اشترك في نشرتنا البريدية ليصلك كل جديد

سعادوو · 14-02-2008, 09:04 AM

السلام عليكم ورحمة الله وبركاته

انا قطوتي حامل ما اعرف في اي اسبوع لاني اشتريتها حامل..
بس اليوم ما اعرف شو صار بها كله تتمسح فيني وتلاحقني وين اروح ..الصراحة هذي اول مرة تسويها لانها اول ما شريتها لين الحين تخاف من عندي وما تقربت مني ..بس غريبة اليوم تباني امسح براسها وكله اقعد يمها... وتتنفس بسرعة وتنونو بصوت ضعيف وانا حاسة انها ممغوصة من شي لانها متوترة وما تقعد مكانها..ويوم احاول المس بطنها تهجم علي وتحاول تعضني وتخرمشني.....

تتوقعون ان هاذي اعراض الولادة؟؟؟ بس شكل بطنها مب كبير واايد نفس قطاوتي الي ولدوا قبلها ...

افيدووووووووووووووني بليز

GaRfIeLd · 14-02-2008, 09:10 AM

طلما انك متأكده انها حامل
فالي تسويه هذا اعراض قرب الولاده
يعني تبغاكي تساعديها نك تدبري لها مكان محد يشوفها فيه
وبنفس الوقت يكون سهل عليكي فحالة احتاجة مساعدتك
وعلى هذا الرابط شرح كيف تهتمي بقطوتك وهي حامل
http://www.2zoo.com/vb/showthread.php?t=14257
واي سؤال انا حاضر
واتمنى اكون افدتك

GaRfIeLd · 14-02-2008, 09:17 AM

المساعده تسويها اذا إحتاج الأمر
لكن هي بالعاده تعرف ايش تسوي
لكن احيانا تصير حالات طارئه فوجود ضروري

ومن الأفضل محد يشوفها غيرك عشان لاتتضايق
والكرتونه الي تحطيها تكون فيها فتحه من الجمب عشان يسهل عليها الدخول والخروج
وعشان لاتنط فوق عيالها
وغذيها زين

وانصحك حاليا انك تجهزي لها المكان وتاخذيها له
وتجلسي معاها مسحي عليها داعبيها بشويش
اتكلمي معاها بصوت خفيف
حتى لو تركت المكان رجعيها له

ولما تولد بالسلامه طمنينا

سعادوو · 14-02-2008, 10:55 AM

الف شكر لك اخوي على لنصائح والكلام المفيد..
وانا فعلا مجهزة الكارتونة من مدة والقطوة عرفت هالشي وهي كله تنام داخله حتى ولو اي قطوة ثانية حاولت تقرب من الكرتون تبخ في وجهه..
وهي الآن مازالت على تصرفاتها وانا كل ساعة ادخل الغرفة واطمئن عليها..

بس في حركة لاحظت انها تسويها اليوم انها تطلع لسانها وتدخله كأنها قاعدة تشرب ماي او عطشانة ..شو السبب؟؟؟!!!

GaRfIeLd · 14-02-2008, 11:02 AM

تطلعي اللسان مع النونوه معاناها تعبانه من الحمل
والضغار بتحركون داخل بطنها
وبعد اقلك على ملاحظه ثانيه احتمال تكون سوتها قبل او رح تسويها
تشوف المكان البارد وتحط بطنها عليها
يعني مثلا يوم يكون بلاط الأرضيه بارد
تلاقيها جلست على بطنها
لقت مكيف شغال وموجه بمكان معين
تمدد على ظهرها وتخلي بطنها جهة الهوا

لاتخافين تصرفها بخصوص اللسان طبيعي
المهم انك تكوني قريبه منها كثير
واهتمامك فيها زايد عن العاده لانها حامل
واظنها هي رح تعرف اهتمامك فيها
ومو بعيده تكوني الوحيده الي تخليها تسمح تقرب من عيالها وهم حديثي الولاده
المهم انه محد يشوفها غيرك او يسبب ازعاج
وابعدي اي قطو ثاني عن الغرفه الي هيا فيه
خليها بروحها وانتي معاها

وهذا من واقع تجربتي انا مع قطوتي
وان شاء الله تجيب كيتنز احلى من الحلى

GaRfIeLd · 14-02-2008, 11:04 AM

نسيت اقلك انه تحطي لها الأكل والماي عندها بالغرفه
وحتى حمامها
عشان لاتطلع من الغرفه ولا احد يزعجها
وضروري جدا تأكليها زين عشان صحتها وصحة عيالها تكون حلوه
يعني ((في حالة حمل القطه يبغالها عنايه واهتمام اكثر شوي من العاده))
لانه رح يتم الصغار يرضعو منها كثير وعشان ماتكون ضعيفه
وموضوع الحمام كل ماتسوي فيه نظفيه
وبعدين حطيه على الشباك وعرضيه للشمس وان شاء الله مارح تكون في روايح بالغرفه