السلام عليكم ورحمة الله وبركاته
شحالكم.. وشخباركم ان شاء الله الكل بخير^^
مممممممممممم عدنا انا وتوتوه عندنا كم سؤال ونريد الجواب والنصيحه منكم يا الغوالي
اول شي في خاطري اسبحها يعني بالسعودي اروشها يا لبى علي ^^<<اعرف اتكلم سعودي ولا فاشله
هي صدق أروشها سعودية بس الأغلب صار يستخدمها يعني مو مميزة للسعودي ألحين
يصير اروشها علما من يوم هيه بيبي ما جربت اروشها اخاف عليها كنت بس اجيب شاش وابلله وامشه خفيف اما الحين عمرها شهرين ونص تقريبا؟؟
على حسب أنتي تشوفين أن ما في خوف يدخل الماي لجهازها التنفسي في السباحه سبحيها وإذا عاندت ما رضت رجعي للطريقة الأولية بالقطنة أهم شيء أنها تسبح.....ولا تبينها تتروش
ثاني شي صايره ضعيفه ما تاكل لانها تعتمد علي ااكله وانا اريد اغير هالعاده لاني من نص 6 بكون مشغوله لين آخر 9 صايره احط لها الاكل واراقبها ما ترضى تاكل اجي ااكلها تاكل شوي وترجع على كتفي مكانها المعتاد قلبي معورني عليها شو الحل معاها؟؟
أنتي حطي لها الأكل اللي تأكلينها بأيدك وبيدور اليوم وماردها بتاكل لوحدها لا تخافين وإذا تبين تجربين أكليها أنتي الأكل من أيدك خليها تذوقه وبعدين حطيه في صحن الأكل وشوفي بتاكله ولا؟؟
ثالث شي صايره ما تنام الا اذا قعدت امسح على راسها وتنام بهذي الطريقه هالنومه زينه ولا مو زينه لها
وامس فليل اروح وارجع عليها مو راضيه تنام طلعتها وقعدت امسح عليها ونامت وتمينا على هالحال ارجعها القفص اتم ادور وتصارخ ارجع اطلعا وامسح عليها وتنام
ما اعرف شنو الحل محتاره معاها؟؟
مثل ما قالوا لك حطي القفص بمكان هادئ وغطي القفص بحيث يظلم المكان حوليها وبعد فترة روحي شوفيها نامت ولا ومن ألحين أنصحك لا تعلمينها على الدلع الزايد هذا أنا مدلعه اللي عندي ومتوهقة إذا ما أجيه ينتف في ريشه
رابع شي صايره في النهار تاخذ غفوات وايد وقبل كل غفوه ولا اثناء الغفوه تسوي هالصوت؟؟شو يعني هذا الصوت <<انا اخاف انه في شي يعورها
ما شفت الفيديو ....ما أقدر أعلق
بس ضغط الفيديو لانه يقول حجمه كبير هذا هو
http://www.2zoo.org/uploads/13382913671.rar
رابع شي صايره تروح كثير امام المرايه وتشوف نفسها وتقعد تضارب عمرها انا امنعها الصراحه احسها بتتعقد من كذا امنعها وتتحرطم ما اعرف تسوي صوت غريب عجيب؟؟
أتوقع بنتك تفكر أن في أحد في الجهة الثانية لمن تشوف نفسها وعاد تعرفين الطيور نفس العيال كل شيء يكتشفونه بمنقايرهم ما أتوقع أنه راح يأثر عليها بس ما أدري أنا أقول لا تخلينها لوحدها لمن توقف قدام المرايا روحي أنتي ووقفي معاها وقولي لها هذي حلوة ولا منو هذي ...كذا يعني خليها تحب الموجود بالمرايا مو تكرهه
خامس شي جناحتها طولنين ما اريد اغلط الغلطه الاول في الدره اللي شردة واريد اقصهم بس في نفس الوقت ارحمها توها فرحنه وطايره بس المكان مش امان يعني الباب ينفتح الدريشه تنفتح وهيه برع القفص اخافها تخون شو تنصحوني؟؟
أنا أقول إذا أنتي خايفة عليها لاتطير مثل توتو قصي لها جناحينها بس مو لحد أنها ما تعرف تطير بالمرة لا خليها تطير وتستانس بس أرتفاع الطيران يكون منخفض عرفتي؟؟
سادس شي اريد اخذ لها صديق بس ما لقيت اليف عادي اخذ متوحش واخليه معاها في نفس القفص وبعدين احاول جاهده اروضه ويصير مثلها؟؟
أنا أقول حطي بقفص لوحده ولا يلتقون مع بعض مباشرة خليه يتعود على الأجواء وعلى الموجودين وعليها وبعدين حطي الأقفاص جنب بعض شفتيهم توالفوا على البركة طلعيهم ما توالفوا الأيام بتخليهم يتعودون على بعض
سابع شي انا كل يوم اعطيها فواكه هالشي يضرها؟؟
هي الفواكة مفيدة كثير وتعوض جسمها بفيتامينات وشغلات واجد بس كثرتها تسبب الأسهال يعني مو تحطين لها الفواكه كأكل رئيسي متى ما شفتي نفسك مروقة كل يومين طلعي معاها الصباح تحت الشمس وعطيها فاكهة تفاح..برتقال..أي شيءويصير اللي سويتيه 2 في1 وطبعاً تطلعينها بعد قص الأجنحة مو إذا شبعت تطير من عندك
ولكم جزيل الشكر
ودي واحترامي للجميع
اختكم
قمر