تطورات فى حياة دودي

[houston]

السلام عليكم ورحمه الله وبركاته
امس وديت دودي لمحل طيور وقصص جنحانه واضافيره .. واشترينا له لعبه ( اول لعبة فى حياته ) تعويضا عن المعاناه اللى مر فيها
الحين هو خايف من اللعبه .. ومايتحرك .. ولما فتحت له باب القفص سكت شوى .. وقام يصفر (يعنى ياهوووه .. تعالوا نسيتوا الباب مفتوح ) ومن جلس ربع ساعه نط ذيك النطه من القفص على الارض < والله من mbc2 اللى يتابعها
المهم خليته وحاول يرفرف بجنحانه يبى يطير .. ماقدر
المهم استسلم للامر الواقع وجا تحت قفصه وجلس .. ونزلت له القفص قلت يمكن يبى يرجع ولا يبى ياخذ شى من بيته ..
الحين هو لابد تحت الطاوله .. وانا جيته وعطيته فول سودانى .. واخذ
سؤالى اللى يطرح نفسه ..
شنو الخطوه الثانية .. الطير خايف .. ومايبى احد يقربه .؟؟؟؟
علما انه ياكل من يدى وهو فالقفص .. ومرات يطرد يدى ويرمى الاكل
وهذى صور من قلب الحدث



وهذى صوره اللعبه اللى اشتريناها له هدية بمناسبه قص جناحه صج ب15 ريال بس الهدية بقيمتها المعنوية

[كاجو]

هههههههه

شكله حليوه ويضحك ..

تدري ليش مايبي القفص لأنه خايف من اللعبه ،،،

عادي شيل اللعبه وخليه يدخل القفص وبعدين أرجع حطها لما يدخل القفص ،،

يحتاج يوم أو يومين ويتأقلم عليها كل الببغاوات كذا في البدايه مع الالعاب..

.

[houston]

جزاك الله خير كاجو ... طمنتنى
ولا ماتسوى علينا خساره 15 هههههههه والاخير مايبيها

[سكر]

هههههههه والله مو منه



بيني وبينك العصا اللي جالس عليها تحت الطاولة مريحه أكثر من العصا النحيفة البلاستك اللي في القفص

خليه مكانه حلوو ليه ترجعيه للقفص؟


خلي القفص مفتوح من فوق وحطي الأكل له بشكل طبيعي وهو بيتعلم انه يطلع وياكل ويرجع,,,

بس لا تراقبيه خليه في حاله

إذا مصرة إنك تدخليه في القفص,,, حطي القفص في مكان أعلى من الطاولة,,

واقلبي الطاولة وقربيها من القفص

وانتظري شوي وبيطلع عليه بإذن الله,,

تحياتي

[houston]

المشاركة الأصلية كتبت بواسطة سكر

هههههههه والله مو منه



بيني وبينك العصا اللي جالس عليها تحت الطاولة مريحه أكثر من العصا النحيفة البلاستك اللي في القفص

خليه مكانه حلوو ليه ترجعيه للقفص؟


خلي القفص مفتوح من فوق وحطي الأكل له بشكل طبيعي وهو بيتعلم انه يطلع وياكل ويرجع,,,

بس لا تراقبيه خليه في حاله

إذا مصرة إنك تدخليه في القفص,,, حطي القفص في مكان أعلى من الطاولة,,

واقلبي الطاولة وقربيها من القفص

وانتظري شوي وبيطلع عليه بإذن الله,,

تحياتي

جزاك الله خير سكر
بالفعل قربت الطاوله وقلبتها له وجلس بس ظل طول اليوم من غير اكل .. من جد كسر خاطرى كل شوى يحاول يجرب يطير ..واخر الليل امس عطيته فول واخذ واكل بعد ما رماه اكثر من مره
واليوم الصبح فتحت له الباب بس مارضى يطلع
جالس يطالع من داخل ..

[houston]

الحين يومين من طلعته من القفص
وصاير يوقف على الستاند .. وعلى القفص من فوق
وصار يدخل ويطلع من قفصه
بس يرجع للفقص ويقعد يتفرج من الباب .. < مدرى ليش

وهذى بعض الصور




مستانس يتفرج من باب القفص

[houston]

حياكم الله مع تقرير جديد وتطورات
مع دودى باشا

الحمدلله صرت امسكه بالمشفه مثل طريقه اخونا سكر < قريت موضوع فتفوته وقلت خلنى اجرب وبالفعل فالبدايه من افكه ينحاش على القفص على طول والحين لا احسه يطالعلى بطرف عينه ويقول ( متى بتخلصين )
ومن افك المنشفه امسح على جسمه كله
وخف صياحه بشكل كبير
وصار يحب يلعب .. وذاك اليوم طبق على اصبعى يبى يعضه بس ماعضه ..< يعنى بيخوفنى

[زياد محمد]

هلا آخوي
حتى طيري والله آول مآشريتله لعَبة وحطيتها ..؟
خآف منها ويصفر لها من بعَيد خآيف منها هههههه
الامر طبيعي

[houston]

المشاركة الأصلية كتبت بواسطة زياد محمد

هلا آخوي

حتى طيري والله آول مآشريتله لعَبة وحطيتها ..؟


خآف منها ويصفر لها من بعَيد خآيف منها هههههه

الامر طبيعي

صادق اخوى زياد ..
شكلها اول لعبه واخر لعبه هههههههههههههه مدام خاف منها

[ابو عـبـد الرحمن]

انا والله ودي بلعبه بس مدري وين تنلقا وعطيه انا عود خشبي خق الاسكريم وعضض فيه يا الغالين وعلموني وين تنباع