محتار ياجماعه..؟؟

[بويوسف الميلاني]

ياخواني ماعندي غيركم اشاوره باموري في الطيور...

انا عندي كاسكو ذكي ما شاء الله عليه...

وودي اشتري بلوفرنتد...

هل يأثر اذا خليتهم جنب بعض ( كل واحد في قفص)..

وخايف اتهور واندفع واشتري البلوفرنتد واتحسف على فلوسي....( خصوصا انا طالب مو موظف)...

والطير صراحه عاجبني...

تكفون لا تبخلون علي ...

وفقكم ربي

[كاسكـــو]

من ناحيه تحط ببغائين جنب بعض كل واحد بقفص مافيه مشكله

لكن اذا الكاسكو يحبك ومتعلق فيك احتمال تصيبه الغيره من الببغاء الثاني ويتغيير بعض الشي

وانت شوف وضعك مع الكاسكو

واذا نفسك فيه وخايف على الكاسكو

تقدر تبعد الاقفاص عن بعض بحيث مايشوفون بعض انسب حل

[كاجو]

مرررررررررراحب
اخوي مافيه مشكله واذا تقدر تشتري البلو فرنتد حلو فرصه ماتعوض...لاكن الموضوع يعتمد على الكاسكو الي عندك اذا كان من الببغاوات الغيوره هينا تكمن المشكله لانك راح تعاني من نفسيته راح تتعب وراح يتعبك معاه
انا عندي ببغاء اذا شاف ببغاء ثاني اوكله او العب معاه يضرب عن الاكل ويصارخ ويشيل علب الاكل والماء ويرميها في الارض من الغيره ويقوم ينتف في ريشه عشان كذا ان احط الببغاوات متفرقه عن بعض وانت لازم تجرب قبل علشان ماتتعب وخصوصا اذا كان ماعندك غير مكان واحد تجمع فيه الببغاوين بس من ناحية البلوفرنتد اهو ببغاء جميل واحس ان انه احسن من الكاسكو هذا راي وانت يرجع لك الامر..

[سكر]

والله يا ابو يوسف ما شاء الله عليك

متعلق في الأمازوني بيديك وأرجولك هههههههههه

ما دام طول هذي الفترة وانت متعلق فيه أجل توكل على الله واشتر أمازوني فرخ.


وحط في بالك 3000 ريال إلى 3200

واذا نقصك شي حاظرين للغالين

واذا ما لقيت في الحسا تعال للقطيف, بتلاقي كل شي بإذن الله.

أو جرب تكتب في قسم الشراء وحدد المواصفات والمدينه.

تحياتي

[كاجو]

سكر جالس تحدد له السعر .. وش قصدك؟؟ ههههههههههه

أخوي ابو يوسف في قسم البيع اليوم نزل موضوع لبيع البلو فرنتد بـــ3200 فرصه ماتعوض بس للاسف انا مالحقت عليها

اخوك حضه ردي دايم صار لي شهرين وانا ادور ويوم شريت لقيت من بكره سعر ارخص ؟؟؟؟؟؟؟؟

الحمدلله على كل حال ..

[بويوسف الميلاني]

والله مادري كيف اشكركم....

وان شاء الله ماتشوفون مكروه....

اخوي سكر انا لقيت بلوفرنتد واريد اوريك صوره.....ممكن...

اخاف يخدعوني...واسف اذا ثقلت عليك...

[سكر]

ايه اكيد يا قمر ورينا صورته لا هنت


اخوي ابو يوسف أهم شي انك تقول دعاء السوق قبل ما تشتري شي.

" لاإله إلا الله وحده لاشريك له ، له الملك وله الحمد ،يُحيي ويُميت ، وهو حي لايموت ، بيده الخير وهو على كل شئ قدير ". رواه الترمذي
وبإذن الله تتوفق في الشراء.

ونصيحتي لك قبل ما تشتري تصلي صلاة استخارة عشان القلق والحيرة تروح منك.


عن جابِرٍ رضيَ اللَّه عنه قال : كانَ رسولُ اللَّه صَلّى اللهُ عَلَيْهِ وسَلَّم يُعَلِّمُنَا الاسْتِخَارَةَ في الأُمُور كُلِّهَا كالسُّورَةِ منَ القُرْآنِ ، يَقُولُ إِذا هَمَّ أَحَدُكُمْ بالأمر ، فَليَركعْ رَكعتَيْنِ مِنْ غَيْرِ الفرِيضَةِ ثم ليقُلْ : اللَّهُم إِني أَسْتَخِيرُكَ بعِلْمِكَ ، وأستقدِرُكَ بقُدْرِتك ، وأَسْأَلُكَ مِنْ فضْلِكَ العَظِيم ، فإِنَّكَ تَقْدِرُ ولا أَقْدِرُ ، وتعْلَمُ ولا أَعْلَمُ ، وَأَنتَ علاَّمُ الغُيُوبِ . اللَّهُمَّ إِنْ كنْتَ تعْلَمُ أَنَّ هذا الأمرَ خَيْرٌ لي في دِيني وَمَعَاشي وَعَاقِبَةِ أَمْرِي » أَوْ قالَ : « عَاجِلِ أَمْرِي وَآجِله ، فاقْدُرْهُ لي وَيَسِّرْهُ لي، ثمَّ بَارِكْ لي فِيهِ ، وَإِن كُنْتَ تعْلمُ أَنَّ هذَا الأَمْرَ شرٌّ لي في دِيني وَمَعاشي وَعَاقبةِ أَمَرِي » أَو قال : « عَاجِل أَمري وآجِلهِ ، فاصْرِفهُ عَني ، وَاصْرفني عَنهُ، وَاقدُرْ لي الخَيْرَ حَيْثُ كانَ ، ثُمَّ رَضِّني بِهِ » قال : ويسمِّي حاجته . رواه البخاري.

اذا قلت دعاء السوق وقبلها صليت الاستخارة, توكل على الله وثق تماماً ان اللي بتسويه بيكون هو الأفضل.

واذا ربي كتب لك تشتري ببغاء بيكون أفضل ببغاء ممكن تحصل عليه في الدنيا هذي لأن اللي اختاره لك مو سكر ولا خبير في الطيور

اللي اختاره لك العليم الخبير. فكيف يكون اختياره جل جلاله؟؟؟


تحياتي

[كاجو]

والله انك صادق ياسكر

اهم شيء دعاء السوق والي كاتبه الله بيصير...

[سكر]

الله يسعدك يا كاجو ويخليك

كاجو ارسل لي الرابط مرة ثانيه ولا تعتزل المنتدى

.

[Q8 Sailer]

اهلا اهلا بسكر مشكور على الدعاء الحلو .. والله يجزاك الف خير ..

اخوي بويوسف انتبه !!

لا يخدعونك ويبيعون عليك الاورانج وينجد ..

شوف طرف جناحيه في لون برتقالي وله لأ ؟؟ اذا فيه يعني اورانج وينجد واذا مافيه يعني بلوفرونتد

لأن البلوفرونتد والاورانج وينج يتشابهون .. انتبه ..

وان شاءالله يفيدك هذا الموضوع ..

http://www.2zoo.com/vb/showthread.php?t=96375

والله يوفقك ..