares16 · 28-09-2009, 08:17 PM

1) - عندي كروان ذكر مع أنثاه بقفص وبياضتهم معهم
من فترة قريبة بس حطيتهم مع بعض , الكروان الذكر نشيط ويغرد حتى يمارس واجباته الزوجية خخخخخخخ
بس لاحظت على برازه (أعزكم الله) ماااااء .. يعني إسهال
وش علاجه ؟ وهل يأثر على الإنتاج؟ وهل يأثرعلى الأنثى ؟

ممكن الاسهال ينتقل الى الانثى

لاكن نصيحتي اعطيه شاهي

بارد مو تعطيهم حار

والشاهي مفيد للاسها ولاتكثر منه

2) - أعطيتهم أول وجبة بيض بالبقسماط .. وضعتها الفجر و شلتها عنهم العصر
السؤال : متى أعطيهم الوجبة اللي بعدها ؟ وهل تغني عن عظمة الحبار ؟

مفروض البيض بالبقسماط ينحط 4 الى 6 ساعات

كثرثه بيتخمر ويأذي الطير

وانت حطلهم حب الشمي واكلهم المعتاد على طول وكل مايجوع بيجي ياك ل الكوكتيل

3) - اذا شفت الذكر يطلع فوق الانثى فهل هذا دليل على تآلفهم أولاً , ويدل على ان الانثى
تحمل في أحشائها بيض سوف تنتظر قدومه ؟؟

ايوة ياغالي

لاكن امن لهم الهدوء والراحه والاكل والماء وعمظة المحار

4) - من اسبوع تقريبا وانا اسمع كروان عندي يدفع هواء من فتحات خشمه بصورة متكررة يعني يسويها اكثر من مرة في وقت واحد ...
هل هذا هو العطاس ؟؟؟ وهل الثوم علاج له ؟؟

حاول تمسح خشمه بي قطنه فيها موية دافيه

الأسد الملك · 28-09-2009, 08:50 PM

1وعليكم السلام ورحمة الله وبركاتهـ

) - عندي كروان ذكر مع أنثاه بقفص وبياضتهم معهم
من فترة قريبة بس حطيتهم مع بعض , الكروان الذكر نشيط ويغرد حتى يمارس واجباته الزوجية خخخخخخخ
بس لاحظت على برازه (أعزكم الله) ماااااء .. يعني إسهال
وش علاجه ؟ وهل يأثر على الإنتاج؟ وهل يأثرعلى الأنثى ؟

وش لون الاسهال اذا كان شفاف فهذا شي طبيعي

وقد يكون في الافراط في شرب الماء وهذا شي طبيعي فيقوم الجسم بالتخلص منه

ومثل ماقال الاخ تحط لهم شاهي بس عندي ملاحظه على كلام الاخ

يحط الشاهي بماء الطير عشان يشربه

3) - اذا شفت الذكر يطلع فوق الانثى فهل هذا دليل على تآلفهم أولاً , ويدل على ان الانثى
تحمل في أحشائها بيض سوف تنتظر قدومه ؟؟

في بعض الاحيان اذا كان الذكر فوق الانثى يمكن يضربها مايلقحها يعني كل ماتحركت اعطاها ضربه

يمكن يكون يضربها انت لحظ هذا الشي اما اذا كان يلقحها فأنهم متوالفين اكيد

وراح انزل مقطع ان شاء الله للكروان وهو يلقح الانثى لتوضيح كلامي

4) - من اسبوع تقريبا وانا اسمع كروان عندي يدفع هواء من فتحات خشمه بصورة متكررة يعني يسويها اكثر من مرة في وقت واحد ...
هل هذا هو العطاس ؟؟؟ وهل الثوم علاج له ؟؟

اذا كان فيه افراز من الانف استعمل علاج زيرتك 1 سم مره واحد باليوم لمدة 4 ايام

اما اذا كان عطس فقط بدون اي افرازات هذا عادي بس حطها بمكان دافئ وتتحسن ان شاء الله

وبأمكانك استعمال الثوم باليمون لأنه يعالج العديد من الامراض

واغلب المربين يعطون طيورهم الثوم باليمون لأنه يحمي طيورهم من الامراض والحامي الله بس تقوي المناعه

وبالتوفيق عزيزي وهيبان

iCare · 28-09-2009, 09:06 PM

1- يمكنك استخدام الادوية البشرية للاسهال مثل الفلاجيل لمدة 5 ايام او مثل ما قالوا الشباب الشاي قابض للمعدة و يوقف الاسهال ...

2- اعطيهم مرة كل 4 أيام , الإكثار منه ممكن يسبب إسهال , و لازم تعمنع الطير المسهول عن هالوجبه لأنها تزيد الاسهال الين يتعافى كليا

3- لأ , المؤشر للتوالف التام و قرب وضع البيض دخول الانثى للعش بشكل متكرر و دخول الذكر ايضا

4-شلون يضخ هواء من خشمه ؟ تقصد منقاره يعني او فتحات الانف ؟
الثوم بالليمون يعتبر مضاد حيوي للوقاية من امراض كثيرة و لرفع المناعة

وهيبان · 29-09-2009, 01:04 PM

اقتباس:

ممكن الاسهال ينتقل الى الانثى
لاكن نصيحتي اعطيه شاهي
بارد مو تعطيهم حار
والشاهي مفيد للاسها ولاتكثر منه

الله يستر لاينتقل للانثى ان شاء الله ماينتقل
كيف أعطيه الشاهي .. متى؟ و كم مرة اعطيه بالاسبوع ؟

اقتباس:

مفروض البيض بالبقسماط ينحط 4 الى 6 ساعات
كثرثه بيتخمر ويأذي الطير
وانت حطلهم حب الشمي واكلهم المعتاد على طول وكل مايجوع بيجي ياك ل الكوكتيل

اها اوكي ما اخليه يطول ... لكن مشكلة طيوري اذا فيه حبوب مستحيل ياكلون غيره
فأنا اشيل الحبوب واحط بدالها الخلطة واذا شلتها احط الحبوب

اقتباس:

لاكن امن لهم الهدوء والراحه والاكل والماء وعمظة المحار

قصدك عظمة الحبار !!

اقتباس:

حاول تمسح خشمه بي قطنه فيها موية دافيه

الله يعين .. طيري شرس .. لكن هل تقصد ان فتحات خشمه مسدوده!؟

مشكووور على ردك و اهتمامك

وهيبان · 29-09-2009, 03:00 PM

اقتباس:

وش لون الاسهال اذا كان شفاف فهذا شي طبيعي
وقد يكون في الافراط في شرب الماء وهذا شي طبيعي فيقوم الجسم بالتخلص منه
ومثل ماقال الاخ تحط لهم شاهي بس عندي ملاحظه على كلام الاخ
يحط الشاهي بماء الطير عشان يشربه

اغلبه شفاف واحيان اخضر .. يعني احط شاهي شوي من ورق تلقيمة في موية الطير
ولا احط الشاهي اللي نشرب بدل الماء اللي يشربه الطير وضحوا تكفون !!

اقتباس:

في بعض الاحيان اذا كان الذكر فوق الانثى يمكن يضربها مايلقحها يعني كل ماتحركت اعطاها ضربه
يمكن يكون يضربها انت لحظ هذا الشي اما اذا كان يلقحها فأنهم متوالفين اكيد
وراح انزل مقطع ان شاء الله للكروان وهو يلقح الانثى لتوضيح كلامي

لا لا ما يضربها الا اذا رفضت انه يطلع فوقها يعطيها نقره ... ويدخلون البياضة بعد

اقتباس:

اذا كان فيه افراز من الانف استعمل علاج زيرتك 1 سم مره واحد باليوم لمدة 4 ايام
اما اذا كان عطس فقط بدون اي افرازات هذا عادي بس حطها بمكان دافئ وتتحسن ان شاء الله
وبأمكانك استعمال الثوم باليمون لأنه يعالج العديد من الامراض
واغلب المربين يعطون طيورهم الثوم باليمون لأنه يحمي طيورهم من الامراض والحامي الله بس تقوي المناعه

لا ما شفت اي افرازات ... ابحط له ليمون وثوم ويصير خير

اقتباس:

وبالتوفيق عزيزي وهيبان

تسلم يا كينق

ومشكووووووووووووور الف على تواصلك وردك واهتمامك
وان شاء الله ما نعدم هالطلة

وهيبان · 29-09-2009, 03:10 PM

اقتباس:

- يمكنك استخدام الادوية البشرية للاسهال مثل الفلاجيل لمدة 5 ايام او مثل ما قالوا الشباب الشاي قابض للمعدة و يوقف الاسهال ...

مشكور على المعلومة ... والشاي سيتم تجربته
ولو ان معلوماتكم ووصفتكم الطبية ماتتسم بالتفاصيل وهذا عتبي عليكم

اقتباس:

2- اعطيهم مرة كل 4 أيام , الإكثار منه ممكن يسبب إسهال , و لازم تعمنع الطير المسهول عن هالوجبه لأنها تزيد الاسهال الين يتعافى كليا

هذي معلومة حلوة كل اربع ايام اوككككي

اقتباس:

3- لأ , المؤشر للتوالف التام و قرب وضع البيض دخول الانثى للعش بشكل متكرر و دخول الذكر ايضا

أبشرك أجل يدخلون حالياً ... اذن متوالفين

اقتباس:

4-شلون يضخ هواء من خشمه ؟ تقصد منقاره يعني او فتحات الانف ؟
الثوم بالليمون يعتبر مضاد حيوي للوقاية من امراض كثيرة و لرفع المناعة

من فتحات الانف ... يدفع هواء وبشكل متكرر
ان شاء الله يفيد معه الليمون والثوم

iCare
ألف شكر على اهتمامك واجاباتك

iCare · 29-09-2009, 03:18 PM

بخصوص الشاي , الشاي بدون سكر تحطه مخفف بالماء
و اما الفلاجيل فيكفي 2-4 ملي للمشربية الصغيرة مع الشاي او الماي

و بخصوص الثوم بالليمون فانت تهرس فص ثوم كاملو تخلطه مع لتر ماي و تخلط معه ملعقتين عصير ليمون .. بعد كذا بصفي الماي من الياف الثوم و تقدمه للطير , لمدة 5 أيام للطير المصاب .... اما الطير الغير مصاب فمرة بالاسبوع راح ترفع مناعته ولا تكثر معه .......
و أعتقد راح يغنيك عن الشاي و الادوية الثانية

هذي علشان التفصيل ... تحية

وهيبان · 29-09-2009, 11:29 PM

تسلم على التفاصيل
ايوه هيك بدياك خخخخخخخ