حكايتى......

[ميدو مدحت]

اسمحولى احكى حكايتى مع تربية السمك
أنا حكايتى مش طويلة اوى مع السمك لكن هى ممتعة بالنسبة لى
فى الاول انا ابتديت من وانا عندى 13 سنة كنت بحب كل الحيوانات لكن عرفت انى مينفعش اربى كل الحيوانات فى البيت عندى ولا هينفع اربيهم فى وقت واحد علشان كنت عارف انى لو ربيتهم فى وقت واحد اكيد مش هراعيهم كويس المهم علشان مطولش عليكم كان معايا واحد صاحبى فى المدرسة والده كان فاتح محل فى حيوانات كتيرة شوفت عنده السمك وعجبتنى فكرة انى اربى السمك فقولتله وفعلا اشتريت منه بلورة كبيرة شوية كان حططلى فيها على ما اتذكر (زوج جوبى وزوج سورد تيل) خدتهم وطبعا مش عارف انواعهم ايه(كنت فاكر تربية السمك انى احطهم فى حوض او بلورة بس وان السمك كله ذى بعض فى التربية)المهم كنت فرحان بيهم وفى يوم من الايام كنت قاعد بتفرج عليهم شوفت الجوبى وهى بتفرغ (منظر رائع) المهم سالت واحد صاحبى كان بيربى سمك قالى مفصلهمش صحيت تانى يوم طبعا كانوا اختفوا وده كان اول درس اتعلمته بعدها سمكتين ماتوا ومليت من الموضوع ومن شهرين بس قررت انى اشترى حوض حطيت فيه جولد وجوبى والزبال والبلاتى بس اخوانى هنا قالولى مينفعش الانواع دى مع بعض فاستبدلت السمك ودلوقتى انا عندى (4كوى حجمهم متوسط اكتر من 7 سم و2 جولد لسة صغار و2 بلاتى بس الانثى فى الحضانة
ودى هى حكايتى بس انا لحد دلوقتى مش عارف الذكر من الانثى فى الكوى ولا عارف اذاى اهيألهم الجو للتزاوج
ومعلش على الاطالة ويا ريت لو حد فرغ الكوى قبل كدة يحكى كيف؟