//كوكاتيلي الجديد (صور+اسئله) ارجوكم ساعدوني\\

[N A S E R]

بسم الله الرحمـــن الرحـــيم

السلام علـــيكم ورحمــه الله وبـــركــاته



كيفــ حالكــم ؟ ان شاء الله بخـــير ؟



نبدأ بالمــوضوع . .


امـس الحمد لله اشــتريت زوج كوكتـــيـــل وفي المحــل كـان فيهم نشــاط

وقالـي راعي المحــل ان اعمارهم الذكر والنثيه بـحدود الـسبعه شــهور << هل العمر مناســب للتدريــب ؟ , وقال راعي المحل انهم يمكــن يعضــون بس يبيــلهم شويه تدريــــب !

جبــت الطيــور للبـيت وكانو خايفيـن شوي لان المكان تغير عليــهم لكن اليوم الصـبح قل خوفهم مني شوي ..

واخـذت لهــم قفـص واللـي هو موجود بـالصـوره :



شرايكمـ هل القـفص حجمه مـناسب ؟؟ وهل هناك احتمال انهم يفرخون لو حطيت لهم عش ؟؟

وهــذا الاكل المخلط حقهم بالصوره :



هل هو ممتاز ؟

والحــين نجي لصور الزوج :







امس حطيت لهم في قاعده القفص اوراق وبعدها بساعه سحبت البلاستيك اللي عليه الاوراق عشان بشوف اذا في البراز (اجلكم الله) شي ولاشي عاد صورته لكم وهو على شكل غير المعتاد فأنا شكيت وقلت يمكن فالانثى شي وهذه الصوره :



هل يوجد مرض او خلل فالجهاز الهضمي ؟ مع العلم اني لما بدلت الاوراق وجيتهم اليوم الصبح كان البراز (اجلكم الله) على الصوره الطبيعه وغير سائل !
والانثى شفتها اليوم الصبح ترجف وواقفه على رجل واحده ونافشه ريشها (مع العلم اني كنت مطفي المكيف) ومدري انا خايف اذا كان فيها شي ! واما الذكر ماكان نافش ريشه ومافيه شي شكله طبيعي اليوم .. بس الانثى !!


ارجوكم انكم تساعدوني وتجاوبون على أسئلتي

وانا ادري انكم خبراء بالامور هاذي عشان جذي نزلت الموضوع بـ توزوو

لاني ادري ان الاجوبه بتكون عندكم


فجزاكم الله خــير لاتبخلون بمساعدتكم لي


وارجو اني مااكون ثقلت عليكم

...





بنتظاركم

N a S e R

[diiie_hard]

ماشاء الله اخي زوج حلوين كتير

يمكن تغيير الاكل والمكان جديد عليهم يخافون شوية

سيبهم انت يومين او اسبوع واكلهم اكل كويس نضيف وحاول توفر ليهم جو حلو وهيبقوا تمام التمام

ومن رايي تيسبهم كمان شهرين وبعدين تحط ليهم عش

وربنا يباركلك فيهم

تحيااااااتي

[عالم الكوكتيل]

الف مبروووووك اخوي ناصر


الطيور ماشاء الله حلوين


الاكل مناسب لهم


حجم القفص 100%100 تمام


بس الافضل انك ماتحطهم في مكان فيه تكيف او مكان بارد الافضل غرفه مافيه تكيف بس مروحه

العش الافضل تحطه الحين عشان بعد فتره راح تشوفهم يدخلون و يطلعون و يتعودون عليه

وانت انطر بعد فتره شوي شوي حاول تحط اصبعك على مناقره تشوف يخاف منك و لا لا

وبعدين حاول شوي شوي توكله تعطيه حب شمسي من ايدك


كل يوم تبدل الماي


الحين تشوفهم كلهم في مكان واحد مايتحركون الا لما يبون ياكلون او يشربون

بعدين راح تشوف حركه في القفص مو مثل اول ماجبتهم

و بعد فتره لما يتعودون عليك و على البيت راح تشوف الذكر يغرد


و اي خدمه انا تحت امرك

[N A S E R]

الله يعطيكم الف الف عافيه وجزاكم الله خــير

والله اني فرحان ومستانس بردودكم فعلا ماقصرتوا


لكن اذا ممكن عندي كم سؤال :

الانثى اليوم الساعه 5:30 الصبح كانت نافشه ريشها وترجف شوي وواقفه على رجل واحده

والحين الساعه 8:00 شفتها تأكل وتلعب بالقفص عادي . . هل ممكن يكون فيها شي ؟

..

وهل تنصحوني اقص جنحانهم ومخالبهم الاسبوع هذا مثلا ؟ ولاانطر لين يتعودون على البيـــت ؟

..

والعش شلـون صاير شكله ؟ شلون احطه لهم , يكون بجانب القفص ولاداخله ؟؟؟

..

واسمحولي اذا ازعجتكم اوثقلت عليكم

لكن تدرون الطيور جديده . .


بنظاركم ومشكورين مره ثانيه




..

[عسولي]

الله يبارك لك في حلالك

وانا من وجهت نظري انك تنتج منهم وتربي فروخهم على يدك احسن من تدريب الجوز

[N A S E R]

وانا اقول جذي بعد . .

ومشكوره على مرورج






..

[عالم الكوكتيل]

اخوي في طريقه انا اسويه بس يمكن صعبه عليك حتا انا ماعرف اسويه كان يسويه خالي لي الله يعطيه العافيه

بس شوف الاعضاء ان شاء الله يعطونك طريقه سهل تثبت البيت من بره القفص افضل من الي داخل القفص


الي داخل القفص راح يتوصخ و وانت ماراح تقدر تنضفه


الافضل بره القفص


و ان شاء الله العضاء مايقصرون معاك

[N A S E R]

عالم الكوكتيــــل

الله يـعطيكـ العافــيه وماقــصرت معاي جـزاكـ الله خـــير

وانا عــرفت الطريـقه اللـي انت تقصـدهــا وان شــاء الله اطبقـها بعـون الله

ومــشكور مره ثانـــيه


تحياتـــــــــــــــــــــــــي

N . a . S . e . R

[THE END]

عزيزي N A S E R

حياك الله في مجال تربيه الكوكتيل

واتمنى لك التوفيق ان شاء الله

في البدايه

:: حدد هدفك ::

هل تريد التفريخ ام التدريب

ثاني شئ

الجوز ما شاء الله جميل جدا والله يبارك لك فيه

والعمر اتوقع انهم اكبر من 7 اشهر ((التدريب بيتعبك شوي))

ومثل ما قالوا لك الاخوان تربيه الفرخ اسهل بكثير

والله الموفق

[N A S E R]

اخوي THE END

انا كان هدفي التدريب لكن مادام تدريب الفروخ اسـهل

بيكون هدفي التفريـــخ

لكن العش . . كم لازم يكــون حجمـه ؟ ارجو افادتي بهذا الشــأن

ومـشكور يالغالي على مــروركـــ




..