اشترك في نشرتنا البريدية ليصلك كل جديد

~~عروس الجليل~~ · 13-02-2009, 01:02 AM

عندك سلحفاة برية وما عندك كتيير معلومات كافيه لتتعامل معها؟؟ حابب تعتني فيها وتربيها من دون متخسرها؟؟ هايا ارشادات اساسيه ومختصره لكل مبتدئ هاوي بيحب يربي سلاحف برية..
,,

1) العناية والاكل:
- بشكل عام السلحفاة البرية نباتيه تاكل الخضروات والفواكه والنباتات وحتى الحشرات الميته.
- سلحفاة فقست جديد بتاكل بس الخس واوراق النباتات الطرية, لانو هادا الاكل الوحيد اللي بتهضمو منيح.
- سلحفاة بالغة اكبر بالعمر ممكن انها تتاكل انواع مختلفه من الاكل ( متل البيتسا ..)
- السلاحف الكبيره تاكل الحلزونات الصغيره.
- بلع الحجارة الصغيره والبحص/ الحصى بتساعد على هضم الاكل بالمعده.
- سلحفاة باي جيل كانت لازم تاكل حتى الشبع.
- مفضل انو تنوعلها الاكل مره او مرتين خلال الاسبوع.
- ممنوع انو اتضل السلحفاه بالجوع.
- ممكن ما تشرب مي ادا اخدتو عن طريق الخضار.
- ادا ما انهت اكلها لازم تزيل البواقي وتحاول انو تقدملها الكمية اللي هي بتحتاجها.
- على طول لازم يكون معها بالمربي وجبه متوفره زياده بحال ادا شعرت بالجوع.
- بفصل الصيف, تعملها حمام وتسبحهاحتى لو مره بالاسبوع ليمتص جسمها كميه مي ويبللو من الحر, بشرط عمق المي يكون تحت مستوى فمها.
- ازالة القراد عن جسم السلحفاة بشكل مستمر بادويه خاصه ( او بملقط للحواجب)
- وقوع السلحفاة من مكان عالي ممكن يؤدي لموتها بعد باكمن يوم ( حتى لو ما بين جروح).

2) المربى:
- مفض ان يكون بالحديقه عالارض ومش بالقفص.
- ادا ما في حديقة بتستعمل صندوق بلاستيك/ خشب كبيير.
- ارضية المربى تراب ونباباتات طبيعيه.
- مفضل انو ما تحط السلحفاة مع رمل او جرايد لانو بيضايقها وبيؤذيها.
- ادا كان المرب جوات البيت لازم تستعمل لامبة للزواحف uv اللي بتعوض عن اشعة الشمس, لانو السلاحف وكل الزواحف بيحتاجو لاشعة الشمس ليتطور جسمهن.
- بالمربى لازم يكون مخبى لتتخبى فيو السلحفاه, وفتحات لتفوت فيها وتنام.
- ادا كان المربى بالحديقة برات البيت يكون في مكان مظلل لتحتمي تحتو السلحفاه من اشعة الشمس والحر.
- ادا كان المربى من خشب او بلاستيك تغطيه بشبكه ليهجمو عليهن الطيور والحيوانات.

* امكانيات مرابي/بيوت سلاحف خارجية:

* امكانيات لمرابي داخلية:

3) التزاوج في المربى:
- ما في ايا مشكلة انو السلاحف تتزاوج بالمربى ادا وفرتلهن الشروط الملائمة.
- فترة التزاوج بتبدا بفصل الربيع وبتستمر لاخر فصل الصيف.
- بعد التزاوج الانثى بتحفر بارضيه طريه 10 سم بوتبيض فيها 2-6 بيضات.
- البيض بيفقس ببداية فصل الخريف.
(استنو مني موضوع عن التزاوج عند السلاحف البرية)

4) امراض معدية للانسان:
- متل كل الزواحف السلحفاة ممكن تنقل جرثومة السلامونله, من هيكا لازم غسل اليدين بالمي والصابون بعد اي اتصال مع السلحفاة او ايا اشي من توابعها,
- ما تقرب السلحفاة للفم وتحاول انو تبوسها لانو ممكن تنقل الامراض.

5) نصيحة:
تذكرو.. انو السحفاة حيوان لذيذ وغامض وبياخد معها وقت انو تتعود عليكو , بس ان ما عرفتو تتعاملو معاها منيح وحسيتو رح تخسروها احسن ترجعوها للطبيعه لتعيش فيها, لانها حيوان مستقل وبتعمل اللي بفطرتها حتى لو كانت بالطبيعة لحالها.

وتربية موفقه
عروس الجليل